القصيم المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الهوى شرقي111
01-10-2022 - 10:03 pm
السلام عليكم ورحمة الله وبركاته...
الموضوع باختصار واحد يعز علي زواجه بعد كم شهر بالنبهانية بالقصيم
وانا ابي اقدم له هدية زواج حجز بفندق لثلاث او اربع ايام
ياليت تزودوني بأفضل الفنادق الموجودة بالمنطقة
اتوقع الرس او بريدة افضل
بصراحة انا ماني من اهل المنطقة عشان كذا اهل القصيم ادرا بفنادقها
تحياتي


التعليقات (9)
عبدالله أبو حمد
عبدالله أبو حمد
وعليكم السلام ورحمة الله وبركاته....
أتوقع أن أفخم الفنادق هو فندق موفنبيك ببريدة رقم الهاتف 063169999
وفيه فندق بالبكيرية اسمه رمادا شكل من خارج حلو ولا أدري من الداخل رقم الهاتف 063366666
هذه أتوقع أفخم الفنادق بالقصيم

بينك روز
بينك روز
!!
الهوى شرقي
الف مبروك الله يتمم على يهم بالخير
فيه فندق السلمان لاكن قديم ومستواه جداَعادي
وعندك موفنبيك في بريدهواكيد الافضل
و مافي افخم منه في منطقة القصيم
وهذا رابط
https://artravelers.com/p/re/257067
مع العلم ان الاجنحه افضل من الغرف العادية
!!

عليان11
عليان11
اخوي لا يوجد فندق خمسة نجوم محترم في القصيم سوى فندق موفانبيك في بريدة (فندق هذا للراجحي)
فندق السلمان سيئئئئئئئئ للغاية ومخيف مهجور انا اقترح عليهم يخلونه متحف افضل
في فندق عنيزة جيد كذلك هناك شقق معاريس في عنيزة لكن والله نسيت اسمه خاص للمعاريس فيه تقريبا اربعة اجنحه وهو مخصص للعرسان فيه ، اطرح سوالك في منتدى مجلس عنيزة وراح يفيدونك عنه الكثير مدحوه لي لكن عابو عليه انه مافيه الا حجز لان العمارة مافيها سوى اربعة اجنحه فقط . الى ينصح فيه لك اسعاره غالية نوعا ما

naif78
naif78
اولا الله يجزاك خير على بادرتك الطيبه اللي تدل على معدنك الأصيل كصديق
شوف يالغالي ما ازيد على كلام من قبلي لكن عندي ملاحظه انا شخصيا اشوفها مهمه وانت بكيفك طبعا
الموفنبيك نعم افخم لكن الحفريات حوله من كل مكان والطريق اللي هو عليه مسكر والمنطقه ميته وكلها ازعاج معدات هذا غير اخلاقهم اللي ما عندك احد ..لو تطلب كاس ماء تشوف المنه في وجيههم كنك تشحذ
الاختيار الامثل رمادا في البكيريه ممتاز وفخم هذا غير انه متوسط في القصيم واقل من كيلو من الطريق السريع الرياض القصيم المدينه
للمعلوميه بعد رمادا دايما الوفود الرسميه للمؤتمرات او الشركات او الانديه ما يحجزون الا عندهم وهذا لحاله يكفي
اعيد واكرر هذا رأيي الخاص

بينك روز
بينك روز
!!
والله كنت ناسيه رمادا البكيريه

!!

نسيت اسمي
نسيت اسمي
افخم فندق بالقصيم هو الموفنبيك ببريدة وضيوف الاماره والزيارات الرسميه للمنطقه تتم فيه وجامعه القصيم كل ضيوفها فيه,
رمادا بالبكيرية كذلك اسمع انه حلو بس ماسبق شفته
ايضا بالنسبة للشقق المفروشه عندك شقق بودل ببريده وهي افخم شي موجود بالقصيم حتى انها افخم من الموفنبيك(حسب رايي)
تكاليف الاثاث فيها لوحده قيمته 7 ملايين ريال!!!
تحياتي لك

منسدح بحوض نخله
منسدح بحوض نخله
دائما يقولون
أسئل مجرب ولاتسئل طبيب
أنا يوم زواجي حجزت بموفنبيك وأبلشني واحد من الشباب ازور شقق بودل صراحه شفت فرق غير طبيعي
على طول غيرت لبودل فخامه وأناقه وسعه
بس خذ نصيحتي قله ابي غرفة الملكي
واذا قال غرفه وصاله لاتأخذها خذ غرفتين وصاله
أفضل بكثير وأفضل من موفنبيك بمليون مره
لاتتردد في بودل نهائي ولاتقرب لموفنبيك نهائي غالي على غير سنع

abdulaziz H
abdulaziz H
naif78
هو صادق انا على اني نادر ما ارح لبريدة لكن اذا مريت من تقاطع الملك خالد مع الملك فهد اتشائم من الحفريات الازعاج :8888:

nagdboy
nagdboy
الاختيار الامثل رمادا في البكيريه ممتاز وفخم
فعلا كما قالو الاخوان
وبارك الله لهما وبارك عليهما وجمع بينهما بخير


خصم يصل إلى 25%