السعودية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
AFANTX
17-12-2022 - 01:28 am
السلام عليكم
بصراحه انا مابغا اطول عليكم الكلام ..
بس اذا ممكن تفيدوني بأفضل معهد انجليزي
ابغا ادرس دبلوم وتكون دراستهم ممتازه ما ابغا يكون كل دراستهم على قواعد ولا اني اروح ولا استفيد شي :112:
وصارلي اسبوعين احفر في المنتديات وكل واحد يقولي معهد والثاني يذم فيه ياليت احد يعطيني وش الافضل بجد :bounce8:
وش الافضل بين الثلاثه هذولي
1/ المجلس الثقافي البريطاني
2/ بيرلتز
3/ lsi
يارب احد يرد وبالنسبه للمصاريف ماعندي مشكله انا ابغا الافضل في الدراسه والفائده وحس اني ارعف اكتب جمل طويله وارد ولو قريت شي افهمه وارجع اسوي رد على الموضوع بالانجليزي ماابغى الارخص وشكرا لكم ..


التعليقات (8)
بعد قليل
بعد قليل
تم وضع موضوع بهذا الخصوص ، يبدوا انك ما شفته
https://artravelers.com/p/re/288298

rgrg
rgrg
تبي الصراحة أخوي أنا أقول لك بدايتي مع اللغة الإنجليزية .
أول شي لا بد يكون هدفك التعلم وليس الشهادة . وإذا جمعت بين الإثنين ما فيه مشكلة .
أنا هوايتي اللغة الإنجليزية بداءت بمنهج يباع في مكتبة جرير والعبيكان . أسمه
سلسلة أستمع وتحدث الإنجليزية للأستاذ على ما أضن أسمه عاطف مجاهد
كتب و أشرطة كاسيت بصراحة أستفد كثير من المنهج هذا وبعده درست في المجلس الثقافي البريطاني في الامارات
درسني المستوى الأول مدرس بريطاني أسمه Oly روعة بتدريسه يخليك تفهم بالقوة ويحاول يفهمك
وآخر شي يستخدمه إذا ما فهمت طريقة الرسم
ما يعرف من العربي إلا كلمة إن شاء الله .
بعده المستوى الثاني درستنا عجوز ايرلندية والله ما تدري وش معنى تعليم اللغة الإنجليزية بس تعرف تتكلم وتقراء وتكتب
بعدها رجعنا السعودية ونسيت 70% من اللي درسته .
ودرست في دايركت أنجلش بصراحة تدريسهم جيد لكن حسب المدرس لكن مشكلتهم أنهم يضغطونك . ويحشونك حشو
يعني تطلع من الدرس وأنت محمل بأعباء كثيرة من الدروس والقواعد بس لا بد تراجع في البيت وما فيه وقت للمراجعة حيث
أن الدراسة عندهم يوماُ من السبت إلى الإربعاء يعني ما فيه إلا خميس وجمعة .
لكن المدّرس له دور وطريقة التدريس لها دور و ممارسة اللغة خارج المعهد لها دور كبير جداً
وقولك آخر شي عليك بالمجلس الثقافي البريطاني اللي بالحي الدبلوماسي بالسفارات
ولا تخلط بينهم وبين المعهد السعودي البريطاني اللي بالملز عن الملعب
وشكراً

helo13
helo13
مافيه احد يعطينا تجربتة في Els

طرطبيس
طرطبيس
السلام عليكم
بيرلتز بلا منازع من تجربه
سلجت انا واخوي في المعهد
سبق لاخوي وان اخذ دورة في المجلس الثقافي البريطاني
اخوي يقول مافيه ادنى مقارنه بينه وبين بيرلتز
راح اقولك مزايا بيرلتز اللي صراحة انا استفدت منها وبقوه
اول شي مجموعه 6 طلاب فقط
كل الدعوه محادثه بالانجليزي يعني مافيه تركيز على القواعد وبالنسبه لي احسن لانك اذا تعلمت الكلام راح تعرف القواعد بديهيا
عندهم مدرس اسمه : اسماعيل امريكي ( طبعا كل مدرسينهم اجانب امريكان وكنديين )
المهم اذا الله كتب لك ورحت قل للسوداني انك تبي اسماعيل
اسماعيل رهيب واحسن واحد عندهم لاني جربت كذا واحد كلهم ممتازين بس هذا يخليك تتكلم غصب واليوم الثاني يسالك عن امس وش سويت ويين رحت
يعني بالمختصر تروح منك هيبة التحدث والخوف من الاخطاء
موفقين

مهند66
مهند66
طرطبيس
تسلم ايدينك على هالرد
فعلا معهد بيرلتز لايعلى عليه
بس وين موقعه بالرياض كأنهم غيرو موقعه اللي قدام كلية سلطان :x1:

وحدكـ
وحدكـ
انا ارشحلك معاهد وول ستريت اطلعت على برامجهم لمساعدة صديق لي واعتبره من افضل المعاهد

shaqrawe
shaqrawe
2/ بيرلتز
انصحك بهالمعهد وهو ممتاز ويعتمد على المحادثة .. وانت شد حيلك ولا تعتمد بس على المعهد حاول تبذل جهد من نفسك وتحفظ كلمات والله يوفقك

shaqrawe
shaqrawe
الاخوان الي تكلمو عن معهد وول ستريت احترم وجة نظرهم لكن انا في وقت من الاوقات كنت ابحث وصار عندي خلفية عن المعاهد والي فهمته ان معهد وول ستريت يعتمد في تعليمه على الكمبيوتر وساعات قليله مع المدرس والله اعلم


خصم يصل إلى 25%