اعرابي
01-09-2022 - 04:54 pm
الله يعافيكم اللي عايشين باستراليا او سبق وراحو سياحه هناك
عندي لهم كم سؤال:
1) هل يتوفر الامن هناك(خاصه لنا يالسعوديين)؟
2) كيف اسعار الفنادق والسياحه وخاصه الاسواق؟.
3) وش يشتهرون فيه او بمعنى آخر وش احسن شي يصنعونه(وش نعبي الشناط منه)؟
4)هل تناسب العوائل وخاصه المحافظين؟.
5)هل يكفيها اسبوعين وكم الميزانيه لشخصين مع طفلين؟.
معليش غثيتكم بكثر الاسئله :112: بس تحملونا
حياك الله اخوي أعرابي في منتدانا الحلو
1) هل يتوفر الامن هناك(خاصه لنا يالسعوديين)؟
جداً أمان ولا كأنك الا في ديرتك ، أمن وأمان وطاعة رحمان. بس بشرط الواحد يمشي عدل .
2) كيف اسعار الفنادق والسياحه وخاصه الاسواق؟.
أنا اشوفها معقوله جدا مقارنة بأوروبا، يمكن امريكا ارخص في السكن بس ان استراليا ممكن تحصل فيها شي سعره معقول ايضاً ونضيف ، والاسواق فيه الغالي وفيه الرخيص الي تبغى، فيه الماركات العالمية في المولات الحديثة هذي اسعارها تقريبا نفس الي هنا او سعرها موحد في العالم، وفيه برضو مثلا في قولد كوست اسواق صينية فيها هدايا وجلديات و شغلات حلوة مره ورخيصة جدا. وبدون ضرايب.3) وش يشتهرون فيه او بمعنى آخر وش احسن شي يصنعونه(وش نعبي الشناط منه)؟
بالنسبة للصناعة ما اخبر في صناعة معينه يشتهرون فيها بمعنى الشهرة ، لكنهم مشهورين بحيوان الكانغر والكوالا وبتربية ملايين الملايين من الاغنام وحياتهم الريفيه وطقوسها الجميلة، ويشتهرون ايضاً بحسن معاملتهم للسياح سواء عرب او غيره. وسواقتهم على الجانب الايمن كنك في لندن، ويوجد عندهم وخاصة في قولد كوست كل انواع الترفيه البريء وغير البريء ، بس خلنا في البريء والعائلي الي يجذب السياح العرب والخليجيين خاصةً وبصراحة ما سبق وان عجبتني رحلات ترفيهيه مثل الي في قولد كوست.
4)هل تناسب العوائل وخاصه المحافظين؟.
ماني عارف اش تقصد بمحافضين بس عموما هي دولة مثل بريطانيا مثلا وامريكا فيها شواطيء وفيها حرية وفيها كل شي بس ممكن الي ما يبغى الشي الشين انه يتجنبه عادي بس اهم شي فيها ان مافيه مضايقات زي الي مثلا يتعرضون لها العرب حاليا في امريكا او غيرها سواء في الدخول لها في المطار او داخل المدن.5)هل يكفيها اسبوعين وكم الميزانيه لشخصين مع طفلين؟.
يكفيك اسبوعين بالراحه بس يبي لك توزعها صح وتعطي قولد كوست النصيب الاكبر من الوقت عشان تنبسط اكثر، والميزانيه سبق وان تكلم احد الاخوان عن الموضوع هذا ياليت تراجع العناوين الي في المنتدى وراح تستفيد اكثر من لو قلت لك الان.معليش غثيتكم بكثر الاسئله بس تحملونا
أبداً بالنسبة لي شخصيا انا جدا سعيد بأي سؤال ممكن اجاوب عليه.
يالله بالتوفيق ورحلة سعيده