بانكوك المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
هنتر
18-09-2022 - 10:52 pm
بسم الله الرَّحمن الرَّحيم ..
بدايةً .. أشكر القائمين على هذا المُنتدى الرَّائع واخصّ بالذّكر مشرفنا العزيز الاخ ابو راشد .. ولا يهون بقيَّة الاخوة :wink:
ياجماعة رحلتي يوم 19 / 9 / 2009 ولمدَّة 15 يوم تقريباً
وعددنا أربعة .. انا والمدام :biggrin::tongue: واثنان من الابناء :rolleyes: ( طبعاً الابناء بالغين .. عشان تفيدوني بمسألة حجز السّكن :wink: )
بعدما أخذت جولة بمواقع حجوزات الفنادق .. اصطدمت بحاجز اللغة :redface: .. وراح يكون تقسيم رحلتي كالتّالي /
يوم بانكوك ,, عشرة ايام بوكيت ,, اربع ايام بانكوك
بغيت من الشباب يفزعون لنا بفنادق تكون اسعارها معقولة وفي نفس الوقت حلوة ونظيفة :wink: , خصوصاً في بوكيت بغيت فندق يكون في الباتونق بيتش .. كذلك إذا امكن يكون هناك ثلاث خيارات للفنادق في بوكيت لان نصيحة اغلب الشباب في المنتدى ان الواحد يغيِّر السكن كل اربع او ثلاث ليالي :redface: .
بعدين حبيت اسأل عن افضل وارخص خطوط طيران داخلي , وبكم حجز التذكرة بانكوك بوكيت بانكوك .. مع العلم ان ميزانيتي بحدود 24 الف ريال .. هل تكفيني او لا ؟
وبحكم العددهل فيه شقق فندقية تكون بمستوى الفنادق من ناحية الرفاهية والخدمات ؟ :unsure:
وبالنسبة لبانكوك أرغب ان يكون السكن قريب من حي نانا " منطقة العرب " ..
وشاكر لكم تواصلكم ,,


التعليقات (9)
@نواف
@نواف
والله ياخوك انا رحلتي بعد اسبوعين ان شاء الله
واول مرة اطلع لتايلند لكن بقولك باللي اعرفه
انس انك تلاقي طيران رخيص من بانكوك لبوكيت الا على طيران اسيا
ولازم تحجز من اللحين علشان تلاقي اسعار مميزة (مجرب)
وبالنسبة لحجز الفنادق انا بروح على الفندق على طول بلا حجز بلا التزام (بكذا تقدر تشوف الغرف بنفسك وتقدر تكاسرهم وتقدر تطلع مثل ما بغيت بدون قيود)
عموما اذا بغيت اشوف لك الا سعار على طيران اسيا انا حاضر
بس عطني مواعيد الرحلات وابشر
واسف ما اقدر اجاوب على كل الاسئلة لان هذا اللي عندي
ورحلة ممتعة

هنتر
هنتر
مشكور اخوي نواف على ردك وطيب اخلاقك
ننتظرنصائح باقي الشباب.

سلمان وبس
سلمان وبس
السلام عليكم
من خلال طلبك فهمت انك تبغين فندق مش غالي بس زين
عندك في بوكيت: الهيرزون جنب الهوليدي ان تطلعين تشوفين الشاطئ عند وجهك ، وعندك تارا باتونج على نفس الشارع بس بعيد عنهم يعني تمشين دقايق قليلة اللي بينهم وعندك كلوب اندمان بعد بنفس المنطقة بس اولها .كل ذول اسعارهم معقولة وزينة يعني تتراوح بين 200 ريال بالليلة الى 230 ريال.
في بانكوك شوفي فندق رويال بنجا كويس>>>بالسعودي ،زين********بالبحريني وسعره بعد حلو وفي الحي العربي.

هنتر
هنتر
تسلم اخوي سلمان وبس ويعطيك العافية..

love Thailand
love Thailand
أنا رأيي لو تأخر الرحلة كم يوم....موعد سفرك بيكون في رمضان!!!!

أبوإبراهيم
أبوإبراهيم
بالنسبة للميزانية اخوي إن شاء الله بتكفي إذا كان تسوقكم قليل
والطيران لو تحجز من الحين على إير آسيا بتحصل أسعار حلوه جدا بحدود 40 ريال للشخص الواحد للرحلة الواحدة وكل ما تتأخر بيزيد السعر شوي حتى يصل 150 ريال تقريبا
والفنادق والله ماعندي خلفية كبيرة انا سكنت في بوكيت بقريس لاند الليلة 3500 بات للغرفة ديلوكس أتوقع سعره غير مناسب لك ولا الفندق لا يعلى عليه
ونصيحة أخيرة ماله داعي تغيير الفنادق في منطقة وحدة إلا في حالة إن الفندق ما جاز لك
وإذا ملزم اختر لك فندقين في بوكيت كل فندق خمس أيام , وترى الطلعة من الفندق تضيع عليك اليوم
وتروح وترجع بالسلامة

ليمونة حزينة
ليمونة حزينة

يا اخوي انت تبي تروح تايلند بالغيد تقريبا فراح تكون تايلند فاضيه من السواح العرب لانهم في ديارهم يعيدون مع اهلهم
فبي اعتقادي راح يكون حجز تذاكر الخطوط الطيران الداخلي رخيص
ةحتى اسعار الفنادق بعد
انا افضل انك تبتعد عن شارع العرب في بانكوك وتستبدل السكن قرب الاسواق بما انه فتره جلوسك في بانكوك قصيره ويالله يمديك تتشرى من الاسواق الكثيره في بانكوك
ومن بعد الانتهاء من التسوق تاخذلك تاكسي على شارع العرب
يعني تكنسل التاكسي مره بدال المرتين من الفندق لين المجمع للتسوق مشي على الارجل بقرب سكننك
ومن الفندق لين المطاعم العربيه تاكسي اوو تكتك
كل التحيه لك

هنتر
هنتر
love thailand
رحلتي بحول الله ليلة العيد..يعني بعيد هناك.
تحياتي

هنتر
هنتر
أبوإبراهيم
ابشرك اخوي ابو ابراهيم حجزت على اسيا اير بانكوك بوكت بانكوك بمبلغ 8467 بات لاربعة اشخاص
مشكور على المرور والتفاعل


خصم يصل إلى 25%