ياهلا والله بالرحاله ...
نبي الكماله علشان نبداء الأسئله ...
الله يوفق الجميع ونحن بأنتظارك
تحياتي لك أخوي

يالله نكمل وامرنا له كانت رحلتنا من لندن الى باريس بتاريخ24/7/2000 بدات الرحله فى الصباح تقريبا فى الساعة 9صباحا مشي بنا الباص وكان عبارة عن باص مرسيدس يحمل 44 راكبا كلهم من سكان الخليج ومشينا الى ان وصلنا الى الميناء بينه انجلترا وفرنسا على بحر المنش وادخلنا باصنا فى القطار ودخلنا نحن معه فى نفس الكابينه وجلسنا فيه 35 دقيقه واذا بنا نحن فى ميناء مرسيليا على ما اعتقد المهم انا دخلنا الحدودالفرنسيه تقريبا فى الساعة 12 ضهرا ووصلنا باريس فى الفندق بالتحديد الساعة 3 العصر بتوقيت فرنسا وكان فندقنا اسمة نوفيتيل لادى فانس فى اخر الشانزليزيه موقعه زين وكان فندق*** بس ممتاز طبعا اول مانزلنا اخذنا غرفنا وقلنا المرشد السياحي ترى بعد ساعتين على ماتريحون نبي نوديكم الشانزليزيه طبعا كلنا خلصنا قبل الساعتين وراحو ودونا الشانزليزيه وقعدنا نتمشي فى السوق لمدة ساعتين تقريبا وقلنا خل نجلس فى قهاوى الشانزليزيه لى الساعه 11 مساءا وقلونا ترى بكرة مع النجمة يعني الساعة 8 صباحا العموم جاهز عشان نبي نروح برج ايفل مع جوله فى نهر السين جينا البرج والا تقول مالك امل راح اركب البرج من الزحمة لاتقولى طابور جمعيه مال مصريين زحمة مرة والا صاحبنا طلع واسطه وزرقنا طبعا المصعد الاول عبارة عن 3طوابق يشيل يمكن 120 واحد هذا المصع يوديك للطابق الاول ونروح الطابق الاول والا حنا فى الخضيرة تشوف باريس كلها قلنا يا معود خل نروح الطابق الثانى وكان المصعد اللى يودي للطابق الثاني يشيل تقريبا 8 انفار والا المنضر غير طبيعي بعيد جدا عن الارض قال صاحبي ها شرايك نروح الطابق الاخير قلت يالله نروح والا والله ياشباب وشابات ما اقدر اشوف الارض تحتى من الخوف بعيد مرة ونزلنا مدرى شلون وبعد ماركبنا البرج واستانسنا كان النهر قريب منا رحنا اخذنا رحنا اخذنا جوله داخل نهر السين وشفنا التماثيل الذهب اللى على الجسر وشفنا مسلة الكونكورد وشفنا متحف اللوفر وبعدين نزلونا واخذنا جوله على معالم باريس كلها وشفنا مطعم مكسيم الغالى جدا وشفنا الدوار اللى عند قوس النصر اللى ولا شركة تامين تتحملك اذا سويت حادث فيه وبعدين نزلنا فى الشانزليزيه لين الساعه 11 بالليل وجا الباص واخذنا الى الفندق وقالنا ترى مع النجمة نبي نروح بكرة الى الدزنى لاند ورحنا من الباكريه الى الدزنى لاند وجلسنا فيها الى الساعه 8 مساءا وبعدين رديني الفندق وصلناة فى حدود الساعه عشر ونص قعدنا شوي باللوبي ورحنا نمنا وصحينا الصبح ورحنا متحف اللوفر ودوجنا فيه لين العصر وبعدين رحنا الى الشانز وبعدين رديني الفندق وقالو ترى بكرة نبي نرد لندن ولاكن قبل لا نرد لندن نبي نمر السوق الاوربيه المشتركة اللى على حدود فرنسا طبعا حنا خليناهم يروحون وجلسنا فى باريس انا وصاحبي 4ايام وراهم مابين الشانز والحي اللاتيني والبيجن ستريت وقبل لايروحون جروبنا خلينا المرشد السياحى مالنا يحجزلنا تذكرتين لقطار رحلة الى جنيف وذهبنا الى جنيف عن طريق محطة جاردي ليون بتاريخ 2/8 او 1/8 وكانت المسافه بين باريس وجنيف 750 كيلو متر قصيناها على اليورو ستار فى 3ساعات ونص يالله لنا تكمله مع رحلة جنيف

