نيوزيلندا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
محمد™
19-11-2022 - 11:36 pm
السلام عليكم،
بعض الصور من رحلتي الأخيرة إلى نيوزليندا، وأرحب بالأسئلة
1/

2/

3/

الصور السابقة من الجزيرة الجنوبية في نيوزليندا .. وهي ببساطة من أجمل ما رأيت في حياتي ..
والمزيد من الصور قادمة في هذا الموضوع ...
دمتم بخير
محمد


التعليقات (9)
ام فجر
ام فجر
مشكور اخ محمد™صور حلوة والاحلى الطبيعه الخلابه
تحياتي لك ،،،

محمد™
محمد™
شكرًا لك اختي أم فجر ، وبالفعل الطبيعة في نيوزيلندا ... شيء آخر ..

Hesham
Hesham
الأخ الكريم محمد
تحية وتقدير ...
طالعت الصور كم مره وكل مره اقول هذا تصوير احترافي مليون بالميه ...
ماشاءالله عليك اخوي ... تسلملي يدينك على هذه الصور المعبرة والجميلة جداً ...
لا تحرمنا مثل هذه المناظر ومثل هذا التصوير ..
بالأنتظار

محمد™
محمد™
شكرًا لك أخي هشام على كلامك الجميل ...
وإن شاء الله سأرفع المزيد قريبًا ..

محمد™
محمد™
المزيد من الصور ...
اتمنى أن تعجبكم

كل هذه الصور من مدينة كرايستشيرش Christchurch
في الجزيرة الجنوبية من نيوزيلندا

المايسترو
المايسترو
يا هلا وغلا محمد ... والحمد لله على السلامه ...
كيف لقيت لي كرايستشيرش .. ان شاء الله انبسطت فيها ... عسى ان شاء الله زرت قريه اوكورا والاماكن الحلو هذه ؟
آآآه ذكرتني بالمدينه الحلوه هذه والماكن الرائعه فيها

H.I.M
H.I.M
مشكور وماقصرت على الصور الحلوه ... شكلك من هواة التصوير .... قبل ماأبدأ بأسئلتي الصوره الاولى مره حلوه ممكن تقولي وش اسم المنطقه هذي ..... على العموم انا ودي اسئلك عدة اسئله ... انا صراحه كثرت الاسئله على المايسترو ولا دي ازعجه وماقصر ........ انا انشاالله طالع الى كريست شيرش في شهر 5 هجري 6 ميلادي ... اول شي انت طلعت سياحه ولا دراسه ... اذا كانت دراسه فارجو انك ماتبخل علي بمعلوماتك او اي شخص اخر عنده اي معلومه ...... سؤالي الاول بماانك شفت كرايست شيرش يكمن شفت المعهد هذ L.s.i فماأدري وشرايك فيه .... ( فيه عرب مافيه الدراسه كويسه عندهم ... الخ )
سؤالي الثاني هو بالنسبه " للفلوس " وشرايك في بطاقة الفيزا تسحب هناك ... او بامكاني اني استعمل بطاقة بنك الرياض يعني البطاقه حقت بنك الرياض تسحب هناك مافي اي مشاكل ....
بالنسبه للسؤال الثالث هو " الجواز والتذكره " ماادري وضعها في الغرفه مع العائله تكون بأمان ولا كيف .... معليش طولت عليك ....
سؤالي الاخير هو وش الخطوط الي طلعت عن طريقها الى كرايست شيرش ... وش رايك في الخطوط السنغافوريه
انا راح اطلع من الرياض الى دبي عن طريق الخطوط السعوديه ثم من دبي الى سنغافوره عن طريق الخطوط السنغافوريه ومن هناك الى كرايست شيرش .... ادري انه مشوار طويل وانا قلت اللفه هذي كلها عشان الي يقرأ يعرف ..... لان الخطوط السنغافوريه ماتطلع الا عن طريق جده .... واسف جداً على الاطاله وشكرا.

