نشر في سيدني

لو كنتم مكاني والفرصه بين يديكم وش بتسوون

روعة المشاعر

11-12-2022 - 03:58 pm

السلام عليكم ورحمة الله وبركاته
اعضاء منتدى العرب المسافرون..
موضوع مزعجني ومحتاره فيه مره
وانا آكل افكر فيه..وانا قاعده -ماشيه- طاايره خ مايغيب عن بالي ابد ابد
اول شئ بقولكم لو وافقت وش بيصير...
لو وافقت على اني ادرس بكالريوس في سدني
بكون لحالي ويمكن يمكن مو اكيد يجلس معي اخوي في المتوسط
وانا متحمسه للدراسه بس اختكم في الله ماتدبر شئ لحالها
يعني ما اعرف اي شئ اسويه لحالي كل شئ قبل يسويه الوالد الله يحفظه
باختصار ما ادبر ولاشئ
ولو لو رجعت للرياض وسحبت على دراستهم
مو اي جامعه تقبلني في الرياض ولازم واسطات وبلاوي علشان يوافقون:112:
وفيه شئ حلو في دراستي اني برجع للسعوديه وانا واثقه من لغتي الانجليزيه
كلي رجاء منكم اخواني واخواتي
كتابة رأيكم ونصايحكم لي
علشان اخلص واقرر مليت والله وانا افكر ولا طلعت بنتيجه
واي شخص جرب الدراسه فضلا وليس امرا يكتب لي تجربته وايش استفاد او غلطاته اللي غلطها علشان يتفاداها غيره

الدراسة في استراليا

التعليقات (9)

بـوينغ 777

11-12-2022 - 07:21 pm

والله لو كنت مكانك - لاختار الدراسة في استراليا
انا ذهبت لسدني عام 2007 .. بصراحة روعة لاتوصف .. وان كانت لدي الفرصة لبقيت هناك ... وممكن تزوري موضوعي في بوابة استراليا .. والعنوان صور من سدني ( تصويري الخاص ) ولاتنسي تكتب رأيك عن الصور
وتحياتي لك واي خدمة احنا حاضرين

اخذو العلم

11-12-2022 - 08:22 pm

واللة وضعك صعب لوحدك او معك اخوك الصغير في المتوسطة واللة ودي اقولك ادرسي
الدراسة حلوة ومستقبل تفيدين نفسك وبلدك ولكن واللة خايف عليك من الغربة لوحدك
والغربة صعبة للرجال فكيف عاد بشابة في ريعان شبابها وعلى قولتك ماتدبرين شئ
ههه هه
اقولك وتبين رائ اخوك ومن قلبي واللة اجلسي بالسعودية واذا كان قصدك تعلم اللغة
بمكانك لو صار عندك الاصرار والعزيمة تتعلمينها في الرياض .

شيخ بني زيد

11-12-2022 - 09:23 pm

صدقيني لاتروحين والله اني انصحك من قلب
لان لو كان عندي اخت ووضعها مثل وضعك كان يتقطع قلبي
لحالك وفي ريعان الشباب وعز المراهقه والله من قلب ناصح لاتروحين ومن ترك شيء لله عوضه الله خير منه

روعة المشاعر

11-12-2022 - 10:24 pm

بوينغ 777
هلا اخوي بوينغ
ومن جهة روعه لاتوصف .. وش اللي مخليني ابي ادرس فيها خاصه اني حاليا موجوده فيها
وبخصوص موضوعك ابشر رايحه اشوفه

روعة المشاعر

11-12-2022 - 11:25 pm

اخذو العلم
مشكور اخوي
بس اللي عندها طموح وش تسوي خاصه ان ابوي يشجعني اكمل

روعة المشاعر

12-12-2022 - 12:26 am

شيخ بني زيد
ياخوي لو فكرت بالعواطف والله ماسويت شئ في حياتي
بس مشكلتي ان الفرصه قدامي وبين يديني بس باقي موافقه الملحقيه
واذا قصدك لحالي ياما بنات راحو وسكنو بسكن الجامعه وعليهم امان الله
وغير كذا اذا كان الاهل واثقين من تربيتهم واخلاق بنتهم ليش لا
بعد بعد ابي ردوود ماشبعت ابي اقتنع بأحد القرارين

$$s3oood$$

12-12-2022 - 01:27 am

انا صراحه ماانصحك ابد والي معك اخوك في المتوسط خطر عليه اكثر منك
بس انتي شكلك مقتنعه وابوك موافق ماعندك مشكله والحين انتي في سدني يعني شفتي المدينه وعارفه الوضع
وفي النهايه انتي اعرف بنفسك ووضعك

#saad

12-12-2022 - 02:28 am

انا مع الاخ اللي فوقي
انتي شايفة المدينة وشايفه الوضع حاولي تشوفيني المكان اللي بتسكن فيه قربها اوبعدها من الجامعة المحتملة روحي الجامعة ممكن تلقين طالبة خليجية لوحدها او مع اختها اوطالبه عربية محترمة
فممكن تسكونوا مع بعض وتشوفي الخط امان ذهاب وعودة
وانتي عندك رغبة فتوكلي على الله وممكن اهلك يجون يصيفون عندك كل سنة وانتي ترجعي السعودية كل ماامداك
لكن حافظي على نفسك ودينك ولا يهمك جمال المدينة
انتي جايه لهدف مو للعب ............. انما الاعمال بالنيات
وربي حيوفقك
وانتي نسيتي شي مهم
الاستخارة ................ عليك بها وتكثيفها والله بيدلك الطريق ويريح بالك
وفي الحالتين الله يوفقك

فوق مستواك

12-12-2022 - 03:29 am

انصحك ان تكملي دراستك في استراليا وانت لست قاصر ولكن من الافضل ان تتعرفي على احدى الطالبات العربيات
والتي تثقين بها وبأخلاقها وتعيشون مع بعض وتكملي دراستك
لانها بصراحة فرصة لا تعوض
اما اذا رجعت لاكمال دراستك هنا فلا تتوقعي ان الطريق للقبول بالجامعات مفروش بالورود بل معقد ويحتاج لدعم
هوامير متنفذين للحصول على مقعد ناهيك عن النفسيات القشرا للدكاترة وسوء التعليم الذي قد نخره الفساد
واصبح كا الجيفة التي تفوح روائحها الكريهه اكرمكم الله وكلامي هذا عن تجربة مريرة في احدى جامعاتنا حصلت
مع ابنتي
الله المستعان

سيدني المسافرون العرب

لو كنتم مكاني والفرصه بين يديكم وش بتسوون