السعودية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
قبطان1
13-12-2022 - 03:26 pm
السلام عليكم
يا شباب من يعرف مكان بالرياض فية ناس يتجمعون ويتكلمون فيه انجليزي عشان
اتكلم معهم الانجلش وامارس اللغة ياريت احد يساعدني بهذا الموضوع واكون شاكر له


التعليقات (8)
ME&theOther
ME&theOther

اهلا فيك اخي القبطان
والله اتمنى لو كنت املك اجابة لسؤالك
لكن باذن الله الاخوة لن يقصروا معك
ياهلا فيك

سيرفس15
سيرفس15
في أشخاص يجلسون معك بالساعة في كفي أو بيتك أوغيره ,,
وسعر الساعة يبدأ ب 100 ريال للساعة
ودي أعرف أكثر بس للأسف محولي غيرها ,,,
وبالتوفيق لك ,,,,
بس أنصحك لاتفكر مجرد تفكر إنك تطلع من الديرة عشان تتكلم مع أجانب لأن لو رحت لأي ديرة بريطانيا إمريكا نيوزلندا استراليا ,,, أو غيرهم ,,, صدقني لو رفعت حصاة أو شت قوطي في الأرض طلع لك سعودي وقالك ديي

ThE PrOGraMmEr
ThE PrOGraMmEr
بس أنصحك لاتفكر مجرد تفكر إنك تطلع من الديرة عشان تتكلم مع أجانب لأن لو رحت لأي ديرة بريطانيا إمريكا نيوزلندا استراليا ,,, أو غيرهم ,,, صدقني لو رفعت حصاة أو شت قوطي في الأرض طلع لك سعودي وقالك ديي
^^
ههه فعلاً كلامك صحيح .. لكن مهوب معناه ان الواحد ما يطلع .. تقدر تطلع وتطنش ام السعوديين وما تكلّمهم .. او تشرط انهم ما يتكلّمون معك عربي .. انا حالياً في كندا .. وساكن معي سعودي .. وقبل ما يسكن معي قلت له البيت بيتك وحيّاك .. لكن كلمة وحدة بالعربي ما ابي اسمع ..
بالنسبة لإستفسارك اخوي .. والله المشكلة عندنا في السعودية .. ان لقيت مكان فيه احد يتكلم انجليزي .. غالباً بتلقاه من شرق آسيا .. يا فلبيني او هندي او غيرهم .. يعني ما تلقى احد لغته الأم انجليزي ..
فلذلك .. ما يحضرني صراحة مكان تقدر تروح له خصيصاً عشان تتكلم انجليزي ..
اتمنى فيه احد ممكن يفيدك ..

قبطان1
قبطان1
طيب الله يعطيكم العافية لكل اللي ردو
بس بصراحة احسها فكره تجارية ليه ا نسوي كذا مكان ونجيب فيه ناس يتكلمون انجلش
ونحط فيه كفي وكل شيء وترفيه وكل شيء فيه انجلش يعني كنك طالع براا
من يقط ؟؟

ابو اسيد
ابو اسيد
اخوي قبطان 1.............صراحة عجبتني فكرتك التجارية هذه ،،،و تكفى حللني وابحني اذا سويتها انا .
وبالتوفيق أخوي

غشيم من الرياض
غشيم من الرياض
رح لمطعم ستيك هاوس اللي على الدائري الشمالي خذ ام العيال وتعشوا هناك وسولف مع هالعماله لانهم مايتكلمون الا بالانجليزي فقط
خل ام العيال تتعشى وانت امسك لك عامل لمدة ربع ساعه وسولف معه ههه
الرياض منتب لاقي مكان غير المطاعم
تحياتي

معن @ الرياض
معن @ الرياض
اشترك بنادي رياضي يكون اغلب المشتركين فيه غير عرب ويتكلمون انجليزي
وخلك على تواصل معهم
وصدقني كثيرين يبي ينبسطون
بالتوفيق لك

شماريخ
شماريخ
قبطان ادخل في موقع ...
chat baby >>> وتلقى الامم هناك تتحدث الإنجليزية ... أنا خرجت منه بالتعرف على مكسيكي يعلمني الأسبانية وأعلمه
العربية.


خصم يصل إلى 25%