تايوان المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
محب البردعي2
09-11-2022 - 02:54 am
السلام عليكم ورحمة الله وبركاته وبعد
لدي دورة في دولة تايوان
بماذا تنصحونني وماذا اخذ معي وماهي الاماكن التي تستحق الزيارة وماهي المطاعم الاسلامية (ذبح حلال)فيها وماهي ابرز معالمها وهل فيها رخص في الاجهزة يشجع للشراء منها وهل بها مواقع اثرية
سفرتي قربت ويالله لقيت هالموقع بعد ان دلني علية احد الزملاء


التعليقات (6)
Boo3lam
Boo3lam
الاخ محب البردعي 2
حياك الله معنا في المنتدى
بالنسبه ل تايوان او اللي هي جمهوريه الصين بلد من اجمل البلدان اللي زرتها
انا رحت 3 مرات تايبيه وبصراحه ما حصلت الا مطعم واحد اسلامي صاحبه مسلم
عنوان المطعم اذا تبغيه بدور لك عليه وعلى فكره تراه قريب من فندق Brothers
الاجهزه الالكترونيه اللي عندهم اسعاره ارخص بشي بسيط عن اللي عندنا لاكن دايما
اللغه الصينيه مستخدمه في الاجهزه
البلد امان والشعب طيب وانصح تستخدم الاندرقروند او التكاسي في حاله ان ما فيه محطه في المكان اللي رايح له
اذا وصلت الجوازات تأكد ان تقول لهم اسم الفندق اللي بتسكن فيه واذا غيرت احتفظ بالاوراق
عندي لك سؤال الفيزه خذتها ولا لا ؟ومن اي بلد انت
اذا فيه شي ثاني انا حاضر
تحياتي

محب البردعي2
محب البردعي2
اشكرك اخي الكريم على ردك
بالنسبة للفيزة انا طالع تبع العمل (حكومي) من السعودية
ابي الله يجزاك خير بعض المعلومات وتراي قروي وشي اندر قراوند؟؟؟
ابي عناوين اعطيها راعي التكسي يوديني لها
بالنسبة للجوالات مثلا كميرات الفديو بلاي استيشن2 (تراي اقدرها) واجهزه اخرى....وشلون اسعارها؟
ملاحظة:
فية مجال الواحد ياخذ معه كتيبات للتعريف بالاسلام ممكن الواحد يهديها من باب الملاطفة والتعريف بالاسلام؟؟ او ممنوع

Boo3lam
Boo3lam
الاندرقروند هي القطارت اللي تحت الارض اسعارها حلوه لكن يمكن تواجهك مشكله
اذا ما تعرف لها وفي ذالحاله الافضل التاكسي واسعاره زينه
الاجهزه الالكترونيه اسعارها حلوه لكن مثل ما قلت كل شي مكتوب عليها بالصيني
ملاحظة:
فية مجال الواحد ياخذ معه كتيبات للتعريف بالاسلام ممكن الواحد يهديها من باب الملاطفة والتعريف بالاسلام؟؟ او ممنوع
اذا تبغي نصيحتي لاتاخذ معك الا شي بسيط يبين انه استخدام شخصي لان الجوازات والجمارك تعاملهم
شديد وموجود عندهم مركز اسلامي تقدر تاخذ عنوانهم وترسل لهم اللي تبغي اذا رجعت بالسلامه
واكد لك واحذرك تاخذ الفاتوره من الفندق وتخليها معك يمكن يطلبونها منك الجوازات
لان مره من المرات حجزت في فندق وذكرت اسمه في الجوازات وبعد ما شفت الفندق طلع تعبان وغيرته
وبعد ما رحت للجوازات وانا طالع فتحو تحقيق يقولون وين رحت بعد ما طلعت من الفندق وبعد
ما طلعت لهم فاتوره الفندق الثاني مشوني
اول ما تسكن الفندق خذ كروت عنوان الفندق لان علشان تعطيها راعي التكسي لانهم ما يتكلمون انجليزي
واي مكان بتروح له قول للفندق يكتبون لك اسمه بالصيني واكتب جنبه بالعربي علشان ما تنسى
كنت مواعدك بأسم المطعم الاسلامي لكن بصراحه ما حصلته
لكن رسمت لك موقه على الخريطه وهو قرب فندق
Brothers
المطعم في واحد من الشوارع اللي عليها خط احمر اول ما تدخل الشارع بيكون
المطعم على اليمين بحوالي 200 متر
وهذي صوره الخارطه عطها الفندق وبقولون لك وين
" >
دورت لك اسمه في الانترنت ما حصلته لكن حصلت مطاعم غيره ما اعرفها ولا ادري ويك مكانها
جرب يمكن تكون زينه وقريبه منك
Ali Baba's Indian Kitchen
No. 2, Nanjing West Road, Taipei, Taiwan
Istanbul
Turkish
No 242-3, Yia-Chi Street, Taipei, Taiwan
Aaleja
Near SOGO Taipei, Taipai, Taipei City
6Ismail's Caf
No. 72, Section 2, Hsinsheng South Road, Taipei, Taiwan
(02) 2393-5992
ولا عليك امر ابغيك تاخذ عنواين المطاعم الاسلاميه
ولو تصورها بتسوي خير
ابغيك تدعي لي لان دعوه المسافر مستجابه بأذن الله
تروح وترجع بالسلامه


محب البردعي2
محب البردعي2
جزاك الله خير اخوي بوعلام(عساي كتبته صح)
اشكرك جدا
ارجو من الاخوة اعطاء المزيد من المعلومات اذا ممكن
ولكم تحياتي............

دواس علف
دواس علف
الله يجزاكم الخير ابي اشياء اكثر..فرحت يوم شفت الموضوع بس محتاج معلومات اكثر..

Boo3lam
Boo3lam
عزيزي محب البردعي2
ترى من زمان ما شفناك وحاولت ارسل لك على الخاص
وقال لي انه الصندوق مليان وهذا الكلام قبل فتره اعتقد انك
وقتها كنت في تايوان
نبغي نعرف اخبارك لاني بروح شهر 10
وابغي استفيد من سفرتك واذا حصلت مطعم
اسلامي غير اللي قلت لك عنه
او اذا حد من الاخوان عنده خبره نستفيد منها
فلا يبخل علينا
مع العلم اني رحت لتايوان 3 مرات لكن وقتي يكون
محدود واللي يبغي استفسار
يسأل لكني بعد محتاج الناس اللي اكثر خبره مني
تحياتي


خصم يصل إلى 25%