بسم الله الرحمن الرحيم
الحمد لله رب العالمين والصلاة والسلام على اشرف الانبيا والمرسلين سيدنا محمد عليه
أفضل الصلاة وأتم التسليم وبعد,,,,,,,,,,
أولاً:- أسأل الله العظيم رب العرش الكريم أن ينصر إخواننا المسلمين في فلسطين
وأن يكسي عاريهم وأن يطعم جائعهم ويتقبل شهدائهم اللهم آآآآميين..........
ياجماعة أنا والله عارف انكم مادخلتوا على هالموضوع الا تبون تستانسون
وتتذكرون الايام والليالي الجميلة اللتي قضيتوها في الشام
عسى الله يعيدها عليكم بالفرح والسرور****""
لكن وانا جالس قدام الكمبيوتر والشاي على الطاولة والمكيف شغال على الحار
تذكرت إخواننا الفلسطينيين قلت ندعي لهم عسى الله يتقبل منا ومنكم ...... آميين
ثانياً :- قبل أن ابدأ بكتابة هذا الموضوع أتوجه بالشكر الموصول لكل مشرف
وعضو من افراد هذا المنتدى الشيق والمفيد جداً والجميل على المعلومات المفيدة
التي تطرح بشكل مستمر في هذا المنتدى فقد ساهمت بشكل كبير في إمتاعنا
في هذة الرحلة وتوفير الكثير من السؤال فكل ما كنَا نحتاجة وما لم نحتاجة
وجدناة في دليلنا السياحي منتدى "العرب المسافرون"
والآن مع تفاصيل الرحلة
في يوم الاربعاء الموافق 13/ 4 / 1429ه الساعة التاسعة صباحاً توجهنا بحفظ
من الله على مدينة القصيم وذالك بعد الذهاب للمطار وإستقبال وزير المالية
والمرشد السياحي والثقافي للرحلة ونحن كلن من :-
1- ابو عبدإلالة السوبر فايزر الكابتن للمركبة البريه من نوع ( GMC) و المتحدث
الرسمي بسم الرحله في المنافذ والمشرف العام على إختيار السكن لأفراد الرحله
والمنبة المقلق جداً لإيقاظ افراد الرحلة من النوم والمشرف الاول على أكل افراد
الرحلة ,,,,,,,,,,,,
2- ابو عبدالله وزير المالية والمرشد السياحي والثقافي للرحلة والمشرف الثاني
على أكل افراد الرحلةو نائب المشرف العام لإختيار السكن والمنبة الاحتياطي
لأفراد الرحلة لو كان المنبة المقلق على الصامت او شي يشتغل هذا المنبة
تلقائياً والله ماتعدي الساعة السابعة الا وأنت صاحي
3- ابو خالد وهو ( الشعب ) وفي اثنا الرحلة قدر الله علية وكلف
بمهمتين صغيرتين :-

• التصوير بالديجيتال والفديو والله ولا ستديو ياشيخ --و المكروف الرسمي للرحلة

انزل جب رح جب تعال خذ وهلم جرة - لا اما هذي فمالكم كلام والمتذوق الرسمي
للأكل وذالك للخبرة الطويلة في مجال الاكل والعزوبية والوزن اكبر شاهد على
ذالك,,,,
طبعاً أنا أطلقت علي أسم الشعب لسببين هما:-
1- أنني محمول مكفول في هذه الرحلة بيض الله وجه الشباب والله لايحرمنا منهم
فالشباب تكفلوا بتكاليف الرحلة كاملة وفي منتصف الطريق دعمت ميزانية الرحلة
ب5000الف من الاخ ابو عبدالإله بيض الله وجهة فأولاً الأخ ابو عبدالله يعتبر
ضيف علينا في الرياض وأنا الأخ الصغير لأبو عبدالإله فهذه اسباب دعمة للرحلة
عسى الله يكثر خيرة ومن يقرأ ان شاءالله
2- العالم الي في المرتبة الاولى وزراء ومسؤلين وكبار سن
أجل من ذا الوزراء بيأمرون علية ومن يكلفون بالمهام ......
المهم مالكم في الطويلة ,,,,,,
طلعنا من الرياض باتجاة القصيم والجو كان راييق جداً والنفسية مرتاحة على الاخر
ولله الحمد

طبعاً البال رايق والأحاسيس هياج عقب ثلاثة اشهر من التعب ومن ظغوط العمل
ومن ظغوط البزارين وكثر طلباتهم ومن كثر مراجعات هل الوزارات تخيل لو
تصحى الصباح تروح الدوام الى الساعة الثانية عشر ثم مطارد ورى هالمعاملات
من بلدية الى امانة الى كتابة عدل الى عمل في العصر الى الساعة التاسعة مساءً
ثم تروح البيت تكفى فيه أغراض ناقصة من البقالة والا نبي السوق ولا تكفى يايبه
ابي المكتبة يعني الساعه 11 مساءً ماترتاح الا وراسك بيتفجر طيب كل هل الاشياء
تاركها وراك وعندك عشرة ايام استجمام بالله وش شعورك انا كتبت هذا الكلام كلة
من اجل ابين لك الشعور الداخلي اللي في بال كل واحد منَا طبعاً ياشباب الجو كان
غائم كلي والساعه التاسعة والنصف ورايح على الشام آآآآآآآه ياسلام بس عسى
الله يحفظنا في هالرحلة والله العالم يقولون الاوضاع في سوريا متوترة والقمة لم
يحضرها عدد كبير من الرئساء المقامة طبعا ً في سوريا فلذالك الشعب السوري
زعلان وهناك نوع من المضايقات للأخوة الخليجيين طبعاً تذكرون الاشاعات
اللي جات العام الماضي(((( ليت كل المضايقات ياجماعةمن هالنوع احلى استقبال واحلا
احترام واحلا تقدير)))) ونعم والله بالشعب السوري,,,,,,,,,,,,,
المهم ياجماعه قلنا الجو غائم واحلى جو وحنا ماشيين بدأت السماء تمطر
والجو يحلَو اكثر والله أول ماخطر في بالنا قول الشاعر:-
أول تباشير السعد شوف الامطار ******* في ديرة إرجال الوفا والحمية
شوف المطر والغيم والسيل حدار******* والعشب نابت والورود العذية
قال:- الكابتن ابو عبدالالة ابشروا بالخير يالربع هذا المطر فال خير إن شاء الله....
ان شاء اللة رحلتنا هذي اللي بدايتها مطر انها رح تكون مميزة
حنا الاثنين :- ان شاء الله
اترككم الان مع صور المطر

