1. اسمع اخوي المكافح


2. ثاني شيء تقول هل ارتب اموري المعهد والسكن عن طريق المكاتب ؟


3. هل نيوزلندا وقت مناسب للغة الانكليزية؟

اسمع اخوي المكافح

ابقولك وان شاء الله اني ابفيدك ان السفر بالوقت هذا احسن من ناحية انه يعني قليل العرب يسافرو بالوقت هذا تقول ليش لان اكثر الي يسافرون تقريبا بالاجازت وهذا الوقت ما فيه اجازات وانا اقول انه افضلك تسافر بها الوقت بس حاول تسافر بداية السنه الجديد يعني بعد راس عيد السنة وانا مثلك معزم ان شاء الله ابسافر بعد عيد راس السنه بعد اجازتهم هم النيوزلندين لانهم يعطلون اسبوعين بعد العيد عاد وش عيدهم اعوذ بالله عز الله وانا ما شفته انه عزا الله انه عيد ما علينا هذا اول شيء.

ثاني شيء تقول هل ارتب اموري المعهد والسكن عن طريق المكاتب ؟

اقولك لا مولازم مكتب علشان يرتب امورك لانهم حياخذون عليك فلوس وانت تقدر تسوي نفس الي بيسونه تقول كيف تسجل بالعهد عن طريق الانترنت والمعهد هو يتكفل بالسكن والتامين الصحي وفيه معهد انصحك فيه الي هو معهد languages international والا ن اعرف فيه واحد من الشباب والعرب الموجدين فيه تسعه على كلامه يعني شويين وفي مستويات متفرقه وهذا عنوانه بالانترنت وتقدر سجل عن طريق الموقع بالمعهد http://www.languages.ac.nz بس يقولون انه غويلي على كلام الاخ aroma وارجو انك تقر موضوعه لانه بيفيدك ويقولون انه الافضل المعاهد بنيوزلندا وخوي الي الان يدرس فيه يمدحه بالمره ويقول حبيبين معاه وانه فيه مصلى بالمعهد وبالنسبه للرحلات حلوين بالمره وهذا المعهد في مدينة اوكلاند وفيه نقطه ابقولها لك هي حاول انك تسجل مده قصيره علشان اذا ماجازلك المعهد يمكن تغيره اما العائلة تقدر تغيره بأي وقت يعني على الاقل12 اسبوع .

هل نيوزلندا وقت مناسب للغة الانكليزية؟

اكيد بالوقت الحاضر نعم لنه اول شيء ما فيه تعقيد عن طريق الفيزا قص التذكرة وتوكل على الله واذا تعديت ثلاثة اشهر يجيك المسؤول بالمعهد ويسويلك الاجرات الفيزا من هناك بدون تعقيد لانه مولازم تطلعها من هنا هناك طلعها اهم شيء الموافقه حقت المعهد علشان ما يعقدونك المطار هناك اما الفلوس كلها واحد وتقدر هناك اذا وصلت تفتح حساب في احد مصارفهم
ارجو اننا افدناك بهذا الموضوع
وارجو ان نتقابل هناك
بالتوفيق,,,

شكرأ لك أخوي المرهوف على مروروك
ولكن بصراحة أنا أسمع ناس كثيرين ينصحون بالدراسة في منطقة كرايست تشيرش ويقولون هي أنسب للدراسة من أووكلاند بسبب قلة السكان من جهة وقلة العرب من جهة أخرى وأيضاً لأنها مدينة رائعة الجمال .. فهل عندك توضيح لهذا ؟؟
بعدين معليش أخوي هل سافرت إنت إلى نيوزلاندا من قبل وإلا مثلي ؟؟؟
بعدين أرجوك أخي المرهوف أن لاتحرمني من أي جديد عن السفر إلى نيوزلاندا لكي تتسع المعرفة لدي وبإذن الله نتقابل في نيوزلاندا ...
تحياتي لك

الله يسلمك اول شيء
وثاني شيء منطقة كرايست مشكلتها مشكله واقول لا تعليق !!!!!!!!!!!
وتقولي هل سافرت لا والله بس عزمت اسافر بعد الاجازة حقتهم الي هي بعد راس السنة ووجهتي اوكلاند
وانا ودي اسالك انت من اي منطقة يعني لوانك في الرياض فيه مكتب يفيدك في نيوزلندا وخايف احطه لك ويقولون بعض الشباب اكيد يبغى يمشي سوق المكتب
بس خذ ايميلي علشان نخطط اناوياك للسفره جميع الى نيوزلندا وعلشان اعطيك المكتب وهذا المكتب في الرياض
انا بأنتظارك