ماشاء الله رحلة عجيبة .. ننتظر إبداعاتك يالمغوار .. وأبدعت ماشاء الله عليك في طرحك للقصه .. الي ناقصها شئ واحد . وهو تكبير الخط شوي . وتنسيقه . ياسلام ..
تحياتي لك
بومحمد

الرحله روعه .. وتجربتي لمثل هذه الرحلات تخليني اتمنى إعادتها .. قبل ما نشيب ...
تحياتي لك أخوي المغوار .. وأن شاءالله نلاقي منك المزيد ...
اخوك
YA-MAS

هلا والله اخوى ياماس انت وابو محمد شلون عساكم طيبين انتو واللى فى المنتدى كلهم يالله نكمل رحلة جنيف
طبعا نزلنا جنيف فى تاريخ 2/8 وكانو الناس يحضرون للكرنفال وحنا مواعدين ربعنا اللى رحنا وياهم للشمال الانجليزي ورحلة باريس انهم يكونون عندنا انشالله فى تاريخ 4/8 راح يجون بالطائرة واسمنا مسجل وياهم بالجروب طبعا سكنا اول يومين فى فندق الوير ويك وهو فندق الجروب بسعر ممتاز اول ليلتين بعدين انضمينا مع الجروب وجلسنا فى جنيف الى تاريخ 8/8 وكرنفال جنيف عبارة عن اطفال وشباب وشابات يضربونك بالعصي المطاطيه والاعيرة الناريه وحفلات الفنانين العرب ويوجد بها ملاهي للاطفال والكبار حولين البحير يعني بصراحة كرنفال معطينه اكثر من حقه بكثير ورحنا مع الجروب ايضا لمنطقه والله انا ناسي اسمها قريبه من جنيف فيها تلفريك وفيها كهوف ثلجيه وهذى جنيف اللى يقولون وبعدين طولله عمركم رحنا حجزنا من محطة القطار الى فينا قالونا ترى الرحلة تقعد 11 ساعه من جنيف الى زيوريخ الى بلجيكا يعني رحلة شكلها متعب وفيها ترانزيت واجد قلنا خل نروح نسال عن الطيارة الى فينا والا سعرها مناسب جد طبعا نزلنا فى فينا على طول رحنا الى محطة القطار اخذنا تذاكرنا الى زل ام سي واستمرت الرحلة5.30 وبعدها نزلنا فى زل ام سي شي فوق الخيال الجو والطبيعه والبراد والخضرة والله انا تعجبنا من قدرة الخالق سبحان الله جنة الله فى ارضه وسكنا فى فندق والله مانى ذاكر اسمة بسعر 80$ لليله وجلسنا فى زل ام سي 5 ليالى مابين زل ام سي وكابرول وصار كل وقتنا بين البحيرة والتلفريك والزحليقيه وهيه روعه وجميله جدا لعشاق المغامرات وبعد الخمس ايام رحنا الى فينا وسكنا فى فندق يورب هوتيل وهو فندق جميل من حيث الموقع والنضافه وجلسنا فى فينا 3 ايام ذهبنا الى مغارة هتلر وهيه مغارة عجيبه جدا جدا وذهبنا الى برتر اكبر مدينة ملاهي فى اوربا وتمشينا فى فينا على نهر الدالوب وبعدين رحنا الى سلوفاكيا ذبحنى صاحبي قال نبي نجلس فى بيشتنى قلتله الله عطاك يومين والباقى نبي ندوج فى الدير قال انشالله طال عمرك وجلسنا فى سلوفاكيا 20 يوم بين مناطقها ترنشين تبليسيا زيلينيا تترا كوسيشيا بروتسلافا مناطق واجد والله وبعدين رجعنا الى فينا وجلسنا الى ان طارت طيارتنا على اولمبيك ايرويز وكان فيها ترانزيت يوم فى اثينا وكانت حارة اثينا حيل

