استراليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
top820
03-09-2022 - 09:55 am
السلام عليكم ورحمة الله وبركاته...
اخواني انا انوي ان ازور استراليا في شهر يونيو لمدة 20 يوم تقريبا (شهر عسل) وعملت بكج ...
على خطوط طيران الخليج الى سنغافوره ومن ثم على الكوانتس الى ملبورن.... وجميع التنقلات الداخليه بين ملبورن وجولد كوست وسيدني على خطوط الكوانتس.
ووزعتها حسب التالي :
4 ايام ملبورن الفندق جراند حياة
2جولد كوست الفندق ليجند
4 ايام سيدني الفندق كراون بلازا دارلنغ هاربر
طبعا شامل وجبة الفطور والتنقلات من المطار الى الفندق والعكس....
طبعا كامل البكج طلع تقريبا 000و23 ريال سعودي....
الاستشاره ... هل التوزيع جيد ... والفنادق كيف وضعها .... والسعر .. هل معقول ام غالي...ارجو افادتي...مشكورين وما تقصرون....


التعليقات (9)
Hesham
Hesham
وعليكم السلام والرحمة والبركة ...
أول شي اخوي الف مبروك مقدماً والله يطرح لكم السعادة ...
المدة جداً ممتازة 20 حلوه وان شاءالله ناوي اسافر لأستراليا لكن موب بالصيف وحاط في بالي من 20 - 30 يوم وكان توزيعي على المدن لو رحت 20 يوم هي كالتالي :
  • 5 ايام في سدني فندق " http://www.westin.com.au/" .
  • 5 ايام في جولد كوست فنقد " http://www.palazzoversace.com.au/" .
  • 5 ايام في ملبورن فندق " http://www.crowntowers.com.au/ " .
  • 5 ايام في كايرنز " http://www.hilton.com/en/hi/hotels/index.jhtml?ctyhocn=CRNHITW " .

اما لو بزيدها فراح اتوجه لنيوزلندا او أحد الجزر القريبة مثل فيجي أو غيرها ..
السعر اخوي جداً جميل ومناسب هذا برأيي وانا اعطيتك برنامجي ولو عندي خبره بقولك ...
تمنياتي لكم برحلة وزواج سعيد .
تحية وتقدير
أخوك
هشام

top820
top820
مشكور أخوي هشام على ردك ...
بس حبيت اسئل عن افضل الاماكن اللي ممكن ازورها تكون مناسبه لاشخاص حديثي الزواج (شهر عسل) في ملبورن او جولد كوست وسيدني...
ولكم تحياتي..

رحال قطر
رحال قطر
السلام عليكم ...
التوزيع ممتاز ... وصدقني ال 12 يوم ألي راح تجلس فيهم في جولد كوست ماراح تحس فيهم ..
والله يوفقك ..
تحياتي لك

قولد كوست
قولد كوست
ممتاز البكج والمدة والسعر
Go Ahead

قولد كوست
قولد كوست
على فكرة فندق ليجند في قولد كوست ، انا سكنت فيه مع العايله، وكان جدا ممتاز بصراحة، ميزة غرفهم انها واسعة مره، تحس انك في شقة، بعدين الغرف فيها بلكونات مرتبة، بس حاول ان الغرفه تكون خلفيه عشان يكون فيه اطلاله ولو بسيطة على المحيط، وايضا يتميز الفندق ان فيه غرفة غسيل ملابس، غسالات ويرلبول الامريكيه الي تحط فيها كوينز وتغسل ملابسك بنفسك ، اضف الى ذلك ان موقع الفندق ممتاز وترى قدامة شركة تأجير سيارات يونايتد كارز، استاجرت منها سيارة لمدة اسبوع مترت فيها قولد كوست وبرسبن والمناطق الي حولهم ، عموما حاول انك ترتب وقت صح في قولد كوست عشان تقدر تلحق على اكثر الرحلات والتورز وتنبسط اكثر ،
يالله تمنياتي لك بزواج مبارك وبالتوفيق

top820
top820
مشكورين اخوي رحال قطر ... وقولد كوست...
طيب اخوي قولد كوست وايش وضع باقي الفنادق اللي اخترت .؟؟؟ وبالنسبه للوقت انا بكون في قولد كوست في اول July تقريبا ....

