قموره
جوفي حبيبتي طلبج شوي مو متوفر
يعني مكان راقي ومافيه شرب وفي نفس الوقت كباين
الا اذا تبين تروحين قيصر !!
احسن انسب مكان لحالتج
او انج تزيدين البجت وتاخذين لج غرفه بالنوفوتيل وتطلبين عشى وتحطينه بالبلوكه الي تطل على البحر
وتقدرين تاخذين راحتج على كيف كيفج
انا في احد اعيادميلاد بعلي سويتها ووايد استانس يكفي تغيير الجو والتمشي الفير على البحر
يعني فلوس الهديه خليها في ليله كدا:8888: احسن خ
الهدايا ياطويله العمر
عندج عطر CK اليديد ريحته بارده وحلوة
بوك وتحصلين في نيكست وBHS وهالمحلات ابواك باسعار زينه
غتره جيفينشي
نعال او جوتي
قلم ماركه
كبكات تحصلين في الحواج وجيفينشي ومونت بلانك
طقم شور جل وافتر شيف في السيف في محل يبيع هالسوالف وكلها طبيعيه
وعندج ماركس اند سبنسر بعد عنده واسعاره زينه
اذا ميزانيه الهديه شوي عوده اخذيله موبايل
نظاره شمسيه اذا تعرفين ستايله
بجاما مع روب وملابس داخليه ونعال بيت
مسباح عند الحواج اشكال واحجام واسعار متفاوته
جوفي ميول ريلج شنو يعني انا مره شريت له مكينه براشر مالت تنظيف السيايير
مكينه حلاقه
ساعه
ميداليه حق سيارته
وان شاء الله تعدي ليلتكم على خير:wink:

حياج الله أختي ... وان شاء الله دوم مناسباتكم حلوة ...
والله اقتراحات الماسة جميلة وحلوة ... والمكان جدا صعب تحصلين كباين وكشخة ... قيصر هو الخيار المناسب .. بس ترى بعد فيه شراب .. لو انه مخشوش وما يبين ..
بضيف على اقتراحات ماستنا في الهدايا ... محل MASSIMO DUTTI عنده هدايا حلوة ... ساعات جلدية حلوة أو عطوره بعد حلوه .. ولو كان زوجج يلبس كاجوال مب ثوب وغترة ... هم عنده خيارات جدا جميلة ...
عندج في الحواج بعد بوتيك جيفنشي ... الغتر الي عنده وايد حلوين ويستانسون عليهم الرياييل ..
بوتيك غوتشي في العالي ... ميدالياته حلوة ... وأسعارهم مناسبة .. وتغليفهم للهدايا جدا حلو ...
هذي الي في بالي .... وإذا تذكرت شي .. بقول لج ..

قمر اللي تبينه المعادله الصعبه
انه اوافق الماسه .. حجزي بالنوفوتيل من باب التغير وفنفس الوقت بتكون هديه معتبره لأبو الشباب
وخلي الحجز قبل عيدميلاده بيوم عشان تحتفلون هناك الساعه 12 بالليل :8888:
وسعر النوفوتيل هاليومين بحدود 85 دينار وخبريهم انه يوم ميلاد زوجج وخل ينثرون الورود فالغرفه
يعني الغرفه بالعشا يمكن يكلفون كامل بحدود ال 120 أو اكثر بشوي
الماسه طلعتي مب هينه

الماسة السوداء
هلا حبيبتي ادري مابتقصرين كفايه موضوعج مال المطاعم ينني انا من زمان ادش المنتدى بس توني اطل عليه من صفحه 1 لي 9 باجر بكمل الباقي ان شاءالله
ماشاءالله عليج قلب طيب الله يوفقج يارب
المشكله في نوفوتيل جنا بنحجز عندهم حق ليله العرس يوم دخلنا كلش ماعجبه يقولي جنه شاليه
عقبه الييت سبا اند ريسورت افكر فيه لان في بوكنق مسوين عليه عرض مسوين السويت اللي فيه غرفه ب 70 دينار جني خلاص بستقر عليه
وعجبني باسكال مادري من كتب عنه لكن اعتقد ان فيه شرب لين درت على كافيهات العدليه ومطاعمها كلهم كلهم فيهم شراب
مريت اب & دون ستير بعد طلع فيه شراب مع اني كنت حاجزه حق عيد خطوبتنا اخر ساعتين تكنسل الحجز وكانوو مجهزين بس قلت ماقدر اروح
عقب دلتني رفيجتي على جيس وانا اعرفه من قبل بس ماحطيت في بالي ان هذا هوه اللي امر عليه
حجزت ورحت الا المكان مايبين من دخان الشيشه انصعقت وتفشلت من الفتى مالي وانا واعدته بمكان كشخه
يودت يده وطلعنا رحنا نيا اسيا كان توه فاتح حتى الطابق العلوي للحين مصكوك
كنت ماخذه وياي كيكه من سعد الدين شوكلت وعطيتهم ياه قلت لهم ايبونها عقب العشا
عاد كانت عوده والزحمه اخر الوقت كلش صارت خفيفه والستاف وايد حلويين قلت لهم يقطعون الكيكه ووزعون على الطاولات وياخذون البافي لهم
ويابو لنا قطعتين حطو عليها الشمعات
والاوادم استانسوو قام يطالعونا ههه انحرجت وعاد ماقصرت اللي توزع جنها قالت لهم القصه كلها
والا شوي ريلي طلع وياب الهديه مالتي من السياره وانا انحرجت لاني خليت هديته في البيت قلت لين رجعنا
المهم نرجع حق موضوعنا مع اني ادري وايد اهذر ههه
غتره جفشني خذت له من قبل
احزمه جلد بعد خذت
كبكات بعد خذت
البجاما والملابس الداخليه بعد خذت
قالت لي بنت خالتي عن قيصير بس ابي مكان كشخه اكثر
عطور وايد خذت
نعال خذت
من جذي انا محتاره بس الشي الوحيد اللي ماخذيت من قبل ساعه من جذي افكر فيها

