السلام عليكم
نصيحتي لك أخوي
لآ تحفظ بل وظف الكلمات في جمل بشكل دائم و استخدمها حتى ترسخ في بالك ... على العكس لو حفظت الكلمات بعد اسبوع اسبوعين بالكثير بتنسى المعنى لانك بتستمر في حفظ المزيد من الكلمات
ممارسة اللغة هي الوسيلة الامثل و الانسب ل تعلمها
و لا تنسى ان المعلم او الكتاب او الفصل الدراسي ممكن يكسبك أقل من 50% و الباقي عليك
اللغة سهلة اذا انت سهلت الامور و خذتها ببساطة
و عقبال اليوم اللى نشوفك فيه بلبل انجليزي

الله يجزاك خير على الرد انا احاول امارس اللغه واوظف الكلمات لكن بدون قواعد اصير كني عامل توه جاي السعوديه صار لي موقف في فندق بتركيا كانو بيدفعوني شي ما استخدمته احاول افهمهم طبعا هم مايتكلمون عربي المهم اني قعدت اضحك على روحي من الخربطه اللي قلتها هذا موقف بسيط مع ان هدفي موب لغة السفر بس اذا سمحت لي لو احفظ الكلمات وادرس القواعد من كتاب واحاول اطبق مثل ماتفضلت هذا اللي تقصده

هذا الشي عادي جدا جدا
كلنا مرينا بمثل هذا الموقف و لازم الواحد يحسن انه ما يعرف كيف يشرح الامور أو يحس بالاحراج احيانا عشان ما يحط نفسه في موقف لا يحسد عليه ... بس هذى بداية و لازم تبدأ اذا بغيت تستمر و توصل لمرحلة متقدمة
ياخوي كانوا فيه ناس ما تعرف تطلب في المطاعم بس تأشر عالوجبة و ما شاء الله عليهم بعد فتره أكتسبوا اللغة و صاروا يتحدثون بطلاقة ..
صحيح انك بتغلط مرة و مرتين و ألف
بس الشاطر اللى يسمع التصحيح و يصحح نفسه
على سبيل المثال
تلاقيلك واحد يقول
They has to go shopping
مع ان الصحيح كلمة they لازم تتبعها have لانها جمع
و يسمع الناس تتكلم و في وسائل الاعلام و في الجرايد بعد كلمة they دايما تنكتب have
و خوينا مصر على رأيه they has
هذا العتب عليه .. لانه لازم ينتبه و يصحح نفسه
الشغلة بتاخذ وقت .. و وقت طويل بعد ... و محتاجه صبر
بس في النهاية ... الموضوع يستحق كل العناء
فالك التوفيق ان شاء الله

اخي الفاضل ،
لتعلم اي لغة بالعالم كله يلزمك اربع مهارات اساسية فقط :
اذا اتبعتها واخذت من كل مهارة درس درسين راح تتطور >>>مجرب
1- القراءة ( اسأل نفسك كم تقرأ باليوم )
طبعا حسب مستواك اذا كان مبتدئ لا تروح للجرايد الانجليزية لا ...
اكتب في قوقل short stories يطلع لك ملاين القصص القصيرة
خذ وحدة واقرأها وترجم الكلمات اللي فيها وحاول انك تفهم بالاخير القصة تتكلم عن ايش.
2- الكتابة ( هل تكتب يومياً )
اكتب كل شيء جملة بسيطة ...يعني فاعل وفعل ومفعول به ...
subject + verb + object
I drink water.
اكل الفصفص ما ادري العنب حبة حبة خ
3- الاستماع والتحدث ( اسأل نفسك كم ساعة تسمع للغة ؟ ايضا كم ساعة تتكلم ؟ )
البعض يقول ما فيه احد اكلمه انجليزي وش اسوي . فيه حل انا مجربه وكثير اكيد ...اللي هو
القراءة بصوت عالي ...تقرأ كل شيء لكن بصوت عالي ...كأنك بتلقي قصيدة >>>فالك البيرق
بالنسبة للاستماع
حاول انك تسمع يوميا على الاقل ثلاث ساعات او اربع بدون ترجمة ...يعني لا تطالع بالافلام
وتقول والله اني سمعت ...حاول تسمع اي شيء لكن نصيحة بدون ترجمة
4- القواعد :
حاول تبدأ بالقواعد الاساسية ومو يوم او شهر او سنة راح تفهم القواعد ...
يبي لك وقت كبير لكن انت ابدأ بالاشياء البسيطة ...كيف اكون جملة ؟ وكيف اسأل ؟
و...يعني تبدأ بزمن المضارع البسيط وبعدها الماضي البسيط وتنتقل المضارع المستمر
وبعدها الماضي المستمر وبعدها المضارع التام وبعدها الماضي التام وهكذا ...شوي شوي
اخر شيء :
اذا طبقت كل المهارات مع بعض وخصصة على الاقل 20 دقيقة لكل مهارة راح تشوف تطور
وما يحتاج لا معاهد ولا هم يحزنون ...الا في القواعد لكن ليس الآن ...
لك اعطر تحياتي واتمنى لك التوفيق

