أغلب الاوتيلات مواقفها برسوم
الطرق سهله و واضحه
في حال سلمت السياره في المانيا راح تدفع ضريبة تسليم في بلد غير النمسا

هلا بك اخي الكريم اذا كنت ناوي تسكن في فيينا فالافضل ان تخلي ايجار السياره هو صبيحة اخر يوم لك في فيينا لانك لن تحتاج الى السياره والمواصلات متوفره وسهله وسريعه ثانيا المواقف صعبه في فيينا والمزارات تقدر ان توصلها بالاندرقراند
ثانيا استئجار السياره من المدينه ارخص من المطار نفسه عموما النمسا اغلى عن المانيا بس احيانا تذاكر السفر الى النمسا ارخص بكثير من تذاكر السفر الى المانيا
اذا كنت ناوي تسكن في ميونخ الافضل ان تعيدها الى نفس الشركه عند وصولها وحاول تسكن قريب من منطقة المارين بلاتز فلن تحتاج الى سياره وقبل الذهاب الى المطار بلغ استقبال الفندق انك بحاجة بالغد الى تاكسي الى المطار
كوجهه سياحيه فيينا افضل بكثير من ميونخ لكن كتسوق ميونخ افضل فاترك لها يوم بعد ان تستقر في زيلامسي والعوده من مطار ميونخ بدون ماتسكن فيها بس شوف موعد الاقلاع ومناسبته لك على العموم الطريق 3 ساعات من كابرون الى ميونخ
الفنادق بالمدن غالبا ما توفر مواقف لكنها برسوم اما الريف كزيلامسي المواقف متوفره ، وانصحك بالسكن في شقه اوفر واريح
اذا تبغي ارخص ايجار للسياره فهي منطقة فريسلنغ الالمانيه القريبه من سالزبورج النمساويه بس السالفه فيه شيل وحط شوي وما انصحك اذا كنت رب العائله ولافي من يساعدك اذا الحقائب ثقيله
صحيح بتوفر الكثير لكن تذاكر القطار مب رخيصه بعد وبتنجبر تاخذ تاكسي الى المنطقه المذكوره
انت احسبها بالاول اذا الفرق كبير وعندك من يساعدك فتوكل على الله واحجز من فريسلنغ الالمانيه (اكتشاف خبيرنا رجل شرقي الله يحفظه ) واي استفسار مايردك الا كيبوردك

6am 6am
يعطيك العافيه اختي على توضيحك . . .
فعلاً تسليمها في ميونخ راح ادفع رسوم 100 يورو . . .
الله يعطيك الصحة والعافيه . . .

هيمان سفر
مشكور على كل حرف خطه كيبوردك . . . الله يوفقك ويعافيك . . .
اخوي السياره اللي طلبتها . . . قيمتها معقوله جداً . . . وراح توفر علي كثير . . .
لو تنقلت بالتكاسي والاندر قراوند . . .
والفرق بين المطار وبين داخل المدينه مو ذاك الفرق الكبير . . . شي بسيط . . .
أنا عندي مشكله . . . في مواقف الاوتيلات . . ومشكله في المواقف عموماُ في فيينا وفي ميونخ . .
كم الرسوم اللي ادفعها . . . هل هي يوميه والا بالساعه . . .
هل فيه شي تبغى تضيفه لي . . .
طبعاً حنا شخصين . . . راسي وراس المدام . . .
شاكر اولاً واخيراً . . . الله يرزقك بسفره تغيير نفسيتك وتوسع صدرك طول العمر

هيمان سفر الله يجزاه خير ذكر نقطه كنت ناسيتها
فينا ما تحتاج سياره
الاندر قراوند أو تاكسي يفي بالغرض
بغض النظر إنه الاندر قراوند اوفر
السياره في فيينا متعبه جدا من ناحية ايجاد المواقف
و نفس الكلام ينطبق على ميونخ اذا بتسكنون في السنتر و ما راح تطلعون خارجها

توجد مواقف محدده بالساعه واغلبها تكون غير مغطاه وفي مباني عباره عن مواقف راح يدلك عليها جهاز الاستدلال نفسه ، اذا كنت تقصد ان الاوتيل انت ممتاكد اذا فيه مواقف مجانيه او لا عليك بالتاكد من موقعهم الالكتروني وارسل لهم ايميل
بس مثل ماقتلك حاول قد ماتقدر ان تتجنب السواقه بالمدن لاضيق الحدود ، هم عندهم نظام واحنا نجهل بعض الامور كاحقية عبور المشاه ولو الاشاره خضراء عسبيل المثال ،
الامور ميسره وخاصه عندك القارمن هو بيدلك على اقرب موقف يوم تحتاجه والعلامات المروريه اتوضح لك مكان المواقف وعند المواقف نفسها بتشوف الارشادات اذا كانت بالساعه او باليوم والمواقف المغطاه اغلى عن المكشوفه ، كنصيحه انصحك انك ماتسوق في فيينا وا وفر فلوس التاجير هالثلاثة او اربعة الايام وخذلك بطاقة فيينا فيها خصومات للزيارات وتوفي كل تنقلاتك . رحله موفقه ان شاء الله وحاضرين لاي استفسار

6am 6am
الله يجزى الجميع خير . . .
ما قصر تي اختي . . .

