اخواني واخواتي اعضاء منتدى العرب المسافرون هذي رحلة ليوم في مملكة البحرين الشقيقة واتمنى ان تحوز على رضاكم ( بصراحه بغيت اجرب طريقة جديدة في تزين الصور اذا ما اعجبتكم الحركة قولولي عشان ما اكررها )
كان دخولنا لدولة البحرين عن طريق الجسر والزحمة قاتلة كالعادة ولكن الغريب في هذا الويكند الزحمة لدى جمارك البحرين وليس السعودية فقط وكنا زمان نتجنب السفر في اوقات الاعياد والرواتب للشركات ورواتب الحكومة وروتب المتاقاعدين بعد ذلك جانا تبلد من الزحمة
والسكن في فندق ميركيور طبعا لان للفندق خصم لموضفين ارامكو خذنا الجناح ابو غرفتين و2 دورات مياة تكرمون ومطبخ ب157 دينار معا ان قبل كنا ناخذة ب130 دينار ويوم قالها زوجي ليش غليتو السعر قالت راح نخفض الاسعار بالاجازة
واستقبلونا باللوبي بذاك العصير الي يبرد القلب
والغرف ماتغيرت على نظافتها ورقيها هذا السرير للغرفة الرئسية
دورة المياة
المطبخ
بعدها توجهنا لمجمع سيتي سنتر
وبعد التسوق واللعب فضلنا نتعشاء في مطعم رائع هندي بس احس ان سعره غالي بالنسبة للخليج اما بالنسبة لباريس رائع جداً
برياني الدجاج لذيذ والمسلا بصراحه نكهة عجيبة
والشاي رائع
كان عشانا ب560 ريال
وانتهى التقرير البسيط ان شاء الله يفيدكم معا اني احس الصور معا الديكور ما تنفع بس قلت ابي اجربها
مشكورة جدا عالتقرير القصير والممتع ..ومشاركتنا إياه بحد ذاتها شي تشكرين عليه ..
بالنسبة لتزيين الصور طريقة حلوة جدا ومبتكرة ... وخلتنا ندور الصور دوارة ..
الطريقة حلوة .. بس شوي تدور الراس
كل الشكر لج أختي .. وحياكم الله ..