مصر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
متيم في القاهرة
22-09-2022 - 08:56 am
أخواني / أخواتي ( مو كنه اسم مسلسل ما علينا .. )
حبيت أناقش معكم موضوع مهم .. ألا وهو ( القلق قبل السفر )
حيث ألاحظ أن البعض يكون في البداية شغوف انه يسافر لكنه وبمجرد أن يقطع التذكرة يبدأ يفكر .. وكل يوم يمر ويقترب موعد السفر يزيد عنده القلق .. ثم قبل السفر بيومين يبدأ يتحجج بأي عذر عشان ما يسافر ..
وش رايكم وش الأسباب ؟ أعرف ان القلق طبيعي لكن اذا زاد عن حده صار مرض .
ألا تعتقدون أن السبب في عدم التخطيط للسفر ، بمعنى جالس يفكر ومقلقه وين يسكن وكم السعر وبتكفي فلوسه ولا .. لا..
بينما نجد أن الأجانب يطلع في قروب .. السكن معروف وكل يوم عارف وين بيروح .. لكن حنا نعيش يومنا بشكل عشوائي .. واذا كانوا المسافرين جماعة تجد الاختلاف في وجهات النظر واحد يبي كوفي والثاني سوق والثالث يبي النيل و
عطوني آرائكم وخلونا نناقش الموضوع


التعليقات (9)
fnhk1
fnhk1
والله فعلا انا لي يومين ما انام زين بسبب القلق
وقرب السفر فكرت اكنسل السفرة مادري ليه
تفكير بالسكن والمرض المنتشر الله يكفينا شره والزحام
وش الحل يسوى هالقلق ولا نتوكل على الله .

سفير الطائف
سفير الطائف
سبحان الله نفس الحاله على الرغم من حماسي الشديد قبل
بس قصيت التذكره تغير كل شي
وش السالفه

متيم في القاهرة
متيم في القاهرة
حتى أنا صاير لي يومين افكر بشكل دائم .. وسبب قلقي هو شغلة السكن .. لأن صديقي مرض ولن يسافر وصعبه أسكن هناك في شقة لوحدي والفنادق غالية اضافة الى أنها فوول ..

سارة المستره
سارة المستره
انا كنت متحمسة جدا وبعدالمرض خفت

fnhk1
fnhk1
احنا بعد جينا نبي نحجز باي فندق كلها مليانة والحين رايحين كذا بدون حجز
عسى نلقى شقة نظيفة وحلوة وهذا الي مقلقني وش الحل ندرعم وبس

سعودي هلالي
سعودي هلالي
والله ياغالي صارت لي اولاالاجازه تحديد بشهر 6 اللي راح دورت لين تعبت حجز وبصراحه من دون تخطيط ولا شئ
الموهم حجزت عشرة ايام الى درجة اني رحت للمطار وانا مواصل مانمت وتخيل المطار يبعد عني 500 كيلو
بسبب عدم وجود الحجز الا في هدا المطار ورحت وانا والله العظيم كلي قلق ومو مرتاح وحتى بالطريق متردد ارجع والا
لا مع العلم قاطع التدكره 2100 والله خساير وبدون تخطيط اكيد بتكون رحله فاشله جلست هناك مع الشباب
وانا ماني متاقلم ولا مرتاح ومبسوط قطعت الاجازه وراح تعب طريق السفر للمطار وركوب الطياره هدر من دون فايده
للمعلوميه قطعت الاجازه وجلست تقريبا خمس ايام ورجعة لارض الوطن ولا حسيت بحلاوة السفره ولا تهنيت والله
نقطه يمكن تكون غايبه عن البعض مو كل من تقابله تقوله اني بسافر بعض العالم مايعطون خير ولا عمرهم طلعوا من ديرتهم
ويكدر خاطرك وانت ماتدري لاتحرص تعلم بالسفره الا اللي يعز عليك مو كل من هب ودب تقبلي تحياتي وتقديري ولك الشكر على هيك موضوع

ابن فرسان
ابن فرسان
انا المفروض اعيش القلق
فأنا اسكن في فرسان عندي سفر بحر ثم بر ثم طيران

متيم في القاهرة
متيم في القاهرة
مواقف والله صعبة .. ومثل ما قال سعودي : لا تقول لأحد .. والله انها نصيحة من ذهب .. ما عمري أقول لأحد الا يخرب تخطيطي وتتنكد نفسيتي .. ( استعينوا على قضاء حوائجكم بالكتمان ) ..
ابن فرسان / الله يكون في عونك .. بس تعرف سفر البحر ثم البر ثم الجو صدقني راح تكون متعة لو نفسيتك حلوة .. لكن لأنك قلقان صار كل شيء عندك تعب وشايل همه ..

مسافر 99
مسافر 99
سعودي هلالي
هلا بك اخوي سعودي هلالي
كل اللي ذكرته في الصميم
والافضل لك لاتقول انك مسافر لين ترجع
ترى الاغلبيه ماتحصل وراهم الا الحسد
وبالتوفيق لك دوما وأبدا


خصم يصل إلى 25%