D.L.B.E
10-08-2022 - 03:17 pm
رحلتي حق تايلند الاسبوع بعد اسبوع
كوساموي+شيانج ماي
سويت سيرج على الفنادق بس لم الحين محتاره
ابي احسن الفنادق الي فيها بس يكون سعرها معقول مو مبالغ فيه...
ابي اعرف اسعار الطيران الداخلي جم تقريبا راح يكلفني....
الرحلات الحلوه الي انتو مجربينها!!!!!
ملاحظه:
الرحله شخصين..انا وريلي
عا اجل
صباح النور
اولا :- الف الف مبروك علي الزواج .
ثانيا :- لازم نعرف المدة جم بالضبط تبين تقعدين هناك بتايلند وانا راح اكتب لج جدول لمدة اسبوعين بالضبط اوكي يا اختي .
الجدول لمدة 14 يوم ( ماراح نحسب يوم الوصول ) .
ليله واحده بانكوك اثناء الوصول للاستراحه من عناء السفر
3 ليالي شنغ ماي وكافي عليها لان مافيها شي اللي بعض الرحلات
5 ليالي جزيرة بوكت ولازم وضروري تروحين حق هالجزيرة .
ليلتين كوه ماسوي لانها جزيرة صغيره مو مثل بوكت .
ليلتين بانكوك ومن ثم العودة الي الوطن .
وهذا بعض المعلومات جزيرة كوساموي
(( chaweng beach )) يعتبر جونغ بيج اطول ساحل في الجزيرة و توجد بة الفنادق
و المنتجعات بجميع المستويات من الخمس نجوم و نازل و تكثر في المطاعم الماكولات البحرية
و مطاعم الوجبات السريعة مثل (( برقر كنج و ماك دونالد )) و مقهي ستار بكس
يعني ماراح تتعطل كل شي تبيه موجود و طولل اليوم تكون منطقة جونغ بيج فيها حركة
النهار تشووف البيج مليان مالك محل تقعد و الشارع تبع البيج بلليل يكون مليان مرة يعني جوة حلو
البيج الي بعد جونغ هو (( لماي بيج )) lamai beach
لماي بيج مرة حلو و هدوء يعني الي رايح شهر عسل يسكن في لماي بيج زحمتة مو مثل زحمت
جونغ و يبعد لماي بيج عن جونغ بيج 15 الي 20 دقيقة السيارة
الرحلات البحرية
من كوساموي تقدر كل يوم تطلع رحلة بحرية :
رحلات غوص
ملاحظة بسيطه بالنسبة للجدول اللي انتي حاطته ما ينفع لان شنغ ماي واجد عليها اسبوع هي حدها 3 ليالي وبالنسبة كوه ماسوي نفس الموضوع 3 ليالي واجد عليها .
اخوج / عبدالله الكويتي