مرحبا اخوي واثيوبيا من افضل الدول من حيث الجو والمناظر فلو بنتكلم عنها مراح نوفي فاقترح عليك تشوف العناوين اللي في نفس الصفحة وتختصر كل شي بتشوف الصور والسكن والعملة وكل شي وحاظرين لك يني كنجو

يعني تنصحني اروحلها ؟؟ انزين المواضيع اهني ماكفتني ابي واحد يقولي باختصار شنو فيها وشنو اللي اجتنبه مناك ؟ وشنو اصور مناك ؟؟

مرحبا اخوي شوف انا رحت اديس بابا مرتين واخر مرة بداية فبرايراللي راح اللي تتجنبة اشياء واجد بما انك رايح اول مرة يعني التمشيات باليل خفف عليها وفي اديس بابا راح تنبسط واجد المطاعم بتلقى مطعم صنعاء للمندي ومطعم اللبناني للمشويات وكوفي شوب نيويورك فيه بلياردو ومطعم واذا لقيت فرصة تروح في اجازتهم الاسبوعية السبت والاحد قيون هوتيل بتشوف الاعراس والطبايع حقت اثيوبيا وانشالله بعد رمضان بروح طلعة جامدة بالمرة وبالنسبة للسكن اذا انت بروحك اسكن في فندق احسن واذا انتو شباب احسن لكم فيلا ب400بر في اليوم ...............وحاظرين لكم

والله تمام يبيله
جم الميزانيه تكفي اذا بقعد اسبوع ؟؟
انزين ابي فندق سنع وحلو وسعره زين

ان شاءالله تردون علي يعني ماتعطلوني :\

مرحبا الغالي بالنسبة للميزانية على حسب صرفية الشخص نفسه وشنو راح يسوي شوف ومن الاخر انا مرة رحت 8ايام خذت معي 5000ريال غير التذكرة والفيزا وطحنت الحب كله وللمعلومية ترى المبلغ واجد مرة بالنسبة لهم بس الاحتياط واجب والحمدلله كفت و وفت وباقي من الفوس 100 دولار صرفتها في مطار البحرين يوم رجعت واذا على السكن انا دايما اسكن في كنكورد هوتيل لاني دايما اروح لحالي او معاي واحد من الشباب عشان كذا صعبة اخذ فيلا وتحت الفندق شارع كل شي فيه المطاعم الكوفي شوب وغيره واشالله رحلة موفقة وحاظرين لكbo7anon

ومعليش اخوي نسيت اقولك بالنسبة لسعر الفندق انا اخر مرة رحت كان سعر الغرفة 253بر يعني بحدود اقل 85 ريال وبالنسبة لصرف العملة اخر مرة 100دولار 1150بر بس في المطار الاثيوبي فرق يعني 100دولار 1227 بر يعني في المطار اصرف لك 200دولار حق التاكسي والفندق وتحياتي

مرحبا اخوي مادري نزلتلك رد قبل هذا بس مدري شسالفة المنتدى بس حبيت اقولك اذا على الميزانية على حسب صرفيت الشخص نفسه فانا مرة رحت 8ايام وخذت معي 5000 ريال غير التذكرة والفيزا وللمعلومية المبلغ بالنسبة لهم ترى واجد بس الاحتياط واجب وانا اخوك وعلى الفندق انا دايما اسكن في كنكورد هوتيل لاني دايما اروح لحالي او مع واحد من الشباب الفيلا حلوة للمجموعة وانتبه على نفسك وانا اخوك......وحاظرين لك

مشكور وماقصرت اهم شي شلون شعب الاثيوبي ؟