1. بس اول شيء بقول كيف سجلت ووين ،،،


2. المطلوب 250 كلمة . والدرجات عليه اكثر من المهمة السابقة .

بسم الله
كان الاختبار مكون من اربعة اقسام
1) استماع 2) قراءة 3) كتابة 4) محادثة
سأتكلم عن كل واحد على حدة .

بس اول شيء بقول كيف سجلت ووين ،،،

المكان المجلس الثقافي البريطاني بحي السفارات بالرياض . سجلت ودفعت مبلغ 800 ريال وعطوني وصل ،،،، عطوني جدول فيه مواعيد ،،، وقالوا اختر أي موعد يناسبك ،،، اخترت الموعد ،
كان الاختبار الساعة الساعة التاسعة صباحا ويلزم حضورك قبل الاختبار بنصف ساعة لمطابقة الاسم والتأكد من بعض البيانات . طبعا يمنع الدخول بالجوال ، بل إنه يتم سحبه منك ووضعه في خزانه حتى بعد نهاية الاختبار .
كان اول اختبار هو الاستماع وهو عبارة عن مسجل فيه مجموعة من النصوص ومدة الاستماع حوالي نصف ساعة وعدد الاسئلة 40 سؤال و تشغيل الصوت مرة واحدة فقط ( يعني لو ما انتبهت والا سهيت خلاص )
أول مقاطع الاستماع عبارة عن محادثة بين شخصين وموضوعها اجتماعي وهذا هو الغالب ، والجزء الاخر تكون عبارة عن مواقف ومواضعها تقريبا عن التعليم والتدريب واحيانا المحادثة تكون بين اربعة اشخاص
ملاحظة : الجزء الاول من الاستماع سهل ثم يبدأ بالتدرج للأصعب . هناك وقت يعطى للمختبر لينقل إجاباته إلى ورقة الاجابة . والوقت عبارة عن 10 دقائق .
القراءة : مدة الاختبار ساعة ، عدد الاسئلة 40 سؤال وعدد القطع ثلاثة قطع وبصراحة القطع طويلة وفيها صعوبة بالنسبة للوقت ، الاجابات يجب ان تكتب خلال الساعة المعطاة يعني ما فيه وقت إضافي مثل الاستماع .
قطع القراءة تكون مأخوذة من الجرائد والمجلات والكتب ( يعني مواضيع عامة وصعبة تحتوي على مفردات نادرة واحيانا لها اكثر من معنى مما يربك الشخص )
ملاحظة : عامل الوقت مهم جدا في القراءة واحيانا ينتهي الوقت وانت لم تنته من القطعه الاولى ،،، اهم شيء الوقت .
الكتابة : مدة الاختبار ساعة ، هناك مهمتان ، المهمة الاولى وهي ان تصف جدول بياني يكون فيه تواريخ ونسب . مثال : نسبة مرض الربو في السعودية والكويت و قطر والبحرين ويعطيك سنوات 1427 1428 1429 1430 ويعطيك خط متعرج يبين ارتفاع عدد المصابين في الدولة الفلانية في العام الفلاني وهكذا
انت تقوم وتتكلم عن الموضوع مثلا تقول . هذا الرسم البياني يوضح انتشار مرض الربو خلال فترة كذا في كذا وقد ازداد في عام ،،، الخ
( معليش ما اعرف اضع جدول للرسم البياني )
ملاحظة : مدة هذا الجزء 20 دقيقة طبعا تقدر تاخذ اكثر لكن راح يكون على حساب الجزء الثاني وهو الاهم والدرجات عليه اكثر ( المطلوب في هذا الجزء 150 كلمة)
المهمة الثانية : تعطى موضوع في وجهة نظر مثل انا عطوني مدى تأثر الاطفال بالعوامل الاجتماعية و التعليمية والتقنية . هل لها تأثيرات سلبية أو إيجابية وليش عدد الكلمات المطلوبة

المطلوب 250 كلمة . والدرجات عليه اكثر من المهمة السابقة .

المحادثة : مدة المحادثة من 11 إلى 14 دقيقة وهي محادثة مع شخص بريطاني وتكون مسجلة . في الجزء الاول يسالك اسائلة عادية مثلا عن : البيت والعائلة والوظيفة والدراسة والمدينة . ( الزلفي مثلا ) وهذا الوقت ياخذ اربع او خمس دقايق
في الجزء الثاني : يعطيك ورقة فيها موضوع معين مثلا انا عطاني ( ورقة فيها وش تحب فصل الصيف والا الشتاء وليش ) يعطيك دقيقة تفكر في الاجابة . وبعد ما تجاوب يعطيك هو اسأله اضافيه من عنده ( مهي بالورقة ) بس تكون حول الموضوع
في الجزء الثالث : وهو الاصعب يكون نقاش عن موضوع على شكل جدال يعني انا سألني قال اذكر بعض الوظائف اللي تكون موسمية او يكون فيها خمول خلال العام بصراحة انا ما عرفت الاجابة بالعربي لكن قلت له الوظائف اللي تتعلق بالسياحة ، بالصيف ، اثناء وقت الاجازات تزيد وبالشتاء تقل .
وايضا سأل هل السعوديين يركبون سياكل قلت لا . قال ليه ، قلت كل واحد معه سيارة حتى المراهقين معهم سيارات . ( هذا مثال للجزء الاخير )
قد اكون اخفقت في إيصال بعض الاشياء او نسيت البعض ولكن هذا ما اتذكره
وادعوا للجميع بالتوفيق . والا اطلب منكم إلا الدعاء .
أي سؤال عن اختبار الايلتس او التوفل انا مستعد .واعذورنا على التقصير .