بوابة الكاميرات و معالجة الصور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عاشق السياسة
17-10-2022 - 11:39 am
السلام عليكم
يا إخوان لقد سألتكم بالله العزيز القدير ولا يوجد شيء أغلى وأعز وأعظم من الله سبحانه فكل من يعرف ولو شيء بسيط يرد ولو بكلمة
يا إخوان الصراحة أبي أشتري كاميرا واخترت في بالي هذي الانواع بس أبيكم تساعدوني في الاختيار يعني إذا فيه وحدة منهم فيها عيب لا يمكن أصلاحه او تعديله استبعدوها لي ، وترا على فكرة ميزانيتي 2500 - 3000 دولار ، بس يا إخوان المشكلة مو في الميزانية المشكلة بالكاميرا أهم شي تكون احترافية أو شبيهه بالإحترافية ، وياريت إنكم تختارولي عدسة ممتازة مع الكاميرا اللي وقع عليها الاختيار
والكاميرات هي : كانون 500 - نيكون 90 - الكانون 50
ملحوظة : ( سمعت إن الكانون 500 والكانون 50 فيها مشكلة في النويز ، فهل هذا صحيح ؟ و هل هناك طريقة لإصلاح هذه المشكلة ؟ لأن في واحد قالي إذا ركبت معاها عدسة من نوع ( L ) راح تنحل المشكة .
يا إخوان أنا سألتكم بالله فأرجوكم إنكم ترشدون أخوكم المسلم
وجزاكم الله خير


التعليقات (9)
خـ محمد ـالد
خـ محمد ـالد
إذا كنت ملزم على كانون فنصيحة أن تختار 450D
الله ييسر أمر

محيرهم
محيرهم
وعليكم السلام ورحمة الله وبركاته
هلابك أخوي ( وخوفتنا بهالإستحلاف اللي حلفتنا ) أنا أقول صدقني اللي عنده معلومة إن شاء الله ما راح يبخل
وبالنسبة للكميرات
اولاً ما شاء الله الميزانية عالية ( إذا هي بالدولار صحيح )
أنا أقول إذا أنت بالبدايات ( الإحترافية )
فخذ كانون D500 تدعم العربي وفيها تسجيل فيديو ( هذا يمكن الفرق الجوهري بينها وبين D450 اللي قال أخوي: أبومحمد )
ومقرنتها بفئة D50 إنها أقل حجم وأخف اللي هي D500
وبالنسبة لمشكلة النويز ( أول مره أسمع فيها بهالشكل وإنها تخص كميرا عن الأخرى ؟؟؟ )
وبالنسبة للعدسات ( ترجع لهوايتك أنت )
وش تفضل بالتصوير
طبيعة
بورترية
مايكرو
( زوم )
لأن كل وحده من اللي قلت لها عدسة
( يعني عادي تشتري الكميرا وكل فترة تشتري عدسة )
إذا كنت داخل مجال التصوير كهواية قوية
وتحتاج مستقبلاً شنطة خاصة للعدة كاملة ( وبدل من هالعدسات وصور )
أتمنى أكون أفدتك
والأخوان إن شاء الله مثل ما قلت ما يقصرون
دمت بحفظ الله

miss_lavendar
miss_lavendar
حتى انا والله خفت من الاستحلاف
كنت داخله بقولك 50 دي
لانها عندي الحين
وتصويرها والله عجيب
وبالمقارنه بالباجي اهيا اعلى فئه فيهم
واهيا 15 ميغا بيكسل
ال 90 نيكون واقل اتوقع 12 ميغا بيكسل ؟؟
مو متاكده بس ال 50 دي اهيا الاجد
ال 500 فئيتها اقل من ال 50
واصدار فئه يديده لكانون انها تكون فيها فيديو لانه الكانون مايصير فيها فيديو لانها تكون بروفيشنال
فان كنت احترافيه اخذ 50 دي وتوكل على الله
وهم 450 حلوه
بس حرام انت ميزانيتك كبيره اخذ ال 50 وربي يوفقك
^_^
اتمنى اني فدتك
وان اخذتها وبغيت اي استفسار عنها انا بالخدمه