السلام عليكم ورحمه الله وبركاته
اول شي اخوي المكافح ... اسف على تاخري بالرد لأنشغالي ...
قبل ما اكتب موضوعي لك ابي اقول لك شي ... ان كل شخص سافر راح ودرس او تمشى يشوف الاشياء بعين طبعه هو ... فهمتني ؟؟؟ يعني ممكن انا يعجبني شي انت ما يعجبك .... مثال :
انا احب اتداخل مع النيوزلانديين واسولف معاهم واخذ واعطي ... لكن فيه سعوديين يقول لا يا اخي انا ما احب الغربي ولا احب اسولف معاهم .... وخذ من هذه الامثله ...
بالنسبه لاسالتك راح اجاوب على اللي تبي ... وان شاء الله ما تروح الا انت مطمان ...1/ هل الوقت الذي أخترته هو وقت مناسب للسفر إلى نيوزلاندا لتعلم اللغة الإنجليزية
من ناحيتي احس ان هذه افضل افضل وقت ... من ناحيتين .. اول شي الجو الان هناك جنان ... شي غير طبيعي ... ثاني شي العرب هناك الان قليلين جدا2/ هل أقوم بترتيب أموري ( المعهد - السكن ) عن طريق أحد المكاتب في جدة أم ماذا أفعل ؟؟
شوف حبيبي .. اذا لغتك تقدر تمشيك في المطار في البقالاات في الفنادق ... يعني لو تدخل فندق ممكن تحجز غرفه وكذا فانصحك تروح من نفسك ... لكن اذا والله لا ... لغتك لك عليها فانصحك تحجز عن طريق احد المكاتب ... بس انتبه تاخذ اكثر من شهر .. ولو صار اسبوعين احسن واحسن ... لأن لا تنسى شي مهم مهم مهم مهم مهم مهم جدا لو تدفع هنا حق 6 شهور وتروح هناك وتبي تغير المعهد باي سبب باي سبب في بالك ... فاعلم ان معظم المعاهد ما ترجع ولا ريال ... يعني فلوسك تكون باح ... انتبه للنقطه هذه ...3/ بصراحة قرأت أسماء لمعاهد كثيرة ولكن لاأعرف أيهما أفضل ؟؟ أرجووكم ساعدوني
برجع لها/ ماهي المدينة التي سوف تساعدني كثيراً على تعلة اللغة الإنجليزية ؟؟
شوف حبيبي ... انا جربت اوكلاندا ... وجربت كرايست جيرج ... انصحك بقوه بكرايست جيرج .. بتقول لي ليش ... اوكلاندا مثل الرياض كبيره ... وكرايست جيرج مثل الخبر في حجمها ... تقريبا ... الان تخيل معي الزحمه والازعاج في المدينتين ... هذا شي الشي الاخر اوكلاندا فيها اسيويين كثير .. يعني الكوريين والصينين واليابانيين كثيرين .. حتى في كرايست جيرج لكن اقل ... كرايست جيرج هاديه وصغيره وحلوه ... شوف انا قابلت 7 طلاب عرب جو الى كرايست جيرج من اوكلاندا ... كلهم يقولون يا اخي وين هذه المدينه من زمان ... جو دراسه ... طبعا هذا رايي انا ... لكن اللي يقول ان اوكلاند احسن ... ابيك تقول لك هل عشت في كرايست جيرج اقل شي اسبوع واحد ؟ شف وش يقول لك ... اعتقد انه بيقول لا ...5/ تكفون إخواني هل نيوزلاندا هي مكان مناسب لتعلم اللغة الإنجليزية بشكل ممتاز ؟؟
شوف حبيبي ... الان نيوزلاندا افضل من ناحيه السياسه والوضع السياسي ومن ناحيه الرخص ... اما اذا انت رجال فلوسك واجد ففيه اماكن في بريطانيا تصلح للدراسه لكن نار غاليه=
6/ بصراحة أنا قررت أن تكون دراستي من 6 إلى 9 أشهر هل هي مناسبة لتعلم اللغة الإنجليزية
براحه احس ان 6 شهور اعلى شي ممكن ياخذها الواحد ... انت ما راح تعرف كم يكفيك الا بعد ما تروح ... انا كنت مخطط ل 6 شهور ... بس يوم رحت هناك اختبروني ... وقدرت اخلص مستوياتهم في 3 شهور ورجعت ... انت لما تجلس هناك شهر ... راح تعرف كم يبي لك7/ بصراحة أنا لغتي الإنجليزية أعتبرها ضعيفة هل سوف أقدر أمشي نفسي لما أوصل هناك ؟؟
نعم تقدر ... لوك اطرم راح تمشي ... خلك واثق في نفسك وراح تتعلم ... شوف حبيبي ... خل قدامك تحدي وهو انك تتعلم هذه اللغه ... صدقني راح تتعلمه صدقني ... خذها على شكل تحدي لا تاخذها انها كذا هوايه او كذا ... خذها على شكل تحدي وراح تدعي لي/ الفلوس كيف موضوعها هل حمل بطاقة الراجحي رح يمشي الحال إلين أستقر هناك وأفك حساب جديد في أي بنك عندهم .. وإلا ماهو رأيكم ؟؟
فعلا كلامك سليم ... انا عندي بالبريطاني ... يوم وصلت هناك فتحت حساب بعدين دخلت الانترنت وحولت الفلوس من البريطاني الى حسابي الجديدتحياتي لك

