عام المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
copilot
30-11-2022 - 06:01 pm
شكرا أخى العزيز copilot على هذه المعلومات الرائعة وجزاك الله كل خير


تأشيرة
التعليقات (7)
كورلا
كورلا
مشكور اخي copilot على هذه المعلومات وماقصرت والله
جزاك الله الف خير بس عندي استفسار غبي شوي وهو وين مكان السفارة الكندية في الرياض هل هي في حي السفارات ولا مكان ثاني لاني اتذكر اني شايفها بس وين؟...؟ والله ناسي
بس اكيد القى عندك الاجابة او اي واحد من الاخوان اللي سبق وراحوا كندا وشكرا مره ثانية

مسافر متزن
مسافر متزن
شكرا على هذه المعلومات القيمة ولكن عندي عدة أسئلة :
1-أنا أبغى أروح معهد تعليم انجليزي لمدة شهر أو شهرين ... التأشيرة هنا سياحية طبعا ، ولكن هل أذكر أنني ذاهب للدراسة صيفا أم أكتب سياحة وبس ...؟؟؟
2- إذا أنا ناوي أسكن عند عائلة يؤمنها لي مكتب فهل يجب ذكر اسمها ...؟؟
3- التعريف من العمل هل يجب أن يكون باللغة الانجليزية ... علما أنني مدرس في مدرسة ابتدائية ...؟؟
4- بالنسبة للدفع كلامك غير واضح بالنسبة لشركة الراجحي ... يقبل أم لا يقبل ....؟؟؟
شكرا لك على تحملنا ....

copilot
copilot
بالنسبة لموقع السفارة في الرياض للاسف ماعرف اسئلني عن جدة اقولك واذا تبغاني اجي اوصلك حاضر من عيوني.
احب اقولك حكاية شهر او شهرين دراسة لغة ترى ماتكفي حاول تبحبحها شوي. انا اتكلم من واقع تجربة وياليت الشباب اللي عندهم خبرة يعطونا ارائهم. اما من ناحية تكتب سياحية وانتا رايح دراسة ترى النظام حلو يعني الدراسة دراسة والسياحة سياحة بس والله اعلم انه ممكن تكتب سياحية وتدرس بالنسبة لفترة شهر او شهرين ومن الافضل اتصل على رقم السفارة هم راح يعطونك العلم الاكيد وفيك تطلب احد يتكلم عربي واكيد راح يجاوبك على كل الاستفسارات.
ايش المشكلة في ذكر اسم العائلة ولا مستحي
اكيد التعريف لازم يكون انجليزي وبرضو اسئلهم ممكن يفيدك اكثر.
الشيك المصدق لايقبل من الراجحي نهائيا.

فيكتوري
فيكتوري
الاخوان اللي من خارج الرياض بالذات وللجميع
انصحكم بالتعامل مع مكتب يختص بهذه الامور
شخصيا تعاملت مع مكتب كنة في الريض وهم مختصين في كندا ولهم مكتب هنا ولهم علاتهم بالسفارة
لا تشغل بالك بتعبية طلب ولا توصيل طلب ولا وين ادفع لانهم يسوونلك كل شي
والاخوان اللي خارج الرياض بامكانك الاتصال لاخذ معلومات اكثر
واشوف انه اسهلك بكثير انك تتعامل مع مكتب
واللي يحتاج معلومات اضافية انا حاضر

copilot
copilot
1- عادتا لمن يعطونك التأشيرة تكون المدة حقتها موضحة نفرض انها ستة اشهر وبعدها تنتهى من هذا نقدر نقول انه اذا كانت التاشيرة فقط زيارة واحدة فيك تستخدمها فقط لسفرة وحدة الى كندا خلال الستة اشهر وتنتهي اما بالزيارة مرة وحدة او بنهاية المدة اما المتعددة الزيارات تقدر تسافر قد ماتقدر خلال فترة الستة اشهر وتنتهى بأنتهاء المدة.
2- عدم اكتمال اوراقك وعدم توفر الفلوس الكافية لسفرك وطبعا اكيد في اشياء ثانية بس ماعرفها بس ترى نادرا انهم يرفضون اعطائك التاشيرة.
3- اصلا هم مايعملون مقابلة نهائيا الا اذا اتطلب الأمر طبعا ايش هو هذا الامر مادري بالظبط بس يعتمد عليهم.
طبعا النقاط هذه كلها عن التأشيرة السياحية. اما بالنسبة لك كطالب جامعي والله مافتيك في الطريقة بس على ماعتقد تجيب خطاب انك تدرس في الجامعة والباقي زي مانشرح والله اعلم.
اقولك خذ رقم السفارة في الرياض 4882288-01 واذا انك من جدة عاد الله يعينك اتصل على السنترال وخذ رقم القنصلية لاني ناسيه. عاد هم يفيدونك اكثر مني وفيه ناس راح يكلمونك بالعربي اذا تبغى.

