الفلبين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
bandar500
07-11-2022 - 10:46 pm
السلام عليكم
عندي سؤال وماني بداري أيهما أفضل الفلبين أم أندونيسيا ؟؟؟
من هذه النواحي ::::
1 ) الأماكن السياحية :
2) الامان :
3) الاسعار :
4) السكن :
5) الاكل والشرب :
6 ) الطبيعه :
7) تعامل الشعب معك كانسان عربي :
وتقبلو مني خالص واجمل التحيات
اخوكم : بندر


التعليقات (8)
عشيق النور
عشيق النور
bandar500
هذا على حسب علمي الضئيل بالنسبة لكثير من أعضاء المنتدى
وان شاء الله تجد المساعدة ممن هو أعلم مني
أتمنى أكون قدرت اساعدك لو بالقليل

راعد الوسميه
راعد الوسميه
:وكرامتهم أكبر بكثير من شعب اندونيسيا يعني في أشياء تسويها في اندنوسيا يمكن عادي
بس في الفلبين لا
ألغالي عشيق النور حفظك الله ورعاك ياليت توضح هذه النقطة جيداً أخوك يمكن أقول يمكن يروح ألفلبين قريبا (بعد ماتتضح ألرؤيا حول مشكلة الخنازير) وجالس أجمع معلومات قبل السفر وياليت تضرب أمثلة

شعلولي
شعلولي
  1. عطوني رايكم الحين

  2. مع ان فيه سوالف واجد عن العرب والمسلمين وهم طبعا مو مسلمين بس اسم


انا من وجهة نظري اللي سمعتها من اخوياي اللي راحو اندونيسيا ووجهة نظري عن البلدان الثانيه . انا تعليقا على كلمة مسلمين ؟ في اندونيسيا من توصل المطار وكل الناس تطلب منك بخشيش عشان يسهلون عليك امور الخروج من المطار بسرعه ومن توصل المطار لين ترجع للمطار للرجعه لبدلك في كل مكان لازم تدفع بخشيش هذا كلام ناس زارو اندونيسيا لأكثر من 14 مره وطبعا هذه العادات ماراح تلقاها
إلا عند المسلمين في اندونيسيا او في الدول العربيه مصر وسوريا بقوه ولبنان هذا وهم مسلمين وفي الفلبين اقسم بالله العلي العظيم مالقيت احد طلب مني بخشيش لمدة 16 يوم إلا في المطار وانا راجع للسعوديه على طيران الاتحاد شخص واحد قال لي إياها بالعربي مابي هديه قلت له لا مافي بس وسكت . انا عندي وجهة نظر مع احترامي للأراء الباقي واحترامي الشديد لديني الاسلامي السمح في اي دوله خارج الخليج العربي ابعد عن المسلمين وراح تسلم وراح تشوف كل الاحترام والامان والأدب هذا من رأيي وتجربتي .
وراح اقول لكم عن عمي وهذا هو حي يرزق ومستعد اخليكم تقابلونه وجه لوجه . راح لبلغاريا وطبعا بلغاريا بلد من اوربا الشرقيه رخيص جدا وسكانه فقراء جدا ولا توجد سفاره سعوديه مع العلم ان توجد فيه سفارات الدول العربيه كلها المهم وصل عمي واستقبله سواق تكسي فلسطيني مسلم واخذهم على فندق وانزلو فيه وحطو جوازاتهم فالسيفتي بوكس عمي وصديقه وحطو بعض لفلوس المهم راحو مع الفلسطيني سواق التكسي يصرفون فلوس وياكلون ويرجعون المهم . سواق التكسي اخذهم لمكان واتفق مع اربع كلاب وانتو بكرامه نفس جنسيته ومعهم بنت انهم ينتظرونهم بمكان مافيه احد ومشى بالسياره ويوم وصل للمكان اللي فيه الخونه اخوياه طلع مسدس وحطه براس عمي وقال له طلع كل اللي بجيبك وطلعو كل اللي بجيبه وخلوهم ينبطحون على الارض وانحاشو ؟. وراحو فلوس عمي وراحو اوالاد الحرام العرب المسلمين يتهنون بالمبلغ الضخم اللي بيعيشهم سنه كامله . طيب الكلام الغريب واللي ابيكم تفهمونه ان عمي وخويه راحو لأقرب سفاره للسعوديه وهي سفارة دولة الكويت الشقيقه وردو عليهم السفاره ان في بيننا وبين الدوله السعوديه اتفاق ان احنا مانساعد اي احد يعصي قوانين الدوله السعوديه إلا بتصريح سفر من السعوديه .
المهم زبدة الكلام ان اللي ساعد عمي وصديقه مقيم لبناني مسيحي الديانه سكنهم عنده يوم كامل واطعمهم ووداهم المطار وعطاهم مبلغ بسيط يمشون نفسهم فيه لين يوصلون البحرين لأنهم رايحين على طيران الخليج