فتى الشرقية
فتى الشرقية
وعليكم السلام ورحمة الله وبركاته
الف مبروك الزواج. والله يسعدكم ويرزقكم الذريه الصالحه.
سبحان الله، نفس توزيع البكج اللي عملته السنه الماضيه:
4 ايام سيدني
2يوم جولد كوست
4 ايام ملبورن
وكلفني البكج 19,200 ريال !!!
بس في فرق انه ما كان شامل الفطور
والفندق اللي سكنت فيه في ملبورن اسمه رامادا (4 نجوم)
بينما الفندق اللي اخترته حضرتك جراند حياة (5 نجوم)
نصيحتي اذا تقدر تغير الفندق الى رامادا او هوليدي ان، وتلغي الفطور، علشان توفر كثير.
وصدقني، فنادق ال 4 نجوم في استراليا ممتازه ونظيفه، وبالنسبه للفطور عندك المقاهي والمطاعم منتشره في كل مكان... في سيدني تختار لك جلسه على الهاربر.. منظر ولا أروع، وفي جولد كوست المطاعم على البحر... جلسه ترد الروح... وهكذا
بينما فطور الفندق راح تكون محكوم بوقت معين (غالبا الى الساعه 10 صباحا) ومكان واحد ما يتغير، وراح تمل مع الوقت... خصوصا في جولد كوست (12 يوم)
هذا رأيي الشخصي والامر راجع لك
اتمنى لك سفره ممتعه وذكريات جميله لا تنسى مشرفنا العزيز هشام
ما شاءالله تبارك الله برنامجك ممتاز
خصوصا انك اضفت كايرنز الجميله للبكج
كان ودي ازورها بس الميزانيه كانت محدوده
وانصحك تضيف 5 ايام اخرى ل جولد كوست، ففيها الكثير من الرحلات والاماكن السياحيه.
وبالنسبه للفنادق، فأختيارك رائع... اذا الميزانيه جيده.
اما اذا حبيت توفر، فعليك بفنادق ال 4 نجوم فهي نظيفه وممتازه ، مثل ما ذكرت للاخ
تحياتي

قولد كوست
قولد كوست
انا اتفق مع اخي فتى الشرقيه 100% بالنسبه لفنادق استراليا الاربع نجوم تعتبر مثل الخمس نجوم في اوروبا صدقني، وبالنسبه للفطور في الفندق ماله داعي لان وقته محدود بعض الفنادق يقفلن البوفيه تسع ونص ، وانت اصلا بتكون عريس يعني قابلني انت تقوم بدري عشان فطور ;) ، وثاني شي السعر يقل كثير اذا الغيت الفطور.
وبالنسبه لباقي الفنادق بصراحه لا اعلم، لكن شكلها ممتازه ماشاء الله من اسمائها بس اهم شي مواقعها، مثلا في سدني احرص ان الفندق يكون حول الدارلينق هاربور، وبالنسبه لشهر 7 في قولد كوست ، الجو في قولد كوست غير عن سيدني تماما، في النهار جو حلو وتقدر تلبس تيشيرت لكن انصحك دايم يكون معاك جكيت في يدك تحسبا للضروف، لانه اوقات يهب هوا بارد خاصة اثناء الرحلات في الجبال او في البحر، وبالنسبه للجو في الليل فهو بارد ولكن مو ببرودة سيدني بس عموما الجو بيكون شتا لكنه مقبول جدا جدا ومشمس في النهار

Hesham
Hesham
اخوي فتى الشرقية
والله لاحظت مشاركاتك عن استراليا وتركيزك الكبير على الجولد كوست بمدة أطول ...
كان بودي اني ازور أكثر من مدينة في أستراليا والإقامة فيها خمس ليالي يمديني أمر أجمل مافيها ...
وإن شاءالله إذا فيه أجازة زيادة فما عندي مشكلة وقلت من أول شي لو بقدر على شهر إجازة بجلس شهر ولو اقدر اكثر برضه ماعندي مانع لأني ودي اسافر غير عن استراليا ...
ومسألة الفنادق والله أدور على الأفضل ولو عندك خيار أفضل من اللي انا حاط ياليت تخبرني ...
تحية وتقدير


خصم يصل إلى 25%