الصراحة أبي رايكم في فنادق باريس . لاني أبي الموقع المناسب .. الي يوفر علي تكاليف التكاسي وروح وتعال ... وأبي كل شئ بالقرب من الفندق الي باسكن فيه ..
أولاً .. أنا أصلحولي 3 فنادق . لكن متحير أي فندق أختار ..
1- Ampere hotel .. سعره مناسب جداً .. 500 ريال في الليله شامل الضرائب والخدمة .. حد جرب هذا الفندق . وين موقعه بالضبط .؟؟
2-Sofitel forum rive gauche hotel .. مسويين عرض حلو جداً . نفس عرض الهيلتون . أسكن 3 ليالي وأحصل على ليله مجاناً .. بسعر ممتاز 690 أو 650 ريال . مش متذكر بالضبط ...
3- Holiday inn opera hotel .. سمعت أنه زين . لكن موقعه ماهو زين ..
ثانياً .. الأسواق
ماهي أفضل وأرخص الأسواق في باريس . أدري أنهم كل الأسواق غالية . بس أنا أقصد أرخصهم . لان أكيد في مستويات اهناك في الأسعار .. وماهي المجمعات التجارية هناك .. الرجاء الإفادة
ثالثاً .. المطاعم
الشئ الثاني الي متوهق فيه المطاعم . فأيش المطاعم الي تنصحوني فيها . ويكون سعرها مناسب . يعني مش المطاعم الراقية جداً .. أبي مطاعم متوسطة السعر . وجيدة المذاق ;) حلو جيده المذاق
رابعاً .. الأماكن الي تستاهل الزيارة في باريس .. أهم الأماكن ..
خامساً .. المواصلات .
كيفية حجز تذاكر الباصات .. وكيفية النظام عندهم ؟؟؟ يعني التذكرة للمشاور الواحد . ولا التذكرة لليوم الواحد ؟؟؟
وإذا مابي التاكسي من المطار إلى الفندق والعكس . لان السعر جداً غالي . يصل إلى 150 يورو للمشوار الواحد (من المطار إلى الفندق فقط) يعني هل في قطار . أو أي شئ ثاني يوصلني لنصف المدينة ؟؟
وماهو النظام في الأندرقراوند .. لاني مادري عنه شئ .؟؟؟؟
وأخيراً .. من عنده خبره في الديزني لاند . يفيدني . يعني كم سعر التذكرة . وكم هي المدة للوصول إليها .. و و و و إلخ ..
الرجاء الإفادة .. لو تسمحون ...
ودمتم