LREEM@
LREEM@
السلام عليكم
من أسبوعين تقريبا خذت الكانون D500 و هي جدا مناسبة كبداية الفرق بينها
و بين D450 هو وجود الفيديو في الجديدة
بس ماشاءلله ميزانيتك تسمح بالكانون 50 و هي طبعن الأفضل
أسمع بعد راي الخبراء في هذا المجال
بالتوفيق

مسافر 99
مسافر 99
اخوي عالم الكميرات مو بسيط ولكن
ادخل على الرابط هو متخصص في اللي تبي من الكميرات
وفيه محترفين يفيدونك في اللي تبي
الرابط هنا ...... كل ماتريده وأكثر http://www.adigicam.com/vb/index.php
ومبروك مقدما

عاشق السياسة
عاشق السياسة
جزاكم الله خيرا وجعل هذه الردود في ميزان اعمالكم

Q8-Dream
Q8-Dream
اخوي نصيحتي لك خذ Nikon D300 وصدقني من اقوى واحلى واصفى الكاميرات.

dart
dart
Nikon D300
والكانون 50 دي
من فئه اعلى من الاخر اللي ذكرت ... واسرع ... حيث ان سرعتها تصل 8000 بينما D450 ... سرعتها 4000
انا عندي 50 دي .... وهي رائعه جداً ... ولكن مع العدسات الفاخره من فئة ( L ) ... راح تعطيك نتائج جبارة .
وكيل النيكون .... في السعودية افضل بكثير من وكيل الكانون .
والباقي عليك ... وموفق ان شاء الله

**فتى كراتشي**
**فتى كراتشي**
يا إخوان أنا سألتكم بالله فأرجوكم إنكم ترشدون أخوكم المسلم
أخونا المسلم عاشق السياسه
هدىء من روعك والمسأله لا تحتاج كل هذا الحلفان
وسوف نعطيك كل ما تريد بدون استحلاف
ولا اخفيك اني بعد ان رأيت كل هذه الحلفان هممت بالخروج لكن نفسي اصرت على الرد ونصيحتك نصيحه اخوي موجه لك ولكل الأخوه ممن يحملون هذا الأسلوب
أول شيء ريلاكس واجلس وش فيك واقف
اشرب مويه
شوي شوي خلي فيه نفس بين كل رشفه ورشفه :tongue:
هذا يا طويل العمر والسلامه عالم التصوير الأحترافي بحر ماله نهايه
ولا نستطيع نحن ان نقرر في آي بقعه عليك البدء في السباحه
فلا نعرف مدى معرفتك بأساسيات السباحه !
ولا نعرف مدى لياقتك البدنيه !
ولا نعرف هل انت ممن يفضل السباحه بالنهار ام بالليل !
اسئله كثيره لا نعلمها ولم تذكرها في موضوعك عن وضعك في بحر عالم التصوير
لذلك اتوقع انت من يحدد آي كميرا تحتاج وليس نحن :wink:
هل انت مبتدأ في الكميرات الأحترافيه؟
نوع تصويرك؟ طيور مناسبات توثيق رياضه بورتريه؟
هل تستطيع التعامل مع كبر حجم ووزن الكميرات الأحترافيه؟
لذلك اتمنى من كل من يرطح مثل هالأسئله ان يطرح نبذه عن نفسه وعن انواع التصوير الي يحبها لكي نستطيع ان نفيده
أيضأ اتمنى ان لا يستحلفنا أحد
أيضأ أتمنى من اخوي ومشرفنا الدحمي وضع قسم لمثل هذه الأستفسارات
بالتوفيق اخوي


خصم يصل إلى 25%