طبعاً هذه نزلت الغاط منظر رائع جداً وقت المطر

طبعاً واصلنا مع هالطريق الممتع وسالفة ورى سالفة وطبعاً الكابتن ماسك الطارة
صح وعلى 160 مثبت السرعه والدليل الثقافي يحكي لنا عن بعض عادات أهل
القصيم وبعض المواقف الجميلة لأهله والله (وش من الأرانب) عند هذا المثقف

المهم طلعنا من القصيم الساعة 12والنصف بعد الوقوف عند هاك المجمع وتزويد
المركبة بالوقود واخذ بعض الاغراض والقيام بالصلاة جمعاً وقصراً للظهر
و العصر عسى الله يتقبل
واصلنا السير بأتجاة حائل ولا تهون فيروز فلقد كان لها نصيب من المشاركه في
قطع الطريق والتشويق الحار للدَيار السوريه المهم دخلنا حائل دار الكرم والجود
الساعة الثانية والنصف ظهراً يقول الشاعر :-
دام اتجاهك شمال اودعك حاجة********سلم على حايل وسلم على شمر
قدامك الخافق اللي ينشد علاجة********كنة معلق على برزان ومسمر
طبعاً حنا الان في سوق حايل نبي نشتري تمر لصديق لنا في تركيا

وبعد ذالك طلعنا من حايل بتجاة الجوف ويابعد قلبي على الطريق والابلاش

ثم مواصلتاً على طريق الجوف القريات وعسى الله يعين على هالطريق

المهم وصلنا القريات الساعة 9 مساءً تعشينا وبعدين لف على هالفنادق دور
ولف ودور والله ولا فندق زين ولا شقق طيب ياشباب وش رايكم ندخل الاردن
وننام في عمَان لاوالله نبي ندخل الاردن الصباح ونستمتع بشوفة هالبدو ورى غنمهم
وخضيَرهم ونشوف بيوت الشعر والبدو الاردنيين فما أجمل ان ترى بيت الشعر
والغنم قدامة سارحة وهذاك الذلول بارك قدام بيت الشعر والخيل واقف قدام بيت
الشعر والجو صباحي وهذيك البنيَة تهز الحليب لابسه المعصم على الراس
وآآآآآآآآآآآآآآآآآآآه وبس ,,,,,,,,,,,,,,,,,,
والله بروسكم المهم قررنا إننا ننام في القريات,,,,,,,,,,
والله لقينا هالشقة والله ونمنا احلى نومه من حنا طبعا الشعب ليه على قد حالنا
نرضا بالقليل بس المسؤلين والله ماجاهم النوم ابشركم المهم
الساعة 4 صباحاً اشتغل المنبة المقلق
يالله ياشباب الصلاة الصلاة لحظات الا والمنبة الاحتياطي شغال يالله يانايم
اصحى يالله ياحسين قم وتسبح وحنا في السيارة نستناك................
وهو طالع بأعلى صوت
لاتنسى مفتاح الشقة نزلة معك وسلمة الرسبشن ,,,,,,انا....يالله يالله جايكم
تسبحنا ونزلنا على الشباب الا وهم مثل الذياب في السيارة جالسين ينتظرون
وكل واحد قاعد يقرا اذكار الصباح ويذكر الله تخيلو الساعة 4والنصف
تو الليل باقي وتوة اذن الفجر الحدود الاردنية الهاشمية 25كيلو
الله ماأجمل قومت الصبح ياجماعة والله العظيم انها من الاشياء اللي
تحلي لك السفرية ياشيخ تو الصبح بيطلع والليل بدأ ينجلي آآآآآآآآآه ما احلى الجو
أبو عبدالالة يقول:- يابوعبدالله عسى نمت كويس
ابو عبدالله :- لاوالله ياشيخ والله مآآش القريات مافيها شقق او فنادق نضيفة
ابو عبدالاله :- والله ياشباب اني ما نمت مرة بس جالس على هالفراش من البارح
لكن الليله ان شاء الله احلى نومة .......
المهم وحنا ماشين لقينا هالمحطة وقفنا نصلي الفجر وعندها لقينا
اهل التكاسي اللي يوَصلون للشام طبعا منظر
جميل كدلك موديل 5 للهجرة والدز موبين موديل 10 وكابرس موديل 1ونص
واللون اصفر والسوَاق الشنب يوِصل الاذن ولونة ابيض شايب عسى الله حسن
الخاتمه والشماغ فلسطيني والعقال عرض 2بوصة وفي المسجل اغنية ميَل
عقالة ولد شمر ماجمَع الالف والميَة ..............
والله ياشباب ياعليهم اشكال حلوة وما ودك تشل نظرك منهم ,عسى الله يوفقهم
ويرزقهم ان شاء الله هنا:::::-----------
انته ت الحلقة الاولى
نواصل وندخل الاردن ان شاء الله في الحلقة الثانية
################################################## ###########################