الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
BIG HEART
27-03-2022 - 08:42 am
السلام عليكم
انا بصراحة صارلي فتره ماجيت الكويت يعني خمس سنين تقريبا
بس الاسبوع الجاي بروح للكويت بحضر مؤتمر هناك في فندق كروان بلازا
وبصراحه اسعار الكروان نار.
واستفساري منكم هل يوجد فنادق او شقق قريبه من فندق كروان بلازا بس تكون جيدة واسعارها معقوله
مع خالص تحياتي وشكري لكم


التعليقات (9)
kuwait2world
kuwait2world
ياهلا فيك في ديرتك الثانيه الكويت وحياك الله ونتمني لك زياره سعيده
اولا
الكراون بلازا موجود في منطقة الفروانية ومنطقة الفروانيه لايوجد فيها فندق اخر غير كراون بلازا
ولكن كما تعلم الكويت كلها صغيره يعني اي فندق بالعاصمه او السالميه راح يكون قريب نسبيا لفندق كراون بلازا
انا انصحك بزيارة موضوع هواتف فنادق الكويت وراح اتلاقي تلفونات اغلب الفنادق والشقق الفندقيه ممكن اتكلمهم وتتعرف علي اسعارهم واتحجز عن طريق التلفون واتلاقي طلبك ان شاء الله
https://artravelers.com
اتمني ان تستفيد من هذا الموضوع واتمني ان تكون مشاركتي مفيده ورحله سعيده ان شاء الله

زااراا
زااراا
ياهلا فيك أخوي الكريم
واتشرف الكويت بحضورك
بالنسبة لسؤالك 00
منطقة الفروانية لا أنصحك بالسكن فيها مع أن كراون بلازا لاغبار عليه
فندق روعة
إسكن بالسالمية أقرب لك والعاصمة راح تكون أبعد عليك شوي
لكن مثل منت عارف الكويت صغيرة
ماراح تدوخ بالمشاوير
أتمنى إني أفدتك

BIG HEART
BIG HEART
اخوي kuwait2world مشكور وماقصرت واطلالتك على الموضوع كافيه وان شاء الله اني استفيد من الرابط اللي حطيته
بس سؤالي هو كم تبعد السالميه عن موقع فندق كروان بلازا
تحياتي لك

BIG HEART
BIG HEART
مشكور اخوي زااراا وماقصرت
تحياتي

Maxima
Maxima
معذره على التدخل
تبعد السالميه عن الفروانيه تقريبا 15 كم
أنصحك بالفندق الدولي بالسالميه رخيص نسبياً بحدود 25 دينار الليله
الفندق الدولي :
5, 5741788 , 5712129 , 5725310 , 5745544 : رقم الهاتف
9: رقم الفاكس
واذا لقيت معلومات حاضر ومن عيوني

BIG HEART
BIG HEART
اخوي ماكسيما مشكور وماقصرت ودام الدعوى 15 كيلو مافيه اي مشكله يعني حذفت عصى
تحياتي لك

Kuwaity2
Kuwaity2
اقرب فندق لكروان بلازا فو سفير المطار وسفير الرقعي
ملاحظة : فندق كروان بلازا هو بقرب المطار الدولي وبعيد عن مدينة الكويت والسالمية وحولي بصراحة فندق موقع تعبان

BIG HEART
BIG HEART
شكرا لك اخوي Kuwaity2
يعني على كلامك ماينفع اني اسكن بالسالميه وهل الفنادق اللي انت قلت قريبه بالمره وجيده.
تحياتي لك

Kuwaity2
Kuwaity2
فندق كراون بلازا يقع في منطقة الفروانية القريبه من المطار والفروانيه هي منطقة تجارية صغيره يوجد بها مجمعات تجارية كثيره وبنوك ومطاعم كثيره وشركات يعني تشبة الدمام بس صغيره ولكن تبعد ربع ساعة عن العاصمة وتقريبا 20 دقيقة عن السالمية اما فندق سفير المطار يبعد اقل من 5 دقائق فقط عن كراون بلازا وسفير الرقعي اقل من 10 دقائق


خصم يصل إلى 25%