الفلبين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
باسل8182
20-10-2022 - 07:50 pm
اخواني اعضاء منتدانا الغالي من باب المناصحه ابتعدوا عن المطعم الايراني في مكاتي والله انه اكبر نصاب يستغل الناس بالاسعار الغاليه خذت منه وجبه شخص واحد تصدقون قالي بعد مااعطاني الوجبه رز ولحم 800 بيسو قلت انا ماشريت تيس هي وجبه واحده قال هذي الاسعار قلت عطني المنيو قال مافيه منيو قلت وين المدير قال غير موجود قلت خذ الوجبه مابيها قال انت طلبتها لازم تاخذها قلت بالعافيه لوتاصل السفاره والشرطه بالادب انتفاهم بس ماهو معاك مع غيرك اخيرا قال ادفع 500 قلت لو تقول بلاش مابيها شبعت زعل والله الاحذر منكم جميع الناس قال يجي غيرك ويدفع طلعت ولحقني العامل الثاني قال خذها ودفع اي مبلغ معليش لاتزعل عامل الكاشير مافهمك قلت اذا ماترجع اجيب لك البوليس رجع وهو يشتم بالفلببيني بس مدري وش يقول : وانا اول مره ادخله واخذ منه وجه لاعادت والا العزبه معي والقدر الكاتم والرز بس الجوع حداني عليهم كل يوم اطبخ وانفخ بالشقه بعدها قلت تستاهل لحيتي يوم اخلي عزبتي واجيكم يالنصابين يااخواني احذروهم


التعليقات (9)
the net
the net
اذا تقصد اللي بالدور الثاني والله ماشفت انصب منهم بالفلبين كاملة تغدينا مرة اربع اشخاص ب 6000 بيسو .. والله حرامية بمعنا الكلمه ... مشكل مشوي لحاله عندهم بحول 2200 بيسو ... حول المئتين ريال ... فعلاً سرق عيني عينك

رجنت
رجنت
والله انا ما دخلته ابد لكن يقلون انه غالي مره

الرباطي
الرباطي
السلام عليكم
اخي الكريم بغض النظر
اذا كان نصاب او غيره
فهذا المطعم معروف بغلائه
ولازم تتاخذ فكره اكبر عن المطاعم
الغاليه
وخصوصا اللي تقدم اكلاتنا الشرقيه
ودمت بخير

ليجاسي
ليجاسي
انا دخلته قبل فتره وكنت ابي اطلب شفت المنيو حقهم وتأملت داخل المطعم حسيت اني مو مرتاح مره طلعت ورحت جولي بي ههه
مره مبالغ بالاسعار

neif766
neif766
كل المطاعم العربية والهندية اسعارها غالية مره ونصابين.. ما مثل طبخ الشقة او جلبي...

الـسـاحر
الـسـاحر
بالفعل مطعم الكباب الايراني
الى في مكاتي اسعاره غاليه جداً
لكن احياناً ازورهم حسب المزاج يعني لو اشتهيت كباب ومشويات
ولكن لايمنع من انهم جداً مبالغين بالاسعار :112:
يعطيك العافيه اخي باسل على التنبيه
اخوك الساحر

باسل8182
باسل8182
الشكر لك يامشرفنا الغالي على المرور والاخوان حبيت بس لتنبيه فقط حتى ما احد يتفاجأ بالاسعار الغاليه لان من واجنا التنبيه لمثل هذه الاماكن وشكرا وبصراحه وماهي مجامله افضل منتدى على الاطلاق بوابة الورده لان الجميع من مشرف واعضاء تحس انك لو ماسافرت الى الورده كأنك زرتها اكثر منهم من تفاعلهم ونصائحهم والى الامامِ يامشرفشنا الغالي وكذلك الاعضاء الاعزاء على قلوبنا وشكرا للجميع

سويق
سويق
باسل8182
واترك عنك مطاريس الفرس ولابتهم الفلبن وبهارت ابوهنود التي تمغص البطن
:x1:

mohammad-usa
mohammad-usa
نعم المطعم أسعاره غالية جدا
ولكن لايمنع ان اذهب اليه واحدد الطلب واسأل عن السعر وبعدها اقرر هل اجلس ام اغادر بابتسامه
ولكن للأمانه المطعم رائع


خصم يصل إلى 25%