كوينزتاون المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
دمووع^الحزن
14-12-2022 - 06:50 pm
صباح / مساء الخير على الجميع
انا راح اطلع اسافر شهر عسل في شهر فبراير وراح تكون وجهتي كل من استراليا ونيوزلندا وماليزيا وراح اذكر لكم مخطط رحلتي :
البدايه في سيدني 4ليالي ومن ثم الأتجاه الى كوينز تاون وراح اجلس فيها 5ليالي ومن ثم العوده الى جولد كوست 8ليالي وبعدين كوالالمبور 4 ليالي وراح يكون تسوقي فيها
اللي حبيت آخذ رايكم فيه:
1 هل احتاج استخراج فيزا لنيوزلندا؟ وكم تستغرق؟ وهل عندهم سفاره فالرياض؟
2 بالنسبه للمده اللي بقضيها في كوينزتاون هل تعتبر كافيه؟
3 كيف راح يكون الجو في كوينز تاون في منتصف شهر فبراير؟
4 وش انسب خطوط داخليه من سيدني الى كوينز تاون؟
5 اختياري لفندق كراون بلازا في نيوزلندا وش رايكم فيه؟
ارجو منكم الرد والمساعده
تحياتي للجميع


التعليقات (4)
الإكوادوري
الإكوادوري
حبيت افيدك باشياء بسيطه بخصوص الفيزا مايحتاج فيزا للسعوديين يعني معاك 3 اشهر
والمده كافيه 5 ايام
بخصوص الجو اعتقد حلو مش برد
وبرنامجك حلوو سي يو

ahmad
ahmad
مبروك ياعريس مقدماً , والله يوفقكم يارب ..
نروح ع الأسئلة , ونأسف ع التأخير عزيزي ,,
1 هل احتاج استخراج فيزا لنيوزلندا؟ وكم تستغرق؟ وهل عندهم سفاره فالرياض؟
لا تحتاج إستخراج فيزا ل نيوزيلندا , لأن لك تصريح من المطار في نيوزيلندا ل الجلوس بها ل مدة ثلاث أشهر ..
ف الفيزا مالها حاجة ..
2 بالنسبه للمده اللي بقضيها في كوينزتاون هل تعتبر كافيه؟
المدة لو تُنقص يوم يكون أفضل ب رأيي ..
وب شكل عام لو تنقص يوم منها ومن سيدني ومن قولد كوست يكون أفضل ب رأيي ..
لأني كلها أعرفها زين .. سيدني 3 كافية , قولد كوست 5 أو 6 كافية جداً , كوينز 4 ممتاز ..
والرأي لك عزيزي بس المقصد حتى مايكون فيه ملل ..
3 كيف راح يكون الجو في كوينز تاون في منتصف شهر فبراير؟
دافئ نوعاً ما .. لا تنسى سيدني وقولد كوست حرّ ب هالفترة ..
4 وش انسب خطوط داخليه من سيدني الى كوينز تاون؟
ماأعرف إذا فيه وجهات مباشرة على كوينزتآون من سيدني ؟
لكن الإمارتية هي الأفضل وتوصلك ل كرايس شيرش , بعدين من كرايس ممكن تطلع ع الجت ستار ل كوينز ..
5 اختياري لفندق كراون بلازا في نيوزلندا وش رايكم فيه؟
رائع , ولو أني أنصح ب منتجع يكون أفضل ..
وربي يوفقك ياعريس , ودعواتكم لنا يابطل ..

حبيب موني
حبيب موني
السلام عليكم
أنا بعد بطلع شهر عسل بنص فبراير
لاكن الى نيوزلنا فقط
اوكلاند
رتروا
كوينز تاون
4يوم
وش رايكم وكيف الجو
البكج كامل من بيتنا بالخبر الى العودة لبيتنا ايضا 40 الف ريال تذاكر فنادق خمس نجوم مواصلات تمشيات ومصروفات الاكل

دمووع^الحزن
دمووع^الحزن
مشرفنا العزيز احمد الله يعطيك الف عافيه على التعقيب على موضوعي .. بس حبيت اسأل عن الاشياء الممنوع دخولها الى نيوزلندا؟ وبالنسبه للمصروف اليومي كم يكفيني فاليوم من اكل وانشطه وغيرها طبعاً بالتقريب لأني ابغى اروح جميع الأماكن الجميله في كوينز تاون؟
وياليت تنصحني ببرنامج معين من وصولي الى اوكلاند وكوينزتاون علماً بأن برنامجي على النحو التالي:
  • 19فبراير بوصل اوكلاند الساعه 4.30عصراً وبسكن في فندق هيرتاج اربع نجوم لمدة ليله واحده في هالليله وش تنصحني اقضيها؟
  • 20فبراير الوصول الى 4.15 عصراً ... ابغى برنامج منذ وصولي الى يوم مغادرتي من كوينز تاون يوم 25فبراير

تحياتي للجميع


خصم يصل إلى 25%