الغالية
هلا الغاليه اسم على مسمى
انا ادري بنات البحرين كلهم طيبين ومايقصرون فديتكم والله بنات ديرتي
مشكله اهوه يلبس غتر بس ماخذه له ثلاث مرات غتر
بمر مودا مول في كل هالمحلات شرايج وبالمره بمر مجوهرات اسيا بجوف الساعات
وبعد بروح بوتيك غوتشي ان شاءالله وبجوف ان شاءالله احصل شي حلوو وادعلي لج

مزون البحرين
هلا حبيبتي مزون منوره الموضوع
والله حلوه فكرتكم كنت مفكره هلون من البدايه وحتى فكرت في فندق في كويت او دبي لان التذاكر كلش رخيصه هالايام قلت يومين نغير جوو بس ماعطوه اجازه الفتى
وهو حس ان قاعده اخطط ياني اليوم الا يقولي بنستانس هني مايحتاي نروح مكان بنطلع كل اسبوع اقوله نعم شنو عن شنو تتحجى

قموره
تذكرت هديه من الهدايا الي عطيتهم بعلي العزيز خ
مره حجزت له في الترز كارلتون في السبا مالهم حق بحج مساج وهالخرابيط وحد امه استانس عليه:8888:
بس ها وصيهم يكون ريال الي يشتغل عليه خ >>ويهي وانا ااكد على المراه اني ابي ريال ث
وعندج اليت سبا بعد مكانهم روعه وعندهم بكج حق الرياييل واكدي انج تبين ريال يشتغل عليه
خبيرتنا مزون
منو قالج اني هينه
دنا ام الدواهي خ من كثر الافكار الي طبقتها على الريل خلاص احسن مافي شي يديد ممكن يخطر على بالي
يعني لابغيتي افكار هالمره مالج الا السفيره عزيزه خ:8888:

الماسة السوداء
الله يخليج انتي وبعلج حق بعض طول العمر يارب ولا يصير ذره زعل
وان شاءالله يهديج الحب والساعده قولي آمين
فديتج ماسه فكرت في هالشي ومره يزعم اسالف عن سالفه وفتحت وياه هاي الموضوع
قالي انا ماحب احد يسوي مساج بس بعد يمكن لين راح هناك يغير رايه ويستانس
يعني همه عندهم كل شي منكير بدكير مساج جذي يعني اقصد اليت سبا
واسعارهم اشلون؟؟؟؟؟
وشرايج في الساعه اي ماركه اخذ ابي حلوه
و اخر شي شرايكم في كافيه باسكال؟؟؟

قموره تسلمين ياقلبي على دعوتج الحلوة
واليت سبا عندهم بكجات وايد واسعارهم تختلف على حسب البكج
او انج تمرينهم تاخذيت قائمه البكجات بالاسعار وا انج تدقين عليهم وتاخذين الاسعار منهم
يمكن تحصلين مساج مثلا بحدود ال25 او 35 دينار
وبالنسبه لي انا بعد بعلي ماكان يحب هالسوالف
بس كان تحت الامر الواقع لاني دزيت له مسج انه يبرز على ساعه معينه ويطلع عند الباب واول ماطلع كانت في ليموزين تنطره
خذته وعلى الرتز وطبعا انا متفقه مع الدرايفر يوصله لي السبا والباقي على موظفين الاستقبال هناك
فماكان عنده مفر غير خ وفي النهايه عجبه
الساعه ماقدر احددلج ساعه معينه على حسب البجت مالج
مثلا شروتي تحصلين في حدود ال150و100 و200 دينار عند مجوهرات اسيا
اما الباقي مايتجربون اسعارهم فوق
الامود اسعاره ارخص من الحواج حتى في نفس الموديلات
وباسكال المكان اينن بس اكله ماجربته وطبعا المكان مفتوح مافي كباين
وحياج الله