قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
papillon
16-12-2022 - 11:13 pm
صباح الخير على اعضاء وزوار البوابة العنابية
اليوم حبيت اشارككم ببعض الصور اللي التقطتها اثناء تواجدي في فندق جراند ريجنسي الدوحة نهاية شهر اغسطس 2008
واللي للأسف كان لمدة خمس ساعات فقط (ترانزيت)!!
وكان على حساب الخطوط القطرية
لما وصلنا مطار الدوحة وجدنا من ينتظرنا عشان يودينا الفندق اللي حجزته لنا الخطوط لمدة خمس ساعات اي حتى موعد طائرتنا القادمة (الصراحةكنا متخوفين من هالأوتيل ما ندري وش بيكون؟؟)
ولقينا سيارة بانتظارنا اخذتنا للأوتيل ولما وصلنا كان الموظفون باستقبالنا وكانو في غاية اللطافة والتهذيب
وعند الوصول
اترككم مع الصور
المدخل(من موقع الفندق)

اللوبي

الغرفة

وبالنسبة للإفطار كان غاية في الروعة
خصوصا واننا واصلين من اوربا ( فنادق خمس نجوم وفطورها الله يكرم النعمة:105
قاعة الإفطار كانت حلوة ومنظرها جميل والأطباق اشكال والوان والخدمة ممتازة
كان ودي اني مصورتها بس للأسف ما كانت معي الكاميرا
ولما خلصنا الفطور عالسريع طلعنا نريح في الغرف ووقت الرحلة اتصلو علينا الريسبشن وكانو مجهزين سيارة توصلنا للمطار
(على فكرة لاأحد يسألني وين موقعة لأني اصلا ما قعدت فيها من المطار للفندق للمطار وبس )
صراحة ما شبعت من الأوتيل لكن ان شاء الله الدوحة على قائمة الخطط المستقبلية
الى ذلك الحين اترككم في امان الله


رحلتي الى قطر
التعليقات (9)
qatar3333
qatar3333
الحمدالله على السلامه
وشكرا على التقرير المميز الصراحه والمفيد للبوابه العنابيه
وانشالله تنورين قطر في زيارتج الجايه
سؤال : وين كنتو مسافرين الغاليه عشان الترانزيت 5 ساعات
والله يعطيج العافيه على المجهود الطيب

qatar2007
qatar2007
الحمدلله على السلامة
واسعدنا تقريرك وان شاء الله تنور قطر فيكم

عيد824
عيد824
مشكورة اختي على التقرير
والف الحمدلله على السلامه

Alazraq
Alazraq
فندق جراند ريجنسي راقي و فخم و لا عليه كلام
لكن للأسف يعيبه موقعه الغير سياحي من وجهة نظري
و أتوقع لو الأخ صاحب الموضوع جرب يقيم فيه مده أطول بالمستقبل بيعرف قصدي
لكن لمسافرين الترانزيت يعتبر الفندق مثالي لهم للإستراحه ثم العوده للمطار

saleh q8
saleh q8
الصراحة خوش فندق بس موقعه موزين لاني انا بزور الدوحة ولما شفت سعرة تفاجات بانة ارخص فندق خمس نجوم بالكويتي عندنا سعر 75 دينار يعني تقريبا في الريال القطري 970 ريال

Alazraq
Alazraq
saleh q8
فندق سوق واقف في سوق واقف نفسه يعني تنزل مشي تتسوق و فيه أحلى مطاعم و كافيهات الدوحه و قريب من الكورنيش
كل هذا ب ريال بالليله و يعتبر موقعه أفضل من مواقع جميع فنادق قطر بالنسبه للسائح
أما الباحث عن الهدوء و الراحه و الإستجمام أرشح له منتجع شرق أو الريتز كارلتون
أما جراند ريجينسي للأسف موقعه لا هو سياحي ولا هو هادئ

papillon
papillon
qatar3333
حياك الله اخوي الله يسلمك
قطر منورة بأهلها
بالنسبة لسؤالك احنا كنا رايحين لندن
والف شكر على مرورك نور الموضوع

papillon
papillon
qatar2007
الله يسلمك يالغالية ويعافيك
انا اللي اسعد بتواجدك
قطر منورة بأهلها الطيبين

papillon
papillon
عيد824
الله يسلمك
الشكر لكم


خصم يصل إلى 25%