مكة المكرمة المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ام محمد2010
16-12-2022 - 10:13 am
السلام عليكم ورحمة الله وبركاته
حبيباتي الأمهات الآتي ذهبن لأداء العمرة،،، سبق لي للذهاب لأداء العمرة حولي 8 مرات لكن أيام ماكنت آنسة
هذي أول مرة أنوي الذهاب مع الأطفال وبصراحة آنا مب متخيلة الوضع مع طفلي ذو ال 9شهور والكبار 5 و6 سنوات... بيتمللون في الفندق
ايش برنامجكم الي تتبعونه بحيث مايتمللون اليهال؟؟؟
الله يجزاكم خير


التعليقات (9)
ام محمد2010
ام محمد2010
ام محمد2010
وين الأمهات الحبيبات؟

طاير2
طاير2
يعطيك العافيه اختي ام محمد على هالموضوع الحلو
صراحه جى في وقته ..
انا ان شاء الله ناوي السبت على العمره يومين ومعاي اطفالي وخاطري اعرف البرنامج عشان ما يتمللون اليهال
الحين احاتي الطياره ! اول مره يركبون طياره مادري شبيسوون فيني
اعمارهم ( 9 شهور + 3 سنوات + 7 سنوات )
انا افكر اول ما اوصل ان شاء الله
يوم اجيب لهم العاب ينشغلون فيها ويوم اجيب لهم كراسات ودفاتر تلوين واذا فيه العاب في فندق جراند اوديهم ايغيرون جو ..والشغاله بتكون وياهم ان شاء الله ..
وانتظر معاك رد من لديه خبره

غامدي من حائل
غامدي من حائل
انا عادة اروح مع اخوي و اهله (جدة,مكة,المدينه) بالنسبة للاطفال نجيب لهم دفاتر تلوين او العاب او يخرجون معاي نشم هواء , اعمارهم(7سنوات,5,سنوات,3سنوات)

نسيم الشرق
نسيم الشرق
اذا ما تقدرون تخلونهم عند احد الاقارب او ما عندكم خادمة تجلس معاهم في الفندق
خليهم معاكم على طول والله يعينكم عليهم
بس نصيحة لوجه الله لا تغفل عينك عنهم لحظة واحذري من عصابات خطف الأطفال الموجودة حول الحرم
تحياتي

ام محمد2010
ام محمد2010
الله يجزاكم خير على المشاركة ورفع روحي المعنوية
بالنسبة للكبار شالين عمرهم... شوي تلوين وشوي جيم بوي وشوي تمشي مافيه مشاكل انا مجربتهم في السفر في بلدان ثانية،،، لكن المشكلة انا عمري ماسافرت مع بيبي 9 شهور،،، دايما ابتدي سفر معاهم من عمر سنتين أشوف هالعمر مناسب للطياره ويفهمون وحالهم من حالنا مالهم معاملة خاصة أو معدات خاصة مثل الطفل الرضيع.
بالنسبة لفندق قراند وين مكانه؟؟؟ وهل صحيح فيه ألعاب لليهال؟
غير جذي مافيه مكان نوديهم له يستانسون بين فترة صلاة الظهر والعصر وبعدين نرجع نلحق على صلاة العصر؟
وهل صحيح بأن الطفل الرضيع يلقط أمراض ومب زين نطلعه من الفندق؟
الله يجزاكم خير وإن شاءالله نعتمر ونرجع بلادنا بسلام

الواحه الخضراء
الواحه الخضراء
والله اللي عمره 9 شهور
اذا قدرت تخلينه ترى افضل
لك وله

كبرياء امرأة
كبرياء امرأة
مثل ماقالوا الاخوات
اقلام تلوين ورسومات وبعض الالعاب الثانية
بعد العشاء طلعي معهم في مجمع ابراج البيت وجلسي معاهم في المطاعم
علشان تغيرون جو

المراسم الملكية 1
المراسم الملكية 1
انا مااقول إلا انتبهوا لهم بقد ماتقدرون

ام محمد2010
ام محمد2010
شكرا لكل من شارك في الموضوع.
إن شاءالله إذا الله كتب ورحنا،،، باقول لكم شصار معانا وشلون كانت الرحلة.
الصغير تعبان وإن شاءالله الله يشافيه ويعافيه قبل موعد السفر.
شكرا مره ثانية.


خصم يصل إلى 25%