الخبر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
fhd004
26-08-2022 - 02:34 pm
يا جماعة الخير لي 5 سنوات عن المنطقة الشرقية .. وكانت بعد في زيارة خاطفة ..
المهم أنا الحين مع عائلتي من هذا اليوم الأربعاء ولمدة أربعة أيام .
وين أروح مع عائلتي وأطفالي الثلاثة ؟!!
من النشمي أو النشمية اللي تقترح لنا كم فعالية وكم روحة وجية ومكان تمشي ما بين الخبر والدمام ..
يالربع تكفون لا تخلوني أتفشل مع عائلتي الصغيرة ..
تراهم منطقة كبودهم من 3 سنوات عمل متواصل .
في انتظار اقتراحاتكم الجميلة .


التعليقات (5)
روح الوفـــا
روح الوفـــا
حياكم نورت الشرقيه بزوارها
ااهم شي عندك البحر الحين الاجواء مره روعه عندنا
الواجهه البحريه بالدمام والخبر وشاطئ نصف القمر لاتفوتكم
والعزيزيه يوم الخميس والجمعه لاتفوتونها اجواها حلوه تسوق ودبابات وركوب الخيول او الحنطور تجربه ممتعه
معرض ارامكوا تكون لهم فعاليات بالعيد ممتعه
ومركز سايتك بالخبر
المجمعات مجمع الظهران مول والراشد مول ملاهي الاطفال حلوه بهالمجمعات
وسفره موفقه لكم

fhd004
fhd004
روح الوفا
شكرا جزيلا لك .. ويا ليت مزيد شوي .. طمعت في مثل هالفعاليات المركزة
دحومي ..
مشرفنا الغالي الله يجزاك خير ما فيه وقت الواحد يقرا تقارير كثيرة ويلخص ..
اقترح كم فعالية إذا تكرمت بحكم التخصص
وفقك الله
شكرا لهذا المنتدى الغالي ..
أمس كان وجهي
والحين بدا يصير ..

أأأستغفر الله
أأأستغفر الله
الاخوان ماقصرو
الاماكن الاكتب عنه روح الوفاء حلوه
عندك مجمع الظهران كبير وفيه صاله مطاعم والعاب
وبنفس المكان هذا فيه صالة عبقرينو حلوه مره تصلح حق الاطفال
وعندك البحرين بعد روح غير جو فيها
عندك مطعم البلد على كورنيش الخبر اسعاره حلوه مطعم لبناني
كوبر شندنى في الخبر في شارع الببسي سابقا حاليا اسمه شارع الامير فيصل بن فهد هذا مطعم هندي حلو
وعندك ابو نواس احلا شي عنده البروستد في الخبر والدمام الخبر خلف زار الاعلى الوجهه
والدمام في الشارع الاول كله مطاعم
وفيه مجمع مطاعم وكافيهات اقبال الوجهه
وفيه مجمع ادغيثر كله مطاعم عندهم مطعم السنبوك حلو بحري هذا اقبال الرايه للشقق الفندقيه في الخبر
فيها قطار في وجهة الخبر والدمام بس عندي الدمام احلا لانه وجهة الدمام اكبر
هذا يصلح لك والاطفال ياخذ لك فره على الوجهه حلو مره ممتع
عندك مجمع الراشد وفنيسيا اقبال بعض
وعندك مجمع الظهران اقبال وكالة لكزس
ومجمع مارينا مول على كورنيش الدمام
ومجمع الشاطي على كورنيش الدمام اقبال الشيراتون
وفيه مطعم القريه الشعبيه في الدمام اكلة شعبيه ويعتبر تراثي
وعندك العزيزيه لاتفوتك حلوه ونسه مره فيه حنطور وخيول فيه اشي تصلح للاطفال والمدام ولك
واخذ لك شاليه من احد الشاليهات الا في هاف مون
لو يومين علشان تغير فيه جو وتركب قارب وجتسكي وتتونسون اكثر في البحر
وياهلا فيكم بشرقيه
ورحله موفقه

fhd004
fhd004
والله أشكر الجميع على تفاعلهم واحدا واحدا وخصوصا من حط التقارير ..
تونا جايين من الهاف مون كان الجو غاية في الروعة ..
وبعد المغرب أفطرنا وتقهوينا وفلة وسعة صدر ..
الأطفال فلوها في البحر ..
ما توقعت الجو روعة كذا .
شكري للجميع ..
الحين بنستعد لسايتك العلوم .. هل هو مفتوح الحين ؟
اذا فيه احد منكم اون لاين الآن يعلمنا فضلا

حلمي لندن
حلمي لندن
fhd004
مرحبا اخوي ......سايتك بيكون فيه مهرجان وفعاليات ثاني العيد
الافتتاح بيكون العصر ولمده خمس ايام ,,,,,,,


خصم يصل إلى 25%