kiano25
kiano25
بسم الله الرحمن الرحيم
أخى العزيز copilot شكرا على هذه التقارير المفصلة
ولكن لىبعض الأسئلة...
1- بالنسبة لتأشيرة الزيارة الواحدة ما الفرق بينها وبين التأشيرة المتعددة الزيارات يعنى أقصد هل أذا أستخرجت فيزا زيارة مرة واحدة لا يمكننى السفر بعدها أم ماذا أرجو التوضيح...
2- ما هى الأشياء التى لاقدر الله يمكن تحدث تمنع أخذ التأشيرة؟؟
3-هل يمكن أن تأخرج التأشيرة بدون مقابلة interviewمع السفارة؟؟
مع العلم أنى طالب بالجامعة

copilot
copilot
  1. 3-طريقة دفع رسوم التأشيرة

  2. معلومات مهمة بالنسبة للدفع:

  3. ترسل الشيك المصدق مع الطلبات بس لاتنسى تاخذ كعب الشيك.


أول شيء مكان السفارة في الرياض ولايمكن استخراج الفيزا الا من الرياض(الكلام بالنسبة للسعودية ) يعني اذا كنت من جدة ولا من اي مدينة اخرى لازم ترسل جميع المتطلبات للسفارة. بالنسبة لجدة اذا اي واحد عندة استفسار ولا يبغى ياخذ الاوراق الازمة يروح القنصلية الكندية الموجودة في طريق المدينة النازل تعدي بعد فتيحي يجيك بعده مبنى الامارة القديم على يدك اليسار على طول بعد الامارة تحصل مبنى طويل تحته في اماكن مجوهرات وبخور تدخل المبنى وتحصل القنصلية في الدور الحادي عشر خش وعاد اسئل اللي تبغاه من هناك وانتا مرتاح وبالعربي كمان.
بالنسبة للطلبات ترسل للرياض الى السفارة الكندية ويتم استقبال الطلبات من الساعة التاسعة صباحا حتى الثانية عشرظهرا من السبت الى الثلاثاء فقط. الطلبات اذا كنت من خارج الرياض ترسل عن طريق اي شركة توصيل مثل Dhl,fedex,aramex,tnt وغيرها طبعا تروح هناك هما عارفين الشغل طبعا بعد ماتكمل الطلبات كلها لانهم لاتفكر انهم راح يساعدونك ولاتنسى ترفق وصل رجوع الطلبات من السفارة الى منطقتك علشان السفارة ماراح ترسلها على حسابهم يعني تكون دافع رجوع وعودت الطلبات. عادتا تدفع حق ارسال الطلبات وحق رجوعها لمن تستلمها بس لازم تكون مرسولة الأوراق.
فترة الحصول على التاشيرة عادتا تاخذ خمسة عشر يوما من يوم وصول الطلبات الى السفارة ولذلك ينصح بأن تقدم الطلبات قبل يوم السفر بفترة كافية تحسبا لحدوث اي تأخير لاسمح الله.
نبداء الطلبات بسم اللة والله مدري تبغونها مفصلة ولا حاف. اقول خليني افصلها على قدر الأستطاعة بس لاحد يلومني اذا نسيت اي شيء. طبعا اكيد الشباب راح يكمولون اي شيء ناقص جزاهم الله الف خير علشان تعم الفايدة بأذن الله.
1- توقع وتكمل ورقة الطلب اللي هي Imm5257 . صورتين حديثة حجم صورة الجواز 6*4 لكل شخص يبغى يسافر مع الأسم وتاريخ الميلاد مكتوب خلف الصورة لكل شخص. طبعا الرجال لازم تكون الصورة بدون شماغ يعني مكشوف الراس علشان يقبلوك في العسكرية .
الرجل وزوجته وعيالهم اللي اعمارهم اقل من 18 سنة ممكن يعبون البيانات في نفس الورقة حقت الطلب اللي هيه زي ماقلناimm5257. الأبن اللي اكبر من 18 سنة يعبي البيانات في ورقة لحالة. نعن ابو التفرقة العنصرية .
هاه نبداء التفصيل الممل عن الأشياء المكتوبة في Imm5257 ياله استعدوا
اول شيءمكتوب في الورقة انه تبغى الخدمة بالانجليزي ولا بالفرنسي عاد الاختيار راجع لك بس لاتحط بالعربي ولا اقولك حط بالعربي علشان نغير القوانين ونعمم العربية في العالم كله.
ثاني شيء السؤال هو التأشيرة تبغاها فقط للزيارة مرة واحدة اوعدة مرات او فقط تأشيرة مرور. اوه نسيت اقولكم انه تأشيرة الزيارة لعدة مرات غير متوفرة للسياح او للي اول مره يزور كندا.