عطوني رايكم الحين

مع ان فيه سوالف واجد عن العرب والمسلمين وهم طبعا مو مسلمين بس اسم

ططبعا اقولها مع احترامي لديني ودين اهلي الدين الاسلامي السمح لان مو كل من قال انا مسلم يمثل الاسلام انا مالقيت احد يمثل الاسلام إلا بدول الخليج ةبعض الدول العربيه بس ولا الباقي خذ وخل وباللذات من الدول العربيه بس اسم مسلم

شعلولي
شعلولي
وحتى بماليزيا وهي بلد مسلمين راح تلقى ان النسبه الكبرى للبوذيين وهم من اصول صينيه ونسبه ماهي بسيطه من الديانه الهندوسيه ولكن راح تلقاهم احسن واطيب من المسلمين
وهذا الشي انا شفته بعيني وإذا تبي تقارن شوف الناس اللي خبره بتايلاند وبتايا وبوكيت وفي ناس سعوديين يقيمون بتايلاند اكثر من تواجدهم بالسعوديه مع ان تايلاند اغلب شعبها بوذا وراح تلقى المقيمين بتايلاند يقولون لك انا اعبش بتايلاند ابرك واأمن وابرك من عشرين بلد عربي ومسلم فا لا يغرك ان كل من قال مسلم اهو مسلم صحيح
لا لا والف لا . اصلا اللي يقول لك انا مسلم انحش عنه غير الخليجي انحش عنه
مو كل من قال انا مسلم ترتاح له 90 بالميه منهم يصير مسلم صح والباقي اسم
وبالنسبه للبس والخلاعه والمناطق اللي ماتصلح للعوائل المحافضه انا بقول لك روح لبالي بأندونيسيا وشوف الاستراليين بعضهم هدد بدون ملابس مره سلط ملط وهذا في بلد مسلم وبارات ومراقص وديسكوات وناس منحطه هذا وفي اكبر الدول الاسلاميه اندونيسيا بحيث سكانهم 350 مليوم منهم تقريبا 90 بالمئه مسلمين وماليزيا المسلمين فيها تقريبا 60 بالمئه ومع كذا روح لانكاوي وبينانغ وشوف الاوربيين والامريكان والانجليز وش يلبسون ووش يسوون هناك يعني ماعادت تفرق دوله اسلاميه او غير اسلاميه كلهم خالعين

خالد م م
خالد م م
السلام عليكم اخواني الاعضاء
بالنسبة لسؤال الاخ الكريم ومن وجهة نظري انا اري ان اندونيسيا افضل بنواحي والفلبين افضل من نواحي اخري
والافضلية ليس بالمناظر والطبيعة فانا اعتقد بان البلدين متقاربين من هذه الناحية ولكن الاختلاف كالتالي
التطور والنظافة واماكن الترفيه اندونيسيا افضل
درجة الامان من وجهة نظري اندونيسيا افضل
بالاضافة الى كون البلد اسلامي وانا هنا لااتكلم عن مدي تمسك الناس بالدين او بالاخلاق او انتشار الفساد والدعارة ولكن اتكلم عن احساس الشخص بانه في بلد مسلم وفي مكان يري فيه المساجد ويسمع الاذان للصلوات ويجد اتجاه تحديد القبلة في اغلب الفنادق بالاضافة الى التاكد من ان اغلب الاكل الذي ياكله حلال ومذبوح من قبل ناس مسلمين
وحتى لو قمت بالتصدق على الفقراء المنتشرين في بعض الاماكن فسوف تؤجر على ذلك لانهم مسلمين
اما الفلبين فاعتقد بانها افضل فقط من ناحية اللغة الانجليزية و الرخص نوعا ما
واكرر لكم بان ذلك من وجهة نظري لانني جربت الفلبين واندونيسيا
ويعطيكم العافية

