بانكوك المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Doha Land
29-10-2022 - 11:22 am
السلام عليكم ورحمة الله وبركاته
مجمع ( M B K )
اسم مر على جميع سياح بانكوك ..
بالفعل مجمع رائع ..
يحتوي على 7 طوابق مليانه بالكامل .. محلات متنوعه و متخصصه ..
1- ملابس
2- حرف يدوية وفنيه .
3- منتوجات الأثاث الراقي طابق كامل .
4- مطاعم متنوعه وكثيرة جدا .
5- ألعاب متنوعه .
6- صالات سينما راقيه جدا
7- محلات علاج طبيعي ( مساج ) .
8- أدوات تجميل و عطور .
9- ساعات متنوعه وشبابيه .
0- منتوجات كهربائية متنوعه ( جوال + تلفزيونات + مسجلات ) الخ ..
1- صالة بولينغ كبيرة .
2- عدة سوبر ماركات ضخمه .
13- محلات ادوات رياضية وملابس .
4- محلات بيع CD العاب + برامج + أغاني الخ .. ( كوبي و أصلي ) .
والكثير .. أترككم تشاهدون بعض الصور لهذا المجمع التجاري المشهور .


التعليقات (9)
Doha Land
Doha Land
على فكرة اسم المجمع MBK وهذا اختصار لأسم المجمع وهو
قولوا معاي :: ماه بون كرونغ
زورا موقع المجمع على الانترنت
http://www.mbk-center.com
قولوا معاي :: ماه بون كرونغ

saya ganteng
saya ganteng
والله وبلا مبالغة إذا وجدت لك موضوع جديد استانس وأفتحه مباشرة .
أنت شعلة ما شاء الله عليك ووجودك بالساحة أثرى الساحة بشكل رهيب وملفت للنظر
معك عرفنا ماهي تايلند .
شكراً ولك مني التحية وننتظر المزيد .

Doha Land
Doha Land
اشكرك اخوي saya ganting
وبصراحه اخجلتني ..
مستوى منتديات المسافرون العرب أكثر من رائع فالمعلومات قيمه جداً لكل مسافر ولكل الدول السياحية ..
ووجودكم معانا وتشجيعكم يخلي اي عضو هنا يطرح اي فكرة و اي موضوع سياحي بكل سهوله ..
والحمدلله رب العالمين ...
والله يحفظنا في حلنا و ترحالنا ..
شكراً لك مره اخرى يا saya ganting

عاشق اندونيسيا
عاشق اندونيسيا
الف شكر لك اخوىAl Pacino
ويعطيك الف عافيه على المعلومات القيمة
واقول معاك ماه بون كرونغ

Doha Land
Doha Land
العفو اخوي عاشق اندونيسيا
وان شاء الله استنانست بالمجمع
ماه بون كرونغ

الباحثة
الباحثة

فعلا أخوي Al Pacino هالمجمع ديره و ما يخلص انا السنة الي فاتت رحت له و ما قدرت اخلصه كله قلت يمكن لأني ساكنه بفندق بعيد شوي ..
وهالسنه قعدت بفندق باتوم وان برنسيس الي نقدر ندخل من لوبيه على السوق مباشره و ما احتجنا لا تكسي ولا تعب قلنا على الاقل نوفر قيمة التاكسي للمشتري و يمكن بعد نقدر نبد عليه لكن نفس الشي ما قدرت اخلصه خصوصا انه اغلب محلاتهم يسكرون مبجر ,, لا و المره الي فاتت رحت اكثر من سوق لكن هالمره ما طلعت من هالسوق غير يوم واحد وعساني ..
تحياتي ........

Moyen Orient
Moyen Orient
نبي موضوع مستقل منج يالباحثة . عن أهم فنادق تايلند وفوكيت .
وهل سكنتوا في فندق أماري وترجيت ؟!؟؟
وأيش رايج ؟

Doha Land
Doha Land
صدقتي اختي الباحثة ..
هالمجمع روعه .. وفيه كل ماتبحثين | الباحثة .. تبحث
|نفس ماذكرتي .. ارتحنا من التكاسي و المشاوير ..
بعد الفطور عادة نتسوق في هالمجمع ونشتري هدايانا منه ..
وعندج الطابق السابع فيه كل المطاعم السريعه ..
وفيه جمعيتين للاغذية .. طوكيو + فود لاند اعتقد .. تحت ..
تعالي .. دخلتوا المطعم الياباني ؟
اللي فيه الأكل يدور على قوارب صغيرة والناس جالسين ينتقون الاكل .. او ينتظرون وجبتهم
الصراحه وايد حلو .. وفعلا تحسين انج غيرتي رويتن المطاعم كلها ..
الكلام عن تايلاند مايخلص
سلام

الباحثة
الباحثة
  1. بس بحاول ان شاء الله أحط الموضوع بأقرب وقت .