بعدين عاد تعبي البيانات الشخصية فيك وهي اسم العائلة,الأسم الأول, الأسم الثاني,جنسك يعني رجال ولا حرمة, تاريخ ميلادك, مكان ميلادك, جنسيتك, رقم الجواز,تاريخ انتهاء صلاحية جواز السفر وحالتك الاجتماعية متزج ولا عازب هذا بالنسبة لك. اما اذا كان رايحين معاك المدام والبزورة تكتب نفس الشيء بالنسبة لهم مع زيادة ايش علاقتهم بالنسبة لك.حتى لو كان المدام والعيال ماراح يرافقونك تعبي البيانات لانه برضوا راح يسألونك هل سوف يرافقونك في السفر عاد تجيب يس اور نو.
بعدين السؤال اللي بعده ايش الهدف من الزيارة: سياحة, تجارة او غيرها طبعا تبين ايش غيرها عاد لاتكتب سلتحه .
بعدين حدد كم المدة اللي راح تجلسها بالتاريخ في كندا. وكم الفلوس اللي راح تكون معاك في فترة بقائك في كندا طبعا بالدولار الكندي. بعدهاعنوانك البريدي وتلفونك والفاكس اذا وجد. بعده عنوان السكن. اللي من الكرنتينة من الافضل يحط عنوان تمويه علشان ماراح يقبلون الطلبات. امزح
دقيقة خليني اقلب الصفحة الثانية. نوع التاشيرة مواطن, اقامة دائمة,اقامة مؤقتة(اللي هيه السياحية) او عمل. مدة التأشيرة صالح حتى متى بالتاريخ.
ايش وظيفتك واكتب وصف مبسط عن موقعك في العمل. اسم وعنوان المكان اللي انت شغال فيه أو المدرسة.
اسم وعنوان وعلاقة اي شخص او معهد تريد زيارته.(حتى لوتعرف احد افضلك لاتكتب علشان الشغلة راح تطول يعني رسالة دعوة ومن هذي الخرابيط).
بعدين يسألونك هل انت او اي احد من افراد عائلتك احتجز او سوى جريمة كم سؤال عن الأمراض واشياء متنوعة كلها نو وريح بالك. اذا قلت نعم عاد اشرح ليش ومتلى وكيف وهذي العلوم.
بعدين يقولك خلال فترة خمسة سنوات الماضية هل انت او اي شخص يرافقك عاش في اي دولة غير دولتك او مكان اقامتك اكثر من ستة اشهر. عاد الجواب اما يس اور نو. اذا كان نعم اكتب اسمه والدولة وفترة العيش من و الى.
اخر شيء في هذه القسيمة اللي هيهimm5257 انك تشهد ان كل المعلومات المجابة صحيحة في هذه القسيمة بأكملها وبصدق وبعدها عاد وقع توقيعك الحلو ترى التوقيع اللي مشي حالك ممكن يرفضونه . واكتب التاريخ وخلاص كذا يصير كملنا شيء بسيط من المشوار والبقية جايين. انا طفشت من الكتابة وانتوا طفشتوا من القراية بس انا مصر انه نبقى مع بعض اطول فترة ممكنة بس بالله استحملوني هذي المرة بس طيب.
2- عبي قسيمة المعلومات الأضافية وفيها معلومات شخصية لكل شخص من افراد عائلتك غير مرافق لك في الطلعة(زوجتك,بزورتك,امك,ابوك,اخوانك,اخواتك) ريحونا من الجيران طبعا بالواسطة.
وفيها تكتب اسم العائلة لكل فرد, الأسم الأول والثاني لكل فرد, تواريخ واماكن الميلاد,علاقتهم بالنسبة لك, جنسياتهم,وظايفهم و مكان الأقامة. علشان تنفك من هذي الدوشة والكتابة احسن لك شيلهم معاك كلهم بس برضوا لاتشيل الجيران.
بعدين هل عندك اي اقارب في كندا اذا نعم هات اساميهم وعنوانهم زايدا نسخة من تأشيرة الهجرة.
بعدين اكتب اسماء الدول اللي زرتها خلال العشرة السنوات الماضية. هل عمره رفضت لك اي تأشيرة لأي دولة اذا نعم عاد زودهم بالمعلومات. بعدها خلاص بالنسبة للسعودي.
اما اذا كنت مقيم: كم سنة انت مقيم في السعودية, متى تاريخ انتهاء اقامتك, ايش اسم كفيلك,متى تاريخ خروجك وبس بكذا نكون خلصنا رقم اثنين وندخل في ثلاثة.