مرهوف
شنو مشكله كرايست جيرج

شكرا لكم
حوار نافع للجميع

أخي العزيز المرهوف
أنا أشكرك على ردك ونصائحك وكم أتمنى أن أتعرف عليك بس للأسف أنا في جدة ولكن إنشاء الله رح يجمعنا الإيميل وبإذن الله تكون بداية صداقة بيننا ..
أما أخوي المايستروو
بصراحة أنا أشكرك كل الشكر أخي والله إنك أفدتني كثيرا بس عندي طلب صغير هو ممكن تعطيني إيميلك عشان أراسلك على البريد الخاص.. ونحن ننتظر منك ملاحظاتك على كرايست شيرش لكي نستفيد؟؟
أما بخصوص الأسئلة فأنا عندي أيضاً أسئلة أرجو أن تتحملني على كثر طلباتي وهي :
1/أرجو منك رجاء خاص أن تعطيني أسم المعاهد الممتازة التي أقدر أسجل فيها وياريت لو يكون لها عنوان على الإنترنت ؟؟
2/إش رأيك في التسجيل في المعهد ( إن كان له عنوان في الإنترنت ) عن طريق الموقع في النت؟؟؟ وهل يفرق سعر التسجيل عن طريق النت عن الحضور بنفسي إلي المعهد؟؟؟ وهل المعهد رح يوفرك السكن مع العائلة والإستقبال في المطار وخلافه ؟؟ وإلا إنت تدبر نفسك
3/ في مكتب من المكاتب هنا في جدة خبرني عن معهد ef وقالي هذا ممتاز وخلافه وأعطاني مجله خاصه بالمعهد ؟؟ فما رأيك فيه وهل له فرع في كرايست شيرش؟؟؟
4/
لن أكثر عليك الأسئلة عشان لاتمل مني إنت والأخوان
تحياتي للجميع

1/أرجو منك رجاء خاص أن تعطيني أسم المعاهد الممتازة التي أقدر أسجل فيها وياريت لو يكون لها عنوان على الإنترنت ؟؟
سوف اضع لسته للمعاهد اللي زرتها وتقيمها لها بعون الله قريبا/إش رأيك في التسجيل في المعهد ( إن كان له عنوان في الإنترنت ) عن طريق الموقع في النت؟؟؟ وهل يفرق سعر التسجيل عن طريق النت عن الحضور بنفسي إلي المعهد؟؟؟ وهل المعهد رح يوفرك السكن مع العائلة والإستقبال في المطار وخلافه ؟؟ وإلا إنت تدبر نفسك
مرحبا عزيزي معظم المعاهد ان لم تكن كلها ممكن تسجل عن طريق الانترنت ... الفرق بين انك تسجل عن طريق الانترنت وعن طريق الحضور الشخصي ... انا جربت الحضور الشخصي لم تتطلب تخفيض راح يعطونك تخفيض ... انا عطوني تخفيض 25% ... لكن فيه ميزه التسجيل بالانترنت انهم يستقبلونك في المطار ويوفرون عليك عناء انا حسيته في البدايه ... تصدق لو اني اروح مره ثانيه تدري وش بسوي ... بحجز عن طريق الانترنت لمده اسبوعين وادرس اذا ما عجبني الوضع اغير ...في مكتب من المكاتب هنا في جدة خبرني عن معهد ef وقالي هذا ممتاز وخلافه وأعطاني مجله خاصه بالمعهد ؟؟ فما رأيك فيه وهل له فرع في كرايست شيرش؟؟؟
المعهد هذا معهد عالمي ... وانا دخلته بنفسي ... المعهد جميل ... لكن عابه يوم اجيه ان فيه سعوديين ومن وجهة نظري انا ما افضل التعلم مع السعوديين او بالاصح العرب ...
نعم له فرع في كرايست جيرج

جزاك الله كل خير أخي المايسترو على هذا التفاعل الرائع منك في الإجابة على الإستفسارات وأسئل الله تعالى أن يجعل ذلك في ميزان حسناتك...
أنا فهمت منك إنك تشجعني على التسجيل عن طريق النت .. لكن هناك جزئية مهمة أخي المايسترو لم تتطرق لها ألا وهي السكن مع عائلة هل يوفره لك المعهد أم إنت تدبر نفسك ... وبرأيك كم سوف يكلفني شهرياً مصاريف المعهد+العائلة مع المصاريف العادية ( المواصلات وماشابه .. إلخ) بالريال السعودي مع العلم أني ليس من هواة السفر والتنطيط بين المناطق للترفيه ... وأنا في إنتظار المعاهد التي وعدتنا بها ولاأنسى أنه ياريت لو توضح لنا ماهي أفضلية المعاهد كما رأيت بنفسك ؟؟؟
بعدين هناك شيء مهم عن العائلة وهي ماهي المواصفات التي أنتبه لها عند إختياري للعائلة ...
شكرا أخووي المايسترو وأنشاء الله ربنا ييسر لنا أن رد لك هذا الجمائل التيتجملت بها علينا ...