محمد™
محمد™
هلا والله بالمايسترو .. والله يسلمك،
كرايستشيرش ... مدينة رائعة .. ومش كبيرة أوي ... فقط 300 ألف، وهذا الي حببني فيها أكثر، وهو ايضًا الي ابعدني عن أوكلاند، الي عدد سكانها يفوق المليون ..
ميزة كرايستشيرش انها ( إنجليزية ) فيها الطابع الإنجليزي كثير حسب كلام الكيويين أنفسهم. ( الكيويين = الشعب الأوربي النيوزيلندي )،
وفيها حديقة الهقلي بارك ( ثالث أكبر حديقة في العالم - حسب كلام سائق تاكسي هناك - ) ...
وتعتبر هي بوابة الجزيرة الجنوبية - فيها مطار دولي - ومنه يقلعون مباشرة للقطب الجنوبي.
فيها مسجد واحد، والجالية المسلمة مو كثير مرة.
المدينة ممتازة للدراسة، فيها جامعتين + معهد تقني - بولي تكينيك - + الكثير من معاهد اللغة ( الجيد والرديء)
شواطئها متميزة + التزلج على مسافة ساعة بالسيارة ..
وحولها الكثير من القرى مثل ماقلت ( اوكروا، آرثر باس، هامنر سربينق ( فيها ينابيع حارة )، كيكورا ( لمشاهدة الحيتان والدلافين في المحيط )، وتنزل تحت تجد تمروا، ودنيدن ( مدينة جامعية بحته ).
سأعود لشرح اكبر عن الجنوب .. مزود بالصور
دمتم بخير ...
محمد

محمد™
محمد™
  1. المايسترو بالفعل قدم مجهود مو طبيعي للشباب كلهم ..

  2. شعارهم .


H.I.M
هلا والله اخوي ..

المايسترو بالفعل قدم مجهود مو طبيعي للشباب كلهم ..

اولاً .. المنطقة اسمها (Milford sound) من أجمل المناطق الي زرتها .. وانصحك وبقوة انك تزورها .. وغن شاء الله ابنزل موضوع عن المناطق السياحية في نيوزيلندا ..
2/ المعهد شفته ( بس على النت .. لما كنت ادور معاهد )، وما اعرفه على أرض الواقع، سؤال هل حجزت معه أو لسا .. ولو كانت اجابتك ايوه احب اطمانك انه معهد (مش بطال ) لأنه معتمد من مؤسسة حكومية هناك مهمتها التفتيش على المعاهد والتأكد من جودتها وفعالية طرق تدريسها واسم هالمؤسسة (FIELSNZ)

شعارهم .

ولو كنت لسا ماحجزت انصحك بنصيحة المايسترو انك تحجز لمدة اسبوعين، وبعدها لما تعرف الوضع هناك يمديك تدبر نفسك ... وحتى تعرف ان المعهد فيه سعوديين او لأ .. بإمكانك تراسل المعهد نفسه.
3/ الفيزا مقبولة في كل مكان .. وزي ماقال المايسترو .. كل بقالة وكل (محل صغير ) ممكن تستخدم البطاقة فيه، بل تخيل أني شفت في سوق محلي هناك ( زي الحراج عندنا ) عجوز تبيع أغراض صناعة يدوية وحاطه جنبها جهاز تلفون (زي السيناو) ومشبوك فيه مكينة الصرف - احلم تشوفها عندنا هنا -
وبالنسبة لبطاقة الصراف ( تعتمد على الرموز الموجودة خلف البطاقة) وغالبًا راح تشتغل بإذن الله.
بعض صور الشعارات في مكينة الصراف هناك - إن شاء الله تكون واضحة -
( إضغط هنا) http://www.coms.hkbu.edu.hk/~karachan/visualproject4/newzealand/NZphoto/nz02.jpg
ونصيحة لما تسحب حاول تسحب مبلغ ( فوق ألف دولار ) حتى ماياخذ عليك البنك نسبة كل شوي ...
وكل الصرافات تعطيك بس حتى 800 دولار،
الا - حسب كلام الشباب - ان فيه بنك اسمة ANZ يمكنك ان تسحب حتى 2000 دولار نيوزيلندي.
4/ الجواز والتذكرة .. انت بالخيار أنها تكون معك في البيت ( واسأل العائلة هل راح يكون الجواز والتذكرة بامان في البيت أو لأ )
أو انك تحطها إيداع في (خزينة المعهد ) كل معهد عنده خزنة فيها الأوراق المهمة، وممكن يساعدونك في هذا.
5/ انا طلعت مع الإماراتية .. ( بس عيبها يبغالك فيزا ترانزيت على استراليا ) لانها تمر هناك ..
والإماراتية مع السنغافورية والكاثي باسفيك - حسب علمي - هم الي يطلعون من السعودية ويوصلونك نيوزيلندا. والسنغافورية هي حل مريح لكل من يريد ( كرايستشيرش) والسنغافورية تعد من أفضل الخطوط في العالم.
أتمنى أكون أفدتك ياعزيزي ..
دمت بخير
محمد


خصم يصل إلى 25%