فيينا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
  2. اوروبا
  3. النمسا
  4. فيينا
  5. شرح بالصور لطريقة استخدام الاندرقراوند المترو في فيينا
نشر في فيينا

شرح بالصور لطريقة استخدام الاندرقراوند المترو في فيينا


    • بيمو
    31-08-2022 - 10:05 pm
    1. عن شرح كيفية استخدام الاندرقراوند ( المترو ) في فيينا ..

    2. الان ساشرح الحالة الاولى

    3. الحالة الثانية ( اذا كانت المحطتين مو على نفس المسار ) :


    السلام عليكم ورحمة الله وبركاته
    كثير من الاعضاء يسألني عن طريقة استخدام الاندرقراوند وراح اشرح الطريقة بالصور :
    هذا اقتباس من تقريري ( https://artravelers.com/p/re/131495)

    عن شرح كيفية استخدام الاندرقراوند ( المترو ) في فيينا ..

    ارجوا ان ينتفع منه الاخوة والاخوات لانه سهل جداً واقل تكلفة من التكاسي واكثر متعة ..
    طبعا تذاكر الاندرقراوند تشتريها من ماكينة التذاكر في اي محطة .. لكن انا شريت بطاقة فيينا كارد من كشك لمدة 3 ايام بسعر 18 يورو للشخص لانها شامله الاندرقراوند والباصات وعليها تخفيض لدخول المناطق السياحة لكن سعر تذكرة الاندرقراوند لحالها لمدة 3 ايام تقريبا 13 يورو ... (الخريطة تلقاها عند الكونسيرج اللي في الفندق او في الكشكات او في استعلامات الاندرقراوند تحت)
    وانت رايح للقطار راح يجيك هذا الصندوق الازرق تختم التذكرة فيه اذا كنت شاري شاري تذكرة لمسار واحد ( في حالة شراء تذاكر لمدة 3 ايام او تذاكر اسبوعية او شهرية لاتحتاج لتختيمها )

    هناك حالتين للوصول للمحطة المطلوبة
    الحالة الاولى : اذا كانت محطة الوصول المطلوب الذهاب لها على نفس مسار محطة الانطلاق اللي اللي انت فيها وبتركب منها .
    الحالة الثانية : اذا كانت محطة الوصول المطلوب الذهاب لها ليست على نفس مسار محطة الانطلاق اللي فيها وبتركب منها .

    الان ساشرح الحالة الاولى

    لنفترض انك في البراتر ( الملاهي ) وعند المحطة اللي اسمها praterstern وتبغى ترجع لشارع المشاة عند محطة ستيفنز اللي اسمها stephansplatz .. وهنا لاحظ ان المحطتين على نفس المسار وهو U1 الاحمر يعني حسب الخريطة اللي تحت تبي تروح من محطة براتر ستيرن اللي رقمتها انا برقم (4) الى محطة ستيفنز بلاتز رقم (1) مرورا بمحطات برقم 3 وَ 2

    نقطه مهمة ... اذا نزلت تحت راح تلقى مسارين للقطار واحد رايح وواحد جاي ..
    كيف تعرف القطار اللي رايح لساحة ستيفنز؟؟؟ سهلة ... حسب الخريطة في نهايتين للمسار نهاية تنتهي في محطة شمالا مثلا ..ونهاية تنتهي في محطة جنوبا ...
    انت شوف المحطة اللي تبي تروح لها في اتجاه اي محطة من النهايتين ؟؟؟؟.....
    في مثالنا هذا وانت في البراتر تكون محطة ستيفنز في اتجاه المسار اللي ينتهي جنوبا عند محطة Reumann-Platz فاذا نزلت راح تلقى لوحة بأسم آخر محطتين زي هذي

    واذا مالقيت الوحة روح لاي مسار وتلقى لوحة زي هذي وراح تعرف انت على اي مسار

    الحالة الثانية ( اذا كانت المحطتين مو على نفس المسار ) :

    لنفترض انك في ساحة ستيفنز وعند محطة stephansplatz على المسار الاحمر U1 اللي ررقمتها بالرقم (1 ) .. وتبي تروح لقصر الشانبرون عن المحطة اللي اسمها Schonbrunn على المسار U4 الاخضر اللي رقمتها بالرقم ( 6 ) ..