حمودي حماده
حمودي حماده
أول شي انا اتفق مع اخوي شعلولي بكل نقطه قالها ويسدك انهم يستغلونك بدينك لانهم يعرفون كيف راح يوصلون لك ....
بالنسبه لاندونيسيا انا مارحت لها بس عندي معلومات عنها من الزملاء تقريبا البلد مستعربه يعني يدرون انك جاي تبي تصيف او تعيش اجازه صيفيه يعني يبي يمصون دمك فاتحين ايدينهم لك :118::118:
حتى شعبتهم من النساء والرجال يعرفون يتكلمون عربي غالبا
صحيح انها مرتبه على ماقالوا بس مو لعيونهم لعيون هالسياح ...ing:
وعلى طاري الاكل من قال انها كل الي في اندونيسا حلال انا واحد من اصحابي راح لجزيرة بالي يقول على البوفيه المفتوح فيه خنزير :36_1_30: ولا مفطح بعد
انا من وجهة نظري ان الفلبين انت والشعب الفلبيني واحد يعني مثلك مثلهم بس في اندونيسيا استغلال
ابقولكم حاجة صارت معي بس انها بالفلبين ومع واحد مسلم واستغلني بأسلامه ... صار بجنبي رجال ممرض من الطايف فلبيني الجنسيه...وجنبه ممرضه نفس الجنسية عرفت انه مسلم وانا شكيت بالوضع لان طريقة كلامه غريبه شوي ويضحك وعليه حركات المهم ان الرجال ماقصر معي بالنسبة للمعلومات والمكان الي بروح لمه واشوف البنت ماتعطيه وجه وهم من نفس المستشفى بعد وش السالفه ياولد المهم اخذ رقمي الفلبيني بعد مااشتريته من المطار طبعا قالي ابروح معاك انت واصحابك لاي جزيرة ولا لاي مدينة تروح لها طبعا كلامه غريب وهي اول معرفه واول جلسه وبعد ماوصلت لسكرتيرة صاحبي كلمني على الجوال طبعا ماوقف رسايل طمني عليك وش صار عليك ... وفتحت السبيكر وسمعت السكرتيره وقالت هذا يابعدي من الجنس الثالث الله يحمانا وياكم مننهم :bounce8: قلت هج وش الي طيحه بي طبعا هو سألني بالجوال قال الي معك هل هم مسلمين ولا مسيحيين قلت لا مسيحيين المهم تكلمت عنهم السكرتيره وعطنتي معلومات قلت اشوى اني ماعطيته رقمي الي بالسعوديه المهم بعد الرسايل بديت ماادري عليه ووصل الحد الى انه يجي الى نفس الفندق ويسأل عن رقم غرفتي والحمد لله اني بورتقليرا والسكرتيره عرفت تصرفه وبعدها رجع مره ثانية وشافني بروبنسون مول وارسلي رساله وقالي كيف تختار المسيحيين اول وتخلي المسلمين طبعا مع العلم ان ديرته تبعد عن مانيلا ساعتين وش يبي يالربع عكر علي سفرتي المهم قالي اشوفك بالمطار بس انه مايدري متى وقت رحلتي حتى السكرتيره شكت بالوضع وغير كذا قالها كلام اني اشتغل معه وهو صاحبي من كذا سنه المشكله اول مره اشوفه والله ياضحكت يوم شكت السكرتيره بالوضع :36_1_27: قلت يابنت الاجواد مالي ومال هالامور هذا عله وبلان الله به والله ياربع يمكن بالساعه 40 مكالمه ارعجن ازعاج يقول ابروح معك وانا ابتطمن عليك وانا خايفن عليك الله يستر انا بديت اشك بروحي :36_1_27: فصحيح انه جاب الاسلام من ناحيه وغير كذا انا قلت لكم قبل انا اشتغل من الشعب الفلبيني استغفر الله ان المسيحيين افضل بكثير من المسلمين سبحان الله من ناحية الثقة والصدق والكذب بس الله يستر علينا ويحمينا والمسلين اجمعين والعالم كله

رحال نجد
رحال نجد
  1. اذا خدمه عامل الغرف دفع له واجزل واستشاره في امور اخرى ..

