- وهذي صورة لقطو كان ينتضرنا نخلص ههه
- وهذي صورة واحنا بالطريق للمطار للعوده إلى دبي ومن دبي للرياض
بسم الله الرحمن الرحيم
أعزائي وأحبابي أعضاء بوابة السفر للمغرب حبيت أعرض لكم تقريري عن رحلتي للمغرب آمل ان تحوز على رضاكم
( وأتمنى أخواني المغاربة ما يزعلون من كلامي لأني أتكلم بصراحة سواء في موضوعي السابق أو الحالي)
طبعا أنا ما أعمم عليهم كلهم ولكن الأغلبية زي ما قلت :112:تاريخ الرحلة 16- 7- 2008م
مدة الرحلة 15 يوماً
عدد الأشخاص المسافرين 3
وسيلة السفر طيران الإمارات
خط السير ( الرياض – دبي – كازابلانكا – دبي – الرياض )
سعر التذكرة للشخص الواحد 3300 ريال
المدن التي تم زيارتها ( كازابلانكا – الرباط – مراكش)
نبدا بالتصوير من مطار دبي الدولي ماشاء الله ليت مطارنا زيهم
تسوقت في مطار دبي وشريت لي كتاب اقراه في الطيارة لأن الرحله طويله للمغرب وهي 7 ساعات
وهذي صورة للكتاب بصراحه جميل جدا تعرفون انا مثقف ههه مهوب عاقل السياسي
وبعد الوصول بالسلامة للدار البيضاء استأجرنا فله حليوه صراحه ثلاث غرف ومطبخ ومجلسين وصاله كان سعرها 2000 درهم باليوم شامله الشغاله والحارس هذي صورة لها
هذا واحد من الشباب جالس يشرب شاي مغربي
وهذي صورة من داخل الفله
بعدها ملينا من الفله وقلنا نغير السكن واخذنا شغه في شارع الزرقطوني فيها ثلاث غرف و صاله ومطبخ اخذناها ب 1500 درهم شامله الشغاله وهذي صورة للمجلس في الشقه
بعدها اتجهنا إلى مراكش وبصراحه ما طولنا هناك رجعنا ثاني يوم لأنها كانت حاره وطفشنا
وهذي صورة لساحة جامع الفناء هذي مسابقة كانو حاطينها تصيد البيبسي بالسنارة ههه
وقلنا مالنا الا كازا وطحنا الحمد لله على فله على كيفكم في عين دياب فله كبيره وفخمه دورين وحديقه فيها ثلاث غرف ومطبخ وغرفة طعام ومجلس وصاله وثلاث دورات مياة الله يكرمكم وكان سعرها 3500 درهم باليوم شامله السيارة موديل 2007 نوع بيجو والسواق والشغاله والبواب وجلسنا فيها باقي ايامنا كلها
وهذي بعض الصور للفله لا تفوتكم
وهذي صورة لحديقة الفله بصراحه الجلسه فيها ترد الروح
وهذي صورة لي في حديقة الفله جالس
وهذي صورة للطاجين وهو على النار ما شاء الله شغالتنا طبخها خطير ( الطاجين بالسمك)
وهذي صورة للطاجين بعدما جهز على الطاوله
وهذي صورة لقطو كان ينتضرنا نخلص ههه
وهذي صورة واحنا بالطريق للمطار للعوده إلى دبي ومن دبي للرياض
بصراحة في المطار حصلت لي حكايه مع الامن كرهتني في المغرب واقسمت بالله اني ما اروح للمغرب بعدها ابدا وهي انه لما جيت اركب الطياره وزن شنطتي اللي بركبها معي في الطياره وقال لي وزنها 10 كيلو والمسموح 7 كيلو وعصبت وقلت له ياخي الأجانب قدامي ماتوزن شناطهم وانا علشاني سعودي تبغى تستغلني قال لي تبغى تمشي ادفع لي 2000 درهم وقلت حسبي الله عليه ***** وانزل نص عفشي واحطه في الزباله الله يكرمكم واركب الطياره
وبعد الوصول إلى دبي حجزنا في فندق شيراتون كريك
وهذي صور للغرفه من الداخل
وهذا من شباك الغرفه منضر خارجي
وفي النهاية صورة الطيارة اللي بتوصلنا للرياض
في النهاية سامحوني على القصور واتمنى التقرير يعجبكم وسامحوني مرة اخرى اني ماصورت الاماكن اللي زرتها في المغرب لأنه ماكان عندي وقت للتصوير
ماشاءالله عليك .
متابع . نبي صور بعد .
دمت بخير .