- المتحف بيفتح من الساعه 9 صباحا الي الساعه 2 ظهرا ..
زيارتي لمتحف الشمع Wax Museum 2009 القاهرة (بالصور)
السلام عليكم ورحمة الله وبركاته
اليوم سأدرج لكم تقرير زيارتي لمتحف الشمع ..
متحف الشمع يوجد في حلوان وبالتحديد في عين حلوان ..... وحلوان هى محافطة بمدينة القاهرة
وطبعا انا كاتب في العنوان القاهرة لان كل المناطق دية بتسمي القاهرة الكبري وانا سبق وشرحت هذا الموضوع ...
المتحف بيفتح من الساعه 9 صباحا الي الساعه 2 ظهرا ..
كان زيارتي للمتحف الحقيقه علي سبيل الصدفه ولكن سمعت مره عنه , انا الحقيقه ساكن بعيد جدا عن منطقة عين حلوان .. انا من سكان مدينة نصر يعني تقريبا 35 دقيقه من مدينة نصر لعين حلوان , ولكن كنت بشتري من حلوان حاجة وبالصدفة شوفت المتحف وقولت يلا نزورة بالمرة وكان صدفه ايضا كان زيارتي هي اليوم علي فكرة يعني التقرير طازه جدا وتفاجئت عند وصولي المتحف ان يوم الاثنين مجاني قولت يلا كويس ...
المتحف بيحتوي علي نماذج من الشمع و الحقيقه اعجبني الديكور بالداخل حسيت نفسي ايام زمان سعد زغلول هههههه وفتوة الحارة ...
نبدء الجزء المصور ..
ده بوابة المتحف ..
سئلت علي التذاكر وقالو لي ان اليوم الاثنين قولتلهم يعني اية يوم الاثنين قالي ببلاش الدخول ..
صور من حديقة المتحف وانا متجه لداخل المتحف ...
لقيت لوحة بتقول ان التصوير ممنوع سئلت المرشد السياحي قالي صور اوكية ولكن بلاش فلاش قولتله اوكية مفيش مشاكل ...
وكان كل 10 دقايق لجزء من الناس ياخدهم مرشد ويدخل بيهم المتحف عشان يشرح ولكن
وهنا بدء المرشد يشرح ولكن لضيق وقتي قررت الذهاب في الاتجاه المعاكس مش مع الجروب .. والتمشي في المتحف لوحدي ...
سأتركمم مع صور من داخل المتحف ..
ليالي رمضان وما اجمل رمضان في مصر .. حالو يا حالو ههه
شوفو المعلمين والشيشية بالمصري ( الارجيلة )
وده كتاب القرية يعني المدرسة زمان ...
القرية المصرية القديمة
حقل الفلاح ..
حادثة دنشواي ...
مقتل كليبر ...
هنا مجسم لكيلوبترا وهي بتنتحر
وخرجت من المتحف والحقيقه هو معقول جدا لتمضية وقت سريع فيه .... ولكن ينقصة قليل من الاهتمام
وهنا بالحديقة متجة للبوابة مرة اخري ..
هنا انتهي تقريري عن مكان جديد اتمني يعجبكم .. واعتقد ان من اوائل التقارير عن المتحف في النت ..
انتظرو مني المزيد والمزيد دائما ان شاء الله
كلمة مبدع قليلة جداً عليك ...
نتطلع دوماً إلى مزيد من الإبداع والرقي وإلى الأمام ...