3-طريقة دفع رسوم التأشيرة

اولا رسوم التأشيرة ماراح يردونها. طريقة الدفع لازم تدفع عن طريق شيك مصدق فقط بالدولار الكندي سعودي غير مقبول. الشيك لازم يودع في بنك كندي في كندا ولازم يكون مدة الشيك ستة اشهر وانت طالع بأسم "the Receiver General For Canada" هذا الاسم اللي راح تحطه حق البنك طبعا لما تروح البنك الموظفين يعرفون كيف يتصرفون.

معلومات مهمة بالنسبة للدفع:

تراهم مايقبلون كاش ولا شيك بالعملة السعودية ولا شيك مصدق من البنوك التالية: شركة الراجحي االمصرفية التجارية, مؤسسة الراجحي المصرفية. مايقبلون شيكات شخصية,ولا شيكات شركات, ولا شيك مصدق تودعه في بنك اجنبي او خارج كندا ولاكمان تدفع كاش بالعملة الكندية.
بالنسبة للرسوم للشخص الواحد 75دولار كندي هذا لتاشيرة الزيارة مرة وحدة فقط وبالنسبة للعيلة 400 دولار كندي.
اما تاشيرة متعددة الزيارات 150دولاركندي.

ترسل الشيك المصدق مع الطلبات بس لاتنسى تاخذ كعب الشيك.

4- جواز سفر صالح المفعول يعني مابقيله فترة بسيطة وينتهي و معلومات السفر.
يجب ارسال جوازك او الجوازات مع الطلبات. اما اذا ماكنت تقدر تخلي جوازك عندهم مدة ال15 يوم يجب عليك ان تصور الجواز من الصفحة للصفحة حتى الصفحات الفاضية(ياخوفي يكون الجواز فاضي ) وترسله مع الطلبات. مدة التأشيرة مستحيل تكون اكثر من المدة المتبقية لصلاحية الجواز.
معلومات السفر تكتبها في ورقة اسمها Travel Information Form وتكتب فيها التالي:
اسم العائلة الاسم الاول والثاني,تاريخ الميلاد,مكان الولادة الدولة والمدينة,عنوان المنزل, الجنسية, العمل ومكان العمل وعنوان العمل,رقم الجواز,نوعه, مكان الاصدار, تاريخ الاصدار و تاريخ الانتهاء, العنوان في كندا(تكتب اسم المدينة اللي تبغى تزورها واسم الفندق), الغرض من الزيارة الى كندا, مدة الزيارة والبقاء في كندا بالتاريخ وبس خلاص.
5- اثبات بالفلوس اللي معاك.
تجيب كشف حساب كامل لكل العمليات التي اتممتها لفترة عدة اشهر ماضية. روح البنك وقله بالله لو سمحت ابغى كشف حساب بالأنجليزي.
6- تعريف من جهة عملك.
تعريف من عملك يوضح فيها وظيفتك, راتبك, مدة خدمتك و تاريخ التحاقك بالعمل واختمها طبعا بالأنجليزي.
اما اذا كنت تشتغل شغل حر جيب نسخة تبين انتا في ايش تشتغل.
7-دعوة من قريبك او صديقك اذا كنت تبغى تزوره اذا ماكن عندك احد مو لازم.
اما اذا كنت رايح تزور احد اثبت حالته في كندا وهات نسخة من تأشيرة الهجرة اللي هية Imm1000 وترسلها مع الطلبات.
اما اذا كانت دعوة للتجارة لازم رسالة او فاكس من الشركة الكندية اللي راح تروح لها ترسل مع الطلبات.
8- الأبناء اللي اصغر من 18 سنة .
ورقة من ابوه وامه اذا رايح يسافر لحاله بدونهم. اما اذا رايح مع واحد فيهم رسالة من الابو او الام الغير مرافق لهم وبكذا يصير خلصنا ان شاء الله الطلبات. عسى مانسيت شيء.
ملاحظة مره مهمة ترى اي شيء راح ينقص من الطلبات وغير كامل راح يردون طلبك ولايعطونك التأشيرة و السفارة لها الحق الكامل بأن تستدعيك لكي تعمل معك مقابلة حتى لوكان كل شيء كامل عندهم.
كل واحد يتأكد انه كل اموره كاملة ومكملة ويتوكل على الله ويرسلها وبالتوفيق للجميع ومرة ثانية معليش على التطويل بس ترى اي سؤال بعد اليوم في المنتدى عن التأشيرة السياحية غير مقبول ابدا غير السياحية الشباب ماراح يقصرون بالذات اللي تحصل عليها.


خصم يصل إلى 25%