makook
03-09-2022 - 09:12 am
السلام عليكم اخواني واخواتي
الصراحه من فتره وانا قاعد اخطط لجدول الرحله لتايلاند وبدأت احجز الطيران الداخلي والفنادق عن طريق المواقع الالكترونيه ولكن السؤال اللي يطرح نفسه هل اذا حجزت بعد ماأصل لتايلاند عن طريق مكاتب السياحه بيكون ارخص واضمن او العكس اي النت اضمن وارخص , لذلك ارجو من جميع الاعضاء اللي لهم تجارب سابقه افادتنا لاني اتصور بأن هذا السؤال راح يدور بخلد اي شخص يحجز بالنت وماله خبره سابقه بأسعار وتعامل مكاتب السياحه والسفر بتايلاند, وكذلك لتعم الفائده للجميع .
((((الشكر موصول لجميع من سيتفاعل مع الموضوع))))
اولاً اشكرك على طرح الموضوع المفيد إلي يخطر في بال الكثير منا
بنسبه لي افضل الحجز من النت وذلك بسبب انك تضمن الفندق إلي تبغيه لانه في بعض الاوقات تقول بحجز من هناك ويوم توصل وتطلب الفندق إلي تبغي تحجز فيه يقولولك مافي حجز وتنجبر انك تغير الفندق وكل ماتعطيهم اسم فندق يقولولك مافي حجز ولا يكون السعر غالي ويقعدون هم يختارولك الفنادق إلي يتعاملون معاها وتكون نسبه فايدتهم اكثر وعلى حسابك انته (من واقع تجربه).
اما بنسبه للارخص يعتمد على الشخص نفسه ومعرفته بالمواقع ومايعتمد على موقعين او ثلاث وعشان يكون حجزنا ارخص من المكاتب او على الاقل نفس سعرهم لازم ندور في جميع المواقع وأغلبها لين مانحصل على ارخص موقع يحجز الفندق المرغوب
ومن المتعارف عليه مافي شي اسمه الموقع الفلاني ارخص المواقع وهاذي غلطة الكثير منا يكون مغتر في موقع وماخذ فكره عنه انه رخيص ويحجز منه مع العلم ان في موقع غيره يمكن يحجز منه بنص المبلغ وهذا يعتمد على الموقع وتعامله في هذه الفتره مع الفندق .
تحياتي