واو
وايد عجبني العرض بس يعني مو اللى اروحه خ
بقول حق اخوي يودي عصابته السنداريه
واهم شي صور شنقل ومنقل متعوب عليه رسم الوجوه
يعطيج العافيه الماستنا ..

مره حلو بس اكيد أخر يوم 26 يوليو ؟

كوكو
العرض حلو وايد حتى انا قمت اغني معاهم خ >>على وزن مراهق في الخمسين خ
والعصابه وانا ارسم ويوهم موعاجبهم الرسم يبون يطلعون بأحلى صوره مادري طالعين على منو >>ويهي وانا مسلبده خ
انا اقول اخذي عيال اخوج ووديهم ..عمه ابلاش خخ
العرض حلو واحلى مافيه انسجام الجمهور معاه
النجلا
هذي الي عالنين عنه الا اذا بيمددون العرض الله اعلم
وحياج الله اختي

حلاتين على بارني .... يعطيج العافية ماستنا على السبق في طرح المواضيع الجديدة والحلوة ....
العرض باين عليه إن حلو ورائع ... صار خاطري أروح
كل الشكر لج أختي ... صج سفيرة
لا خلا ولا عدم ..

مشكورة علي التقرير واتمني تواصلين مع باقي الفعاليات
يقولون حفلة فرقة انانا وحفلة ام كلثوم التقليد كانوا شيء عجيب واحلي شىء تفاعل الجمهور
المهرجان ناجح بنسبة كبيرة وبدا الناس يمدحون فية. الشيخة مي والطاقم المساند والشباب البحرينيين سووا شغل ممتاز بالنسبة لاول مرة. كنت اتمني ان يكون تعاون الفنادق وبعض الاماكن الترفيهية والممولين والدعاية اكبر وان تكون فعاليات الاطفال اكثر.
انا متفائل ان السنة القادمة بيكون المهرجان افضل خصوصا ان المهرجان الاول اقيم علي عجلة واتي بهذا المستوي.
علي فكرة مهرجانات الصيف في دول الخليج والتي تقام من سنين (باستثناء دبي طبعا) ليست افضل حتي لو قورنت بهذا المهرجان الذي يقام علي عجلة ولاول مرة
لاتفوتكم الرحلة البحرية، انا رحت الساعة خمس وبروح الساعة سبع مرة ثانية حتي اشوف مملكة البحرين تتلاءلاء في المساء. طبعا الفلامنغو والسيرك بعد اكيد ما يتفوتون.
اتمني في المرة القادمة ونتيجة للاقبال الكبير هالسنة ان تعرض كل حفلة مرتين (الشعبية منها) او ان تكون بتذاكر مثل بارني والسيرك لان الكثير لم يستطع الدخول الي بعض الحفلات.
في رأيي مهرجان صيف البحرين 2009 نجح في ان يكون بذرة لمهرجانات اكبر واشمل في السنين القادمة.
برافو :x1::x1:

الماسه تقرير حلو وعليكم بالعافيه ..
رحت يوم الخميس بقص تذاكر للسبت او الاحد قالو لي تذاكر 3 دنانير خلصو
وخبرج نتوف اللي عندي يعني ماقدر اخليه يقعد وره مابيجوف شي ..
لكن الجايات اكثر ان شاءالله..
يمكن نقص على بوالشباب ونكسر خاطره على ولده شوي الا
مودينه ديزني هونغ كونغ عشان ولده يشوف ميكي والربع :tongue:

مزون تري بو 500 فلس اوكي بعد ودية لاتترددين
هونج كونج ديزني فكرة ممتازة تري هي افضل من ديزني باريس والفنادق في ديزني هونج كونج تطل علي مناظر طبيعية تجنن.

نرجع لكم اعزائنا مع سيرك اورانج
بالنسبه لي حسيته استعراض اكثر منه سيرك
اسعار التذاكر نفس عرض بارني 3دينار درجه اولى
و500 فلس درجه ثانيه
في ارض المعارض القاعه الصغيره
يبتدي العرض الساعه 6 ولمده 30 دقيقه تقريبا
وسمعت ان عرض السيرك بيتمدد لي يوم الخميس والله اعلم
تحيه من شنقل ومنقل لكل اعضاء منتدى العرب المسافرون

وابتدا العرض

دمتم بود

الغاليه العفو حبيبتي انا جم غاليين عندي
تستاهلون عيني المركبه
بلادي عساك ع القوة اخوي ياريت تعطيني تفصيل اكثر عن الرحله البحريه
واكون لك شاكره
مزون
حبيبتي ترا كراسي بو 3 دينار نفس بو 500 فلس مافي فرق كلش ملش
كراسيهم وكراسينا مدرجين يعني سيم سيم
واذا السالفه فيها ديزني اكي بتتعززين على عرضنا خ
ان شاء الله تروحون ونجوف تقريرج المصور حبيبتي