    هنا نلاحظ من الصورة انو محطة stephansplatz لايوجد بها الا مسارين الاحمر U1 والمسار البرتقالي U3 ..
    وفي هذة الحالة نشوف اقرب محطة يوجد بها المسار الاخضر U4 اللي عليه محطة Schonbrunn ..
    وفي مثالنا هذا اقرب محطة باتجاه قصر الشانبرون هي محطة karlsplatz اللي رقمتها بالرقم ( 5 ) ومنها ننزل ونركب المسار الاخضر U4 وبنفس طريقة الحالة الاولى نشوف النهاية او الاتجاه الى على طريقها محطة Schonbrunn ونركب القطار ونحسب كم محطة وننزل بمحطة الشانبرون ..
    انتهى الشرح ،،
    > <
    وهذي خريطة للاندرقراوند موضح فيها كل الاماكن السياحية للعمدة رجل شرقي :
    ارجو اني وضحت الطريقة واذا في شي مو واضح انا مستعد لاستفساراتكم ..
    وسامحوني على التقصير...
    اخوكم / ابو عبدالاله ،،


    التعليقات (9)
    • مسافر للطبيعة
    مسافر للطبيعة
    01-09-2022 - 12:23 am

    بارك الله فيك الموضوع سهل جدا ويحتاج فقط للتجربة
    بارك الله فيك

    • بيمو
    بيمو
    01-09-2022 - 01:24 am

    وبك اخي مسافر .. نتشرف بمرورك يالغالي ،،

    • ملك سدير
    ملك سدير
    01-09-2022 - 02:25 am

    الله يعطيك العافية ... واضح شرحك 100% ...

    • هيمان سفر
    هيمان سفر
    01-09-2022 - 03:26 am

    مشكور يا ابو عبدالاله ،،، طمني عنك ان شاء الله كل الامور طيبه ،،، هيه يابيمو والله زمان ،، عرفنا انك السنه بتغيير الوجهه لتايلند رحله موفقه وعوده غانمه ان شاء الله

    • STOP I'M TOP
    STOP I'M TOP
    01-09-2022 - 04:27 am

    تسلم من جد روعه

    • بيمو
    بيمو
    01-09-2022 - 05:28 am

    ملك سدير
    عافاك الله يالغالي ،، والحمدلله انو الفكرة وصلت ،،

    • بيمو
    بيمو
    01-09-2022 - 06:29 am

    هيمان سفر
    هلاوالله بالغالي هيمان (الحكيم) .. كيفك ياحبيبنا وش اخبارك .. اشوف لك ختات لبوابة تايلاند شكلها مخطط عليها ؟؟
    والله ياخوك اخوي راح لها من سنتين ويمدحها لي ، ويوم شفت تقارير الاخوان هناك صراحة ماتقاوم خصوصا فوكيت جنان ، وقلنا بسم الله الى تايلاند .. تحياتي لك وبالتوفيق ،،

    • بيمو
    بيمو
    01-09-2022 - 07:30 am

    STOP I'M TOP http://artravelers.com/c/205427" target="_blank">
    ومن قال يسلم يالغالي ،، تشرفنا بمرورك الاروع ،،

    • شقراااوي
    شقراااوي
    01-09-2022 - 08:31 am

    مشكور حبيبنا بيمو الشرح روعه
    وواضح بس فقط يحتاج الى تجربه
    وان شاء الله السنه هذي هناك
    تحياتي لك ورااح اطبع شرح ليكون معي


    خصم يصل إلى 25%

    المسافرون العرب أكبر موقع سياحي في الخليج و الوطن العربي ، يضم موقع المسافرون العرب اكبر محتوى سياحي على الانترنت حيث يحتوى على 200 ألف استفسار و نصائح عن السفر و السياحة, 50 ألف تقرير سياحي للمسافرون.

    20 عام هي رحلة المسافرون العرب الممتدة.
    © المسافرون العرب 2024