السلام عليكم
6مشاهد ولا مشاركة وحدة لا سلام و لا كلام
نرجو ان يكون السؤال خفيف على احبابنا في عمان

30 مشاهد و مامن مجيب
ان الله مع الصابرين
يا قوم

السلام عليكم اخي والله كل الشباب في الخدمة لخدمة الشباب في المنتدى وانت بس لا تزعل حقك علينا اخي وان شا الله سوف تجد الجواب الشافي من الاخوان في المنتدى انت شوف معارض السيارات في دبي والعين وخاصة معرض البريمي اخوك المحب ماجد-السعودية الرياض

ماجدf
اشكرك يا ماجد يا راعي الفزعات
ودي اخذ الاجابة من منبع الميدان لاني بجلس 3 ايام فقط بين مسقط و الشارقة

و عليكم السلام و رحمة الله و بركاته
منك السموحه الإنترنت عندنا كان شبه معدوم و اللحين وصل بالتمام
فتح خط عمان 00968
البرعمي للنقل 24811166
الجديد للنقل السريع 24812085
الداسر للنقل البري 24833339
المتحدة للنقليات 24590365
سمير قاسم 24561365
الشرق الأوسط للشحن 24790024
الطالب للشحن 24502331

ابو عبدالله شاكرلك حسن تعاونك و معذورين ياخوي على التاخير
صراحة اتصلت فيهم كلكهم وللاسف محد يشحن سيارة
اغلبهم شحن اغراض
اعتقد ان من الصعب وجود شركات شحن سيارات من مسقط :112:احاول اطلعها الى دبي او الشارقة افضل
وانشالله بوصلكم الجمعة وصراحة الاقامة بين الواحة الذهبية او دلمون مادري اي واحد افضل .
وشلون الجو عندكم مطري برد ربيعي للسباحة او رياضي
ارجو ان اكون ضيف خفيف الظل على اهل مسقط وعمان بشكل عام

هلا و غلا بك اخوي
الجو عندنا ادفى من الكويت بوايد أو بكثير انت اختار و لا تحتار
يعني الليل او الفجر الحراره 17 بس اما بنص النهار 24 بس
مو مثل الكويت 12 دشداشه و ربع ابغي اعرف الربع ليش
البردي نادراً تحصله و اذا حصلته يكون اسمه ( سيل حصا )
اما الرياضه اظن الشعب مستعد للرياضه تمام يقولون اذا ما خذينا كاس الخليج على الأقل نطلع بإستكانة الخليج
انا كلش مو رياضي الكرش تقول ملعب كوره قانوني و الحمد لله
اما عن الشحن ما اظن يشحنون إلى دبي بس يشحنون الى صلاله
اتفق مع شركة من دبي تجي عمان و تشحن الى دبي يقدرون اظن
اما عن دلمون او الواحه و بكل قوه ارشح لك دلمون

ههه اي استكانه اي كاس احسن شئ يوزعون 7 كوس و يريحونا من التعب
مشكور يا بو عبدالله على الافادة و الروح الرياضية
ان شاء الله احصل في دلمون
اتمنى اني ازور ملعب الدورة الخليجية و اشوف الاستعدادت و لازم العب معاك مباراة ودية عن مرمى واحد
وسلملي على اهل مسقط الطيبين

حمد ارسل لك رقمي على الخاص اذا وصلت هات الو علشان المباره
المحظورات عندي
1 - لا تقول اروح الملعب و اشوف المباراه
2- لا تقول نسهر بعد الساعه 11 - شيبه يحب يرقد بدري
3- لا تقول ما احب اكل
4- لا تقول ما اعرف العب سنوكر
5- لا تقول اني شيبه
6- لا تقول ابي اتصل الكويت
7 - لا تقول ابي ارجع لبلادي