الله يسهل دربك ..
بالنسبة للطريق من البحرين للرياض ...
المسافة حوالي 400 كم
ومن الرياض لمكة المكرمة ...
حوالي 860 كم
ولاتنسي السواق يكون مسلم
والطائف قريبة من مكة أقل من 100كم
ومن مكة المكرمة للمدينة المنورة حوالي 450 كم
والرجعة من المدينة للقصيم 450كم #
ومن القصيم للرياض 320 كم
ومن الرياض للبحرين ....
وممكن تكون مدينة الرياض نقطة استراحة في الذهاب والعودة ...
أو تكون القصيم نقطة استراحة في الذهاب ، بحيث تكون المدينة المنورة المحطة الأولى بعدين مكة
وبالنسبة للسكن من المهم تحديد نوعية السكن المراد
يعني فندق والا شقة مفروشة
واذا كان فندق كم نجمة و ...
اسأل الله أن يسهل دربكم ..

تروح وترجع بالسلامه
بس سؤال ليش الاخ معن ذكر القصيم مع ان ( سحر الغرام ) ماذكرت انك بتزورها
عموما تساهيل ان شاء الله وعمره مقبوله مقدما

انا ارشح لك الخط كالتالي
البحرين - الرياض -القصيم -المدينة المنورة -مكة المكرمة - الطايف - الرياض البحرين
واي خدمة في السكن ف مكة انا حاضر

معن الصالح
شكرا لك اخي على ردك
رحلتي ان شاءالله مع زوجي والعيال في سيارتنا الخاصة ونقطة الاستراحة الاولى ما نبيها في الرياض فكرنا ان اول ما تظلم الدنيا نبيت في استراحة من استراحات سابتكو ! بقيت رايك؟؟
وبخصوص القصيم اخوي عندي خارطة بس ما لقيت القصيم فلو عندك خارطة مكة اوالمدينة وخط السير وخاصة انها اول مرة بنروح بالسيارة ؟!
وعن السكن بقيته قريب من الحرم سواء مكة او المدينة اهم شي الخدمة وموقف للسيارة (تونا شاريين سيارة جديدة) واذا كنا عائلتين اي احسن ناخذ شقة او فندق ؟هل في شقق فندقية ؟ونبي الدرجة تكون ممتازة بس مو فوق 50دينار لليلة.
مسامحة طولت عليك وجزاك الله خير

د.الحب
شكرا د الحب
بس انا حبيت نروح مكة قبل المدينة وبقيت الخارطة اذا عندك؟؟؟
وعن السكن وين احسن فندق درجة ممتازة مو اكثر من 50 دينار لليلة واذا في شقق مفروشة اوفندقية المهم الخدمة والموقف.؟؟
اذا كنا ما نبي ندخل بالسيارة عند الحرم والفندق كان عند الحرم هل في مواقف سيارات اجار او اي شي خاصة ان السيارة جديدة والكل نصحنا بهالشي؟؟
هل يحتاج حجز الفندق من قبل رحلتنا بتكون بتاريخ 26/1 ان شاء الله.
شكرا وان شاء الله ما ثقلت عليك.

السلام عليكم اخواني اختي العزيزة حياك الله في بلدك الثاني وبين اخوانك انتي جاية في شهر 26.1هاذ الوقت سوف تكون مكة والمدينة شبة مزحومة بالحجاج السؤال لاول يوجد خريطة الطرق ممتازة وجديدة خرائط الفارسي توجد في كل مكتبة وفي المحطات البنزين وكذالك خريطة المدن الرياض ومكة والمدينة وغيرها اما الفنادق يوجد الكثير والقريبة من الحرم ---المواقف يوجد مواقف اي واحد تقول لة فين المواقف يوجهك ملاحظة الطريق من المدينة الى القصيم المسافة 450كم ولا يوجد محطات بنزين مباشرة على الطريق الحرص على التزود بللبنزين من وسط المدينة وكل الطرق سريعة وذ ثلاث مسارات -------------اخوكم ماجد------------من الرياض

أختي عندي سؤالين صغيرات
1- في كلامك عن الاستراحات قلتي استراحة سابتكو هل قصدك استراحة ساسكو
2- بين البحرين وبين مكة حوالي 1400كلم هل ممكن تمشونها بالسيارة في يوم واحد والا تبون يومين

حياكم الله في بلدكم الثاني
أول شيء توصلون بالسلامه
ما انصحكم ابداً بالإستراحات على الطريق لأنها سيئة جداً استريحوا في المدن الكبيرة افضل لكم
انصحكم تروحون للمدينه أول لانه اريح لكم من انكم تروحون مكه اول
خط السير من البحرين إلى الرياض تقريباً 500 كيلو وتكملوا طريقكم إلى القصيم وتبعد عن الرياض تقريباً 350 تقريباً وتستريحوا فيها , بعدين تكملوا طريقكم للمدينه وتبعد عن القصيم 450 تقريباً
بعدين من المدينه إلى مكه المسافه تقريبا 450 كيلو
وطريق الرجعه من مكه إلى الطائف تقريباً 100 كيلو ثم من الطائف إلى الرياض 900 كيلو تقريباً وتستريحوا بالرياض
بعدين تكملوا طريقكم إلى البحرين
أما لو بتروحون لمكه أول يكون طريقكم من البحرين إلى الرياض تقريباً 500 كيلو ثم من الرياض إلى الطائف 900 كيلو ثم من الطائف إلى مكه 100 كيلو ( الرياض ما تبغون تستريحوا فيها فيكون الطريق متعب جداً 1500 كيلو )
0دينار = 500 ريال سعودي صحيح كلامي !؟ اتوقع شقق فندقيه افضل لكم http://histoiregeographie.iquebec.com/saoudi.jpg

ماجدf
الله يحيك اخوي ماجد
مشكور ويعطيك العافية