بوروكاياوي
18-11-2022 - 04:37 pm
السلام عليكم
يوم الاربعاء الماضي اتجهنا من الرياض الى الزلفي (250 كيلو شمال الرياض) وكشتنا على شاطيء بحيرة الكسر او بالاصح خيمنا هناك لمدة ثلاثة ايام ولا اروع لا من ناحية الجو ولا المكان ولا القروب .. وش اقول وش اخلي بس
عموماً ، هذي بعض الصور من بحيرة الكسر ولا تفوتكم صورة البعير المنسدح على شاطئ البحيرة ، مسكت معنا وقلنا لازم نسوي عمل فني بالرمل خصوصا انه معانا مبدع فنان رسم لنا البعير على الارض، وانقسمنا مجموعتين المجموعة الاولى تشاركت بعمل مجسم البعير الى ان ظهر بالصورة اللي تشوفونها، واللي اعجبت الكثير من المتنزهين هناك وكل شوي تجي مجموعة وتصور عند البعير اما المجموعة الثانية انهمكت في عمل مجسم ل"راعية" البعير وماقدرنا نصورها لأن فيها مناظر غير لائقة بالاضافة الى ان احد المتفرجين الشياب الله يهديه كسر راسها وطلع شكلها غلط.
اترككم مع الصور
انتهى ..
اتمنى ان تحوز الصور على اعجابكم
والشكر موصول لأعضاء رحلة (أئئ إئ) ]]>