الله يجزاك خير اشهد انك زعيم الاحساس فيه كتاب اسمه الانجليزيه لجميع المستويات لممدوح الصغير فيه قواعد كيف تكون جمل وكلمات ونط للحروف مامر عليك لاني فهمت كلامك زين لكن تطبيقه يبي منهج قراءه كتابه استماع وقواعد وتركيب جمل والله اني لاشفت المتحدثين بها من غيرالعرب زي الهنود اللي لغتهم ماه انجليزيه اني اقول هذولي وش فرقهم عنا وش اللي ميزهم مره في مكتب سياحي اجنبي سايح هندي بعد نخل موظف المكتب نخل وسأله عن كل شي في برامجهم ويوم جا دوري وتكلمت شوي قالي الموظف خذ تاكسي احسن لك

زعيم الاحساس و no nick يعطيكم العافية وما شاء الله عليكم إضاءات مفيدة .
بالنسبة لحفظ الكلمات امر ضروري ،،،، فكيف تفهم اي نص وانت لا تعرف الكلمات التي فيه هدا من جهه ومن جهه اخرى إدراج هده الكمات في جمل شيء يجعلك تمارس وتعرف كيف تستخدم الجمل .
فحاول حفظ كلمات مثل عشر كلمات في اليوم وخمس منها مع الجمل او على حسب المقدرة مثلا ست كلمات وثلاث منها في جمل .
بالنسبة للأستماع ارى انه مفيد جدا حتى تتعود على اللهجة البريطانية او الامريكية وتفهم ما يقال ،،، فانصحك بكثرة الاستماع في السيارة والمنزل وفي كل فرصة تحصل لك .
ملاحظة : لا تستمع وانت غير منتبه ،،،، يعني لو مثلا واحد قاعد يكلمك بالعربي وانت طاقها هوجاس ما راح تفهم وش يقول لاحط وهو عربي . فحاول تركز .
بالنسبة للسفر هناك كتاب اكثر من رائع ،،، يبدا بك من المطار والفندق والسؤال عن الاسعار والمستشفى وغير دلك ،،، كتاب حلو وسهل ويشتمل على كلمات
اسم الكتاب / تحدث الانجليزية
اسم المؤلف / فهد البهلال
على فكرة انا اشتريت كتاب 1600 كلمة انجليزية لنفس المؤلف واعجبني هدا الكتاب كثيرا فصرت ابحث لنفس المؤلف . والكتاب على ما اظن متوفر في العبيكان وجرير .
واسأل الله لي ولك التوفيق

جزاك الله خير انا مشكلتي في تحديد المنهج هدفي اتقان اللغه موب السفر بس لكن تعرف الطموح مايكفي وحده انت والاخوان ماقصرتوا اسال الله لكم التوفيق

ابو انس
الله يعطيك ماتمنيت
واللي الحَظه انك حريص على التعلم .. يعني عندك دافع ... إذا ستصل إن شاء الله
وزعيم الاحساس في هذه المشاركه القيّمه جداً لخص لك الامور,اتبعها
وستصل!
زعيم الاحساس
اللغه الانكليزيه ليست صعبه,صدقني
بس يبغالها حاجه وحده؟
(بال صافي,ومركز)
ويوم ماتتقنها بتحس.. ابي اتعلم لغه غيرها
..
جزا الله الجميع..خيراً