الفلبين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أبويزيد
09-08-2022 - 09:15 am

الاخوة الاعزاء حبيت اخبركم باني ان شاء الله متوجه الى الفلبين على متن الخطوط العربية السعودية يوم الخميس القادم الدمام منلا يعني بعد بكرة وبهذه المناسبة حبيت اشكر كل من قدم لي خدمة او معلومة او اجاب على استفسار لي عن تلك الديار وخاصة خبراء المنتدى الاعزاء الذين اثرو هذا المنتدى بكل ما يتعلق بالفلبين امثال الاخ حمودي فقد افادني كثيرا بمعلوماته القيمة والاخ كابيان وجميع الاخوة الاعضاء وايضا لا انسا كل من قدم لي المشورة والرائي من خارج المنتدى اعذروني ان انقطعت عنكم اثناء السفر فالغايب عذره معه ولكني سوف احاول التواصل معكم بقدر استطاعتي اخيرا لا املك الا ان اودعكم وارجو منكم الدعاء لي بسلامة الوصول واي خدمة انا حاضر ومستعد على الي اقدر علية
الي عندة نصيحة او شور معين تراني في امس الحاجة الان لاي معلومة ولو بسيطة فارجو انه ما يبخل بها علي وبسرعة تراني في الوقت الضايع الان


التعليقات (9)
badr2003
badr2003
ابو يزيد
تروح وترجع بالسلامه
ان شاء الله
وعندي سوال لو سمحت
بكم اخذت التذكره
وكم مدتها
وعلى اي درجه

سامي
سامي
هلا والله اخوي ابو يزيد
تروح وترجع بالسلامه والله يوفقك في رحلتك
ولاتنسانا بالتقرير الحلوه

أبويزيد
أبويزيد
الله يسلمكم ومشكورين على التوديع الحار بالنسبة لسعر التذكرة اخذتها 2400 ريال فقط لاغير على الخطوط السعودية الدرجة السياحية لمدة 21 يوم

badr2003
badr2003
مشكور على الرد
والله الخطوط السعوديه ماتستحي
الحين هذا سعرهم والهاي سيزون مابعد بدا
اجل وش بيسوون مع الزحمه
على العموم كان معك اكثر من خيار بحكم تواجدك بالمنطقه الشرقييه(مطار المنامه_مطار الدوحه)
بس الخيره فيما اختاره الله
ان شاء الله تكون سفره موفقه

أبويزيد
أبويزيد
ابد اخوي بدر ما سوينا الا الواجب
صحيح كان عندي اكثر من خيارلكن الخطوط السعودية كان افضلهم من ناحية المواعيد وسرعة الوصول لان الرحلة مباشرة من الدمام مانلا ووقت الاقلاع الساعة الثامنة مساء يعني الوصول لمانلا ان شاء الله 10 صباحا بتوقيت الفلبين وترى ما فيه فرق واجد بين السعودية والخليج لا ني سالت عن طيران الخليج كان سعرهم مقارب الفرق ميتين ريال فقط وازيدك من االشعر بيت ترى الخطوط السعودية قبل شهر تقريبا كانت اسعارهم خيالية تذكرة الفلبين كانت 3650 يعني نزلت اكثر من الف ريال وذاك الوقت فعلا كانت تفرق عن الخليجية والقطرية ولاماراتيه حوالي 1500 ريال فرق كبير جدا وترى الاسعار هذي انا متاكد منها لاني انا الي سالت عنها بنفسي قبل شهر لاني بغيت اسافر ذالك الوقت وكنت حاجز على الخليجية لارتفاع سعر السعودية ولكن اجلت السفرة وتصادف ان السعودية نزلو سعرهم فحجزت عليها اتمنى اكون افدتكم والى القاء ان شاء الله

badr2003
badr2003
أبويزيد
الله يوفقك
انا الي اقصده ان سعرهم الان وقبل الصيفيه وقبل الموسم الي هو بشهر يناير مرتفع يعني اذا بدت الصيفيه راح يزود
الخطوط الامارتيه في حدود2100 مع انها كانت 1800قبل مد ه شكلهم غارو من ربعنا
القطريه في حدود1900
الفلبينيه مثل ربعنا مع اني افضلها اكثر من السعوديه رحت فيها مرتين وسو لنا ترقيه على البزنس كلاس من غير مانقول لهم لان حجزنا كان العوده بزنس كلاس وطيارتهم نظيفه واكلهم جيد والخدمات معقوله والتوقيت السفر الساعه 8 مساء من الرياض
اسال زين مكتب الخطوط الي اخذت منه التذكره وتاكد ان مافيه ترانزيت
لانهم قد قالو لي مافيه ترانزيت ووقفنا في بانكوك ساعه ونص في الطياره من غير مايبلغنا المكتب (على الخطوط السعوديه)

مهاجر
مهاجر
هلا والله اخوي ابو يزيد
تروح وترجع بالسلامه والله يوفقك في رحلتك

سيـــــاحـــــي
سيـــــاحـــــي
انتبه شيك على الكاميرات والشواحن
ترجع بالسلامه انشااء الله

البوح
البوح
أبو يزيد
تروح وترجع بالسلامة أن شاالله
هو الحب دوما لك ولعشاق الوردة..


خصم يصل إلى 25%