إبشر أخوي بو محمد لكن تدري الموضوع يبي قصه والقصه تبي صور وحنا سالفتنا سالفه مع هالصور يا السكنر يبي تعريف يا الوقت مو محصلينه .

بس بحاول ان شاء الله أحط الموضوع بأقرب وقت .

وبالنسبة لفندق أماري ووترجيت للأسف ما لقينا فيه حجز ظلينا يومين نحاول لكن قدر الله وما شاء فعل والله سهل لنا الحجز بفندق باتوموان و الظاهر كل مره إذا وصلت بانكوك بنزل فيه تري مو علشانه لكن علشان قربه من mbk وطوكيو سنتر .
أخوي Al Pacino فعلا فندق باتوموان برنسيس أربع نجوم وبيني وبينك ما عجبني مستوي الغرف كلش تحلطمت ليما قلت بس و زعلت و صارت قصه لانه من عقب منتجع لوماريوت في بوكيت ومستواه و هذاك السويت السنع لهالغرف فحسيت بفرق حيل كبير .. لكن الي سكتني بعدين هو سالفه قربه من سوق mbk وهذي اعتبرها ميزه له لا يستهان بها ابدا ..
والي لاحظته على تايلند هالمره انهم صاروا يعرفون سالفة الأكل الحلال و الاسلاميك فود بزياده ( الظاهر بسبب 11 سبتمبر حتي أكلنا عرفوه نظام خوف الظاهر ) يعني السوبر ماركت و البياعين والمطاعم صاروا يفهمون بهالسالفه ,, فبداية من مطعم المنتجع في بوكيت و الطباخه الي كانت تجهز البيض على بوفيه الفطور كانت ولله الحمد مسلمه والمسكينه خذت ايدي وقامت تقولي هذا اكليه وهذا لا حتي مقلاة البيض سوت لي الاومليت بمقلاة منفصله جزاها الله خير ... :rolleyes:
وايضا المطعم الموجود على حمام السباحه لما تعشينا فيه ايضا كان هناك عمال مسلمون وهم ما قصروا صج كان كل اكلنا سي فود بس السلطات و الحلو كان لازم نسال عن محتواها علما بأن بوكيت نسبة المسلمين فيها كبيره والأكل الحلال تلقاه بكل سهوله ..
وكذلك بمجمع mbk فتناولنا غدانا بمطعم بيتزا الموجود في الدور السابع على ما اعتقد .. وكان رئيس الجرسونيه مسلم وهو الي ارشدنا للأكل جزاه الله خير يعني هالمره وايد فرق عن العام الماضي لما سكنا بفندق سنشري الي ما ارتحنا للأكل فيه ولا كان يمنا محل نقدر نشتري منه فزرعت بطونا من الجبن والتوست والزيتون الي كنت ماخذته معاي من الديره .
و هالشي ينطبق على سوبر ماركت طوكيو ,, وفود لاند على الاقل شفنا كلمة حلال على بعض الاكل و الكاكاو والالبان والاجبان و الخبز و هالشي ريحنا نفسيا .
واحلي شي آخر يوم مرينا على الركن الي بفود لاند جهة الي يبيعون الربيان ووصيناهم يجهزون لنا ربيان مسلوق ورجعنا لهم مره ثانيه أخذناه للغدا وطحناله هذا غير العشا الي هم كان اكلات بحريه يعني رجعنا من تايلند وكمية اليود والاشعاع بعيونا يمكن أخطر من إشعاع تشرنوبل تسع أيام أكل بحري غدا وعشا ( يعني الي يحب السي فود خل يحتر ) .
لكن الظاهر الي طافني هو هالمطعم الياباني بس ما عليه ملحوقه ان شاء الله عطني اسمه وموقعه و ما رح أخليه بخاطري الظاهر فيه روحه ثانيه وجريبه إذا كنا من الحيين على شهر يناير ..
تحياتي ............


خصم يصل إلى 25%