- السلام عليكم ورحمة الله وبركاته
السلام عليكم ورحمة الله وبركاته
مساء الخير لمن يقرأ كلماتي في المساء - وصباح الخير لمن يقرأها في الصباح
حقيقة انا من رواد المنتدى من سنوات لكني للأسف من المقلين في الكتابه في المنتديات ماعدا الرياضيه منها :tongue: .. كون الرياضة عندي شي كبير صراحة وطبعا أقصد كرة القدم < علشان ماتتعجبون من الملاعب الي ناوي أزورها ..
مابي أطول عليكم حبايبنا .. انا صراحة إنسان سبق زرت بريطانيا قبل تقريبا 20 سنة < منب شايب ترى يومها كنت بزر ورايح مع اهلي .. وشاء الله سبحانه اني أروح بريطانيا بإذن الله مساء يوم الخميس القادم ولمدة تقريبا 10 - 11 يوم بمشيئة الله .. الرحلة راح تكون ترانزيت الرياض-جدة-جنيف-مانشستر .. والعودة دايركت لندن-الرياض .. طبعا ترانسيتات الذهاب مجملها ساعتين بإذن الله وماراح نطول في المطار أو الطياره بالأحرى .. علشان كذا قبلت فيها ..
مالكم بالطويله .. أنا صراحة سويت سيرتش على الموقع من خلال عدة مواضيع لعدد من الاخوان الأعزاء وأخذت تصور عن كذا مكان وسويت خطه مبسطه للأماكن الي ودي أروح لها ( في مانشستر ولندن وليفربول + شيفيلد مكان إقامة أحد الأقارب والي ناوي أروح هناك مباشرة اول ما أوصل بالسلامة ان شاء الله )
الرحله زي ماقلت لكم تقريبا 11 يوم - الوصول بإذن الله إلى مانشستر يوم الجمعة القادمة والذهاب إلى شيفيلد يوم أو يومين عند الرجال وبعد كذا ننطلق من هناك إلى أرجاء بريطانيا ..
زي ماقلت لكم أنا سويت بحث بسيط لكن طلع لي ان لو بروح لكل الي نفسي فيه مهب مكفيني شهر .. لذلك أبي منكم خدمه بسيطه وهي انكم تعلموني أفضل الأماكن الي تستاهل الواحد يروح لها ..
علما بإن الرحله راح تكون ( شيفيلد يومين - مانشستر يومين - ليفربول يومين - لندن أربع أيام )
طبعا ملاعب الأولد ترافورد في مانشستر + الأنفيلد في ليفربول + الإمارات في أرسنال .. كلها راح أحظرها لذلك حطوها حلأه في ودانكم ..
وهذي الخطه الي سويتها بشكل سريع وصراحة كلها ودي أروح لها .. لكن بخصوص مانشستر قال لي الرجال الي في شيفيلد ان اغلب المواقع الي اخترتها متاحف وكذا ف ماتستاهل العنوه وانك تتخسر فلوس ووقت علشانها .. شف الي أحسن منها ..
عاد نبي شوركم الله لايهينكم .. برضو ياليت تدققون شوي على السكن .. مانبي شي جامد ولا شي برابيس .. يعني يكون حليو ومهب غالي .. لأننا أصلا محنب قاعدين في الفندق سواء في لندن او مانشستر او ليفربول ..
برضو نسيت أقول لكم حاجه .. من بين الشغلات الي شفتها ببحثي .. برمنقهام ! شرايكم تستاهل الواحد يروح لها ولا ماتستاهل ؟ علما اني لو بروح لها لازم اوفر يوم او يومين من لندن او مانشستر او ليفربول ف الي بينصح فيها يراعي انه راح ياخذ من وقت هالمدن ذولي ..
خطتي :مانشستر /
The Trafford Centre - Manchester Craft and Design Centre - Dunham Massey Hall Park and Garden
Manchester Art Gallery - Museum of Science and Industry - Manchester United Museum & Tour
Ordsall Hall Museum - People's History Museum - Greater Manchester Police Museum
Opera House - The Royal Exchange Theatre - فندق أرورا
ليفربول /
Rodney Street (NT) The Home of Edward Chambra Hardman Museum - Tate Liverpool
- Croxteth Hall and Country Park
Merseyside Maritime Museum - The Conservation Centre - Liverpool Football Club - National Wildflower Centre
World Museum Liverpool - Isle of Man -
لندن /
HYDE PARK - Regent Park - House of Parliament &BigBen
Buckingham Palace - Trafalga Square - Piccadilly Circus - London Eye
الريجنت ستريت محلات hamleys - London_Zoo - Royal Albert Hall
Sherlock Holmes Museum - oxford street - British Museum
Tate Britain Gallery - Victoria and Albert Museum - Royal Academy
National Maritime Museum - متحف مدام توسو ( متحف الشمع)
========================
السكن
Bayswater
Hyde Park
kingsigton
adington
باقي كم يوم على السفره ياشباب ياليت نشوف تفاعل :$