  2. اذا اتى مطعم دفع للعامل او العامله اكرامية لم تطلب منه


الاخ الكريم شعلولي
الحقيقة تألمت لقصة عمك وللاسف هم وقعوا ضحية عصابة اي كان الجنسية فالحمدلله على كل حال واذا سلم العود الحال تعود .
لكن اختلف معك كثيراا فيما يتعلق انك جعلت الخليجي هم صفوة المسلمين الذين لاتتعامل الا معهم اما غيرهم فانك وضعتهم بدائرة الشك والخوف منهم وانهم يريدون ان يستغلونك او اي تصرف سئ نحوك .
لقد جانبت الصواب واسمحلي بذلك لان تعاملنا نحن هو ما جلب لنا هذه التصرفات تجد الشخص يسافر واول ما ينزل المطار ابتداء يبحث عن شخص يخلص له اوراقه قبل الاخرين ويدفع له وانا شاهدت ذلك كثيرا ، ثانيا اذا ذهب الى الفندق دفع مبلغ اضافي للرسبشن لكي يسكنه في موقع ممتاز في الفندق والموظف لم يطلب منه

اذا خدمه عامل الغرف دفع له واجزل واستشاره في امور اخرى ..

اذا اتى مطعم دفع للعامل او العامله اكرامية لم تطلب منه

الحقيقة نحن من يقول للاخرين ان معنا مصروف زائدا نريد ان نبعثره ونحن الذين اوقعنا الاخرين في استغلالنا بارادتنا وتفاخر بيننا لم ينزل الله به من سلطان فلا ترمي عادات يقوم بها مجتمعك ولنقل الاغلبية وتلقي التهم على الاخرين الذين فتحنا المجال لهم وهم يؤدون واجبهم ونقوم نحن بالدفع لهم مبلغ اضافيا وهم وجدوا هذه السذاجة من البعض وعمموها على كل اتي لهم يفكرون انهم سواسية .
البلدان الذي ذكرت سواء عربية او غيرها فيها الخير والشر وانت وانا والاخرين نذهب الى بلدانهم مع من نتعامل نتعامل مع سائق تكسي او عامل مطعم او عامل فندق او عامل في محل تجاري فهل هؤلاء يمثلون مجتمعهم ؟
اما قولك لاتتعامل الا مع خليجي فانت جاوبت الصواب الخليجي مثله مثل المجتمعات الاخرى فيهم الطيب وطبعا يوجد فيهم غير ذلك وانا من المجتمع الخليجي واعرف مجتمعنا صحيح فيه اخيار ولكن في المقابل يوجد عكس ذلك
فلا تعمم لدول باكملها لتصرف افراد قلة وتعتبره يمثل مجتمعا كاملا .

شعلولي
شعلولي
اخي العزيز رحال نجد انا لم اعم اي جنسيه ويقولون لو خوليت خربت واصابع الانسان ماهي سواسيه انا اعرف هالشي وصحيح حتى الدول الخليجيه تلقى فيها اشياء اعوذ بالله ومنهم السعوديه اللي فيها بيت الله ولكن انا يوم اذكر الجنسيه ذكرتها لقربها وقوة الاسلام فيها وهو بيت المقدس ولا يهم كذا انا رحت سوريا والاردن ولبنان 13 مره وسمعت كلام من ناس كانت تمشي وراي لمدة عشرين دقيقه متواصله وهو يمد يده ويوقل بحب النبي وكرمال النبي بحب محمد وكرمال محمد وكلام استحي اقوله لمدة نصف ساعه اخر شي إذا حس اني ماراح اعطيه شي ..... والله والله والله يشهد على كلامي ان هذا اللي توه يحب النبي ويحلف بالنبي وهو حلف لغير الله . والله ان دعى علي وسبني سب حتى اليهودي مايقوله يعني بأختصار انا رايح سياحه استمتع واشوف تعامل شعب مثل شعب شرق اسيا المسالم ولا اروح لهالدول اللي ذكرتها اتهاوش واسب واسمع سب لي ولأهلي ولربي من ناس اليهود ارحم منهم وكل اللي قلته لكم انا شفته بعيني ماسمعته من احد والله علي شاهد وهذه بلاد اسلاميه يقال انها اسلاميه واكرر انا لا اعم يوجد فيها من يخاف الله وفيه الخير بس
وبالنسبه لأهل الخليج اللي تكلمت عنهم يااخي الغالي اللي يدفع زياده أجل موقع غرفه او يضبط العشا او او ... ايا كان بخشيش صحيح فيه نسبه تتعدى 80 بالمئه من الخليجيين يسوون كذا بس في دول ومنها الفلبين مهما خدمك إ1ا ماعطيته مايطلبك ومنها بأوربا وماليزيا إذا انت ماعطيته مايطلب يستحي ويحترم مهما كانت ديانته
اما بالنسبه للدول العربيه اللي ذكرتها والله انك تدفعها وبالقوه يعني مو اختياريه منك لا القوه غصبن عليك


خصم يصل إلى 25%