بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



wszwsz wszwsz
كم المسافه بين الرياض ومكه + ماهو أفضل محل تأجير سيارات من ناحيه سلامه وأمان السيارات
16-12-2014 - 04:13 pm

السلام عليكم ..

يعطيكم العافيه ياأخوان ...


أنا بإذن الله ..

راح أجي للرياض وأسكن فيها يومين ..

ثم راح أتوجه لمكه بإذن الله مع الوالده ..


وانا راح أستأجر سياره من الرياض علشان أروح فيها لمكه ..


قالولي عن مجمع تأجير السيارات في طريق الملك عبدالعزيز عند القاعده الجويه .. انا مايهمني آخذ السياره من هذا المجمع أو أي مكان آخر ..

المهم عندي ..

هو أن يكون محل تأجير السيارات معروف بأن سياراته ممتازه للسفر وتكون مريحه وآمنه ..

يعني تعرفون .. مالها داعي لاسمح الله يخرب علي شي في الطريق وأبتلش بالسياره صراحه ..



لذلك ياليت اللي سبق وجرب محل معين سيارته سليمه وممتازه لخطوط السفر يعطيني خبر ..


وبخصوص السياره ياليت مايكون سعرها غالي ..

بس بنفس الوقت تكون سياره كويسه للسفر ..

في ناس قالوا لي خذ كابرس أو لومينا لأنها كويسه بالخطوط ..

مااأدري وش رأيكم ..


انا يهمني تكون مقاعدها مريحه لأن الوالده الله يبعد عنكم الشر .. عندها مشكله بالظهر ..




---------------


هذا شي ..

والشي الثاني الله يعافيكم ..

أبغى أعرف كم المسافه بين الرياض ومكه ؟
وكم ساعه تقريباً ؟


وماهو أفضل وقت للسفر إلى مكه .. هل هو الصباح أم المساء أو العصر ؟





--------

ويقولي واحد من الشباب ..

بأن بالطريق بين مكه والرياض فيه (مقطعه)
يعني مسافه طويله لايوجد فيها محطات بنزين ..

وحذرني بأني لازم أخذ حذري وأعبي بنزين بإستمرار ..

سؤالي .. هو وين تبدأ هذي المقطعه .. بعد كم كيلو تقريبا ..





ومشكورين وأعتذر عن الاطاله





المشاركات

wszwsz wszwsz
كم المسافه بين الرياض ومكه + ماهو أفضل محل تأجير سيارات من ناحيه سلامه وأمان السيارات


طبعاً للمعلوميه ياأخوان ..

انا راح أرجع للرياض من جديد ..


يعني راح أمسك بالرجعه أيضاً الطريق .. من مكه الى الرياض


سمسم1 سمسم1
كم المسافه بين الرياض ومكه + ماهو أفضل محل تأجير سيارات من ناحيه سلامه وأمان السيارات


حياك الله أخوي

اللي أقدر أفيدك فيه هو ان المسافة 989كلم تقريباَ
السيارة المريحة ومجربها للسفر هي الفورد :24:
بلا منازع حاول أن السيارة التي تستأجرها تكون عامل المكتب
لها تأمين بحيث لا قدر الله يحصل للسيارة شيء لا تتحمله
وللأسف ما أعرف الطريق


إيـاد إيـاد
كم المسافه بين الرياض ومكه + ماهو أفضل محل تأجير سيارات من ناحيه سلامه وأمان السيارات


المسافة بين الرياض و مكة تقريباً 900 كم والطريق مريح ومتوفر فيه المحطات بكثرة

أما بالنسبة لتأجير السيارات فأنصحك بالفورد أو الكابريس وخذ آخر موديل لأنه أظمن لك وجميع المكاتب واحدة ما فيه أي إختلاف إلا بالسعر ولكن مر أكثر من مكتب وخذ السيارة الأرخص واللي ما يقل موديلها عن 2008 وأنا أنصحك بذيب أو بدجت ولكنها أغلى نوعاً ما .. أما بالنسبة لوقت السفر فأنا أفضل السفر بعد الغداء دائماً الساعة 2 ظهراً في الشتاء طبعاً لكي أدرك أول الليل بسفري والسفر بالليل يطوي الطريق كما ورد عن النبي صلى الله عليه وسلم


أتمنى لك التوفيق يالغالي وتقبل الله منا ومنك صالح الأعمال

ولا تنسونا من صالح دعائكم و للطفلة المفقودة إبتهال أن يردها الله سالمة ,,,,,,,,,,


wszwsz wszwsz
كم المسافه بين الرياض ومكه + ماهو أفضل محل تأجير سيارات من ناحيه سلامه وأمان السيارات


الله يعطيكم العافيه ياأخوان ... والله ماقصرتوا ..


----

وياليت اللي عنده خبر عن سؤالي بخصوص المنطقه اللي بخط الرياض مكه وينقطع عنها لمسافه 300 كيلو المحطات ..




وبخصوص السياره .. كم أسعار السيارات تقريباً الأن بالرياض ؟
والوالده الله يبعد عنكم الشر عندها مشاكل بالظهر .. فأيش السياره اللي مقاعدها مريحه ؟


wszwsz wszwsz
كم المسافه بين الرياض ومكه + ماهو أفضل محل تأجير سيارات من ناحيه سلامه وأمان السيارات


هل من مجيب ؟!!


نسيت اسمي نسيت اسمي
كم المسافه بين الرياض ومكه + ماهو أفضل محل تأجير سيارات من ناحيه سلامه وأمان السيارات


المشاركة الأصلية كتبت بواسطة wszwsz
هل من مجيب ؟!!
اخوي الطريق انا سافرت معه اكثر من مره ولا اذكر انه واجهتني مشكله البنزين رغم اني سافرت بسيارات مختلفه عموما الطريق فيه محطات ويمر عبر بلدات كثيره بدايه بالمزاحميه والقويعيه والرويضة وظلم والمويه ورضوان حتى الطائف ثم مكة وكلها فيها محطات وخدمات...ابد الموضوع مايستاهل الخوف انا اذكر سافرت باهلي وانا صغير عمري 16 سنه معي تصريح وقتها وابوي كان بسياره ثانيه وانا بسياره وكنا متفرقين بعد والحمد لله مافيه مشاكل.

الله يوفقنا واياك.


hajjis hajjis
كم المسافه بين الرياض ومكه + ماهو أفضل محل تأجير سيارات من ناحيه سلامه وأمان السيارات


أفضل شركة لتأجير السيارات في السعودية

بدجت

و لها فروع في كل أنحاء السعودية


yatareem yatareem
كم المسافه بين الرياض ومكه + ماهو أفضل محل تأجير سيارات من ناحيه سلامه وأمان السيارات


انا اخدت سيارة 2008
من مطار الرياض
بس شباب الرياض يموتون في التفحيط

فأنفقع علي الكفر الممسوح بعد 24 ساعة من الإجار

أهم شي شوف الكفرات جديدة
والموديل
2009
لا تاخد 2008

لا يصير لك مثلي


الشي الثاني
خليك في الفورد ولا الكابريس
أريح للوالدة
الله يرزقها برك
ويرزقك رضاها

امين


المملوح المملوح
كم المسافه بين الرياض ومكه + ماهو أفضل محل تأجير سيارات من ناحيه سلامه وأمان السيارات


المسافة من لارياض لمكة 870 كم



يمكنك فتح موضوع جديد للمناقشة او الاستفسار والمشاركة.


Share

كم المسافه بين الرياض ومكه + ماهو أفضل محل تأجير سيارات من ناحيه سلامه وأمان السيارات