تحية أخوي ... المغوار ...
حبيبي ياليت تخبرني عن سلوفاكيا ... أكثر .... لأن بلاد شرق أوروبا حلوه ورخيصه للي مطفر ...
شاكر لك مجهودك

اولا ابشرك يا اخى ياماس ان الردود قامت تجيني على بريدي سلوفاكيا بلد رخيص جدا بالنسبه لدول اوربا الغربيه واكثر العرب يجون 3 مناطق فى سلوفاكيا هن بروتسلافا وهيه العاصمة للتسوق وبيشتنى للعلاج وتاترا حيث اكثر المصحات تنضم رحلات لها نهاية الاسبوع وتاترا منطقه جبليه طبيعيه غير طبيعيه يوجد بها تلفريك ويوجد بها بحيرة جميله جدا على ضفافها فندق وهذه صورة للبحيرة وينحدر عليها الماء مثل الشلالا
وتستطيع ان تاجر قارب بسيط وتتمتع فى هواية صيد الاسماك اما المنطقه اللتى اود ان اخبرك عنها وهيه افضل منطقه زرتها فى حياتي فى اوربا وهيه منطقه اسمها كوسيشيا تبعد عن بيشتنى حوالى 550 كلم وتستطيع ان تذهبلها عن طريق الخطوط الشيكيه مثلن كويت براغ كوسيشيا منطقه جميله جدا على الطراز الالمانى يوجد بها اكبر سنتر فى سلوفاكيا وسنترها عبارة عن سنتر فى منتصفه كنيسه كبيرة جدا معطيه منضر للسنتر ويوجد بها محلات تجاريه كبيرة ويوجد مطعم السندباد العربي وصاحبة يمني سوف تجد كثير من العرب موجودون في المنطقه هذى وهم يدرسون الهندسه ويوجد بها ايضا اسرائيليين ويسمون المنطقه هذى ايضا الاوربيين برئة اوربا ويوجد بها مصحات لعلاج امراض القلب والرئه والشرايين شلون اكتشفنا المنطقه هذى السايق اللى ودانا تترا قالنا ابي اوديكم منطقه تعتبر احلى منطقه فى سلوفاكيا وقام يحكيلنا عنها قال المنطقه هذى عمدتها كان سفير سلوفاكيا فى المانيا ورجال مثقف ومعمر المنطقه ومنطقه فعلن جميله قال اوديكم بس بشرط انكم تزيدونى 50$ واذا ما اعجبتكم لا تعطونى شي فعلن العرض مغري قلنا يالله نروح ليش مانروح ورحنا ولقينا المنطقه غير طبيعيه واثارينا مدفونين فى بشتني المهم قعدنا بالمنطقه يمكن4 ساعات وقال السايق انا لازم ارجع بشتنى قلنا يالله نرجع بيشتنى وحنا بالطريق طبعا قعدنا نخطط شلون نرد وكم نقعد فى المنطقه حنا 3 سعوديين من الشرقيه واربعه من الكويت وكلنا فى عمر واحد وخططنا واتفقنا مع السايق يردن راح ورفع علينا السعر قلنا والله لتقد فى الدشه انت وسعرك وصلنا بيشتنى الساعه يمكن 10 مساءا وعلى طول نزلنا الشنط وعلى محطة القطار ورحنا حجزنا قالو فى رحله الساعه 10 صباحا ورحنا حنا الجروب كله وجلسنا فيها 20 يوم فى فندق بجانب فندق سلوفان اكادمي هوتيل على ما اعتقد وكان فندق رخيص اذكر انى انا وصاحبي كنا ماخذين الفندق بعشرين دولار لليله وفندق يستاهل وهذى الحكاية من البدايه الى النهايه

اولاً حمدالله أن أمورك زانت من ناحية الراسائل ...
ثانياً شاكر لك وماقصرت على الوصف ... ويوم ان شاءالله بنروح بنحتاجك أكثر .. وأنت أن شاءالله موب مقصر ...
تحية وتقدير لك أخوي المغوار على مجهودك ...
أخوك
ya-mas