هيمان سفر
عزيزي
لو ابستأجر سياره راح تكلفني تقريباً : 800 يورو = 4000 ريال تقريباً لمدة 20 يوم
و 100 يورو راح تكون رسوم تسليم السياره في ميونخ . . .
مدة إقامتي في فيينا 6 ليال وفي زيلامسي 5 ليال وفي ميونخ 7 ليال
تنقلاتي بين المدن الثلاث . . . و داخل المدن بيكون اغلى من 800 يورو ( اتوقع )
رأيك بالتفصيل . . . .
( ابتوكل على الله . . . واخذ برأيك ) ولا ننسى الاخوان . . .
بيض الله وجهك . . .ويسر الله امرك

وويهك ابيض اخوي ، في عندي ملاحظه طال عمرك على البرنامج ومدة الايام اللي بتقضيه في المدن وفي زيلامسي
اتمنى اول شي ان اتمر على اكثر من تقرير وان شاء الله تتبلور عندك فكره عامه عن كل منطقه وماتستحقه من ايام بحسب المزارات فيها وحاجتك انت كسائح خليجي الى البقاء في اجواء ريفيه اوروبيه اتنسيك حتى الشارع اللي جدام بيتك
فيينا عموما حدها 4 ايام وغالبا ماتكون مشمسه واغلب الاماكن قريبه من بعض وتقدر تصل الى اماكن سياحيه كقصر الشنمبرون والبرج مثلا بنفس اليوم
سالزبورج البعض يسكن فيها ثلاثة ايام ويزور فيها البحيرات ومغارة الملح ويوم للتمشي بالمدينه القديمه والقصر اللي فيه الحديقه المائيه
زيلامسي خمسة ايام لاباس فيها لكن ليش تجلد نفسك مب مفروض اتخلص جميع المزارات باسرع وقت خذ راحتك يوم مزار بعيد مثلا اطلع لمدينة اونسبرك ساعتين بالسياره اليوم الثاني قمة الثلج في كابرون ربع ساعه بالسياره وهلم جرا ، ولو اتخلي كل ثالث يوم راحه واستجمام وتمشيه بس على البحيره وومارسة بعض الانشطه كاستجار قارب او الطيران مع المدام في الطائرات الخاصه مع طيار بعد شي ممتاز
عندك مدينة كلاينغفورت قريبه من ايطاليا وفيها مزارات وشوارع تمشيه حلوه وتسوق اتقضي فيها نهار كامل وترجع ساعتين ونصف مدة الطريق اذا تطلع على الساعه 11 انت واصل على 2:30 تتغدى فيها وترجع على المغرب الشمس اتغيب على التاسعه مساء
من اللي سلف ابغي اقولك عشرة ايام اشوي على زيلامسي اذا استغليتها بالشكل المناسب وحتى سالسبورغ تقدر اتخصص لها يوم من ايام زيلامسي
انا على خبرتي المتواضعه وتواجدي الدائم بشكل يومي ما قد سمعت حد خصص هذه المده خاصة لميونخ اذا الالمان نفسهم مايعتبرونها مدينه سياحيه ميونخ في راي حدها يومين للتسوق وثلاثه اذا بغيت اتزور اليوربا بارك اللي تضاهي الديزني لاند وفيها متعه للكبير والصغير تسير لها الصبح وترجع منها المغرب
ارجع واقول مر على تقارير الاخوان ومن بداية التقرير لاحظ برنامج الشخص هل هو مقارب لبرنامجك وعدل فيه او زيد عليه من فقرات لمواضيع اخوان اخرين
وهناك موضوع لاختنا هداوه ابحث عنه في الصفحات حاولت ابحث عنه بس النت عندي بطئ عنوانه 33 مكان سياحي قريب من زيلامسي وايد بيفيدك
في راي الشخصي المتواضع اترك قدر ماتقدر للريف وفيينا تستاهل 4 ايام وميونخ من يومين لثلاثه فقط واي استفسار انا بالشوفه يالطيب