ديانة جزر المالديف: الاسلام
العمله: روبيه ويتعاملون بالدولار
الدورلار= 3.75 ريال
الدولار = 12.85 روبيه
العاصمه: مالي
تقع جزر المالديف في المحيط الهندي جنوب سيرلانكا
فارق الزمن: تسبق السعوديه بساعتين وخمس دقائق
مدة الرحلة:
في جزيرة باندوس ((أربع أيام))
في جزيرة صن ايسلاند ((يومين))
في المالديف تتميز بان الفندق جزيرة والجزيره فندق
يعني الجزيره يملكه فندق واحد بس مع جميع مرفقاته من نادي ومطاعم ومقاهي ومنتزهات وسوبر ماركت ومساج ووحدات سكنيه متنوعه..
مسار الرحله:
الذهاب:الرياض - كولمبو – مالي
العوده: مالي- كولمبو- الرياض
اليوم الأول:
توجهنا الى الرياض بعد ماخلصنا كل تجهيزاتنا قبل
من جوازات
وتحويل عمله
وصيديلة مصغره
وكوفي مع شوية نواشف وماء>>تقل مب لاقين عندهم ماء
وشناط الملابس..
وحجز تذاكر و سكن وتنقلات..
حجزنا من مكتب اسمه إجازتي كان بصراحه متحملنا كثير كل دقيقه وحنا داقين عليه قبل مانسافر لحد انه الظاهر بالعشر الآواخر من رمضان جالس يدعي ربه يقول متى ذولا يسافرون ويفكوني خ
وحجز لنا كل شي ماقصر ابن الحلال وكانت اسعارهم مره معقوله..
مشينا للرياض
فوصلنا صالة المطار ورحنا نكمل اجراءتنا وكنا حاجزين بالخطوط السيرلانكيه هي الوحيده اللي ناسبنا وقته وحتى سعره كان معقول..
دخلنا المطار ومشت امورنا على خير مايرام مع وجود زحمه بسيطه في البدايه
ثم دخلنا صالة الانتظار
اخذنا لنا كوفي مع خفايف الى ما جاء موعد رحلتنا
ودخلنا بسهوله يالله لك الحمد وركبنا الطياره وأقلعت بموعدها
فمن وجهة نظري من البدايه كانت الخطوط السيرلانكيه رائعه
واحسن مابهم عندهم تلفزيون ماتمل ابد خ
وهذي وجهتنا بإذن الله
وبعدما ربطنا حزام الأمان
عطونا التعليمات
أقلعنا وودعنا أنوار الرياض
ثم وزعوا لنا عصير ..
وبعده وزعوا علينا العشاء
ثم جلست العب ذي اوسع صدري لأن كان الطريق الى كولمبو تقريبا 5 ساعات
بعدها صلينا الفجر بالطياره
ومع طلوع الشمس كان الجو مره روعه أخذت كم صوره
ثم وصلنا الى مطار كولمبو بحمد الله
الى هنا انتهى يومنا الأول