اخي الكريم بو محمد ..اتمنى لك رحلة موفقة وبالنسبة لسؤالك فأنا اقترح عليك استخدام القطار الأوروبي TGV السريع ويمكنك من التأكد من المواعيد والاسعار على الرابط التالي :
http://www.tgv.com
مع العلم أن هناك عربة خاصة بالعفش..,والموقع يوضح لك أسماء المحطات.
تحياتي

هلا أخوي .. شكراً لك .
تصفحت الموقع . بس مافهمت شئ ... لا عرفت الأسعار ولا مواعيد الرحلات .. ولاحتى تواريخها ..
الرجاء الإفادة ..
وتحياتي لك
بومحمد

الله يعينك يا بو محمد وراك شغل ترتيب
عموما القطار السريع ما يطلع من بون ...... في ألمانيا يطلع من ميونخ بس
و السعر من ميونج روحة ردة ب 100 يورو تقريبا درجة سياحية
و إذا تبغي قطار ما يوقف في أي محطة في الطريق إحجز بدري
شوف هالمشاركة بالنسبة للقطارات الأخرى
https://artravelers.com
بحاول أنزلك صورة شرح إذا تحب تستخدم القطار اللي فوق
تحياتي

بل !!! من باريس لين ميونخ !!! ولين بون . ومن بون لين ميونخ لين باريس !!! والله تعب .. وأنا ماحب التعب وروح وتعال .. شكلي باغير وجهتي .. عفست الجدول يادرجة أعمال ... والله عن جد ماكنت أعتقد وأتوقع جذية .. كنت أتوقع على طول من باريس لين بون ... الأمور سهالات .. لكن أكتشفت العكس ..؟؟؟.. !!! ..
انا ابي أروح أوسع صدري وأستانس .. مب أتلته في المواصلات !!!
لحول لله ولاقوة إلا بالله ... هذا الشئ الي ماعملت حسابه
أنزين مافي حل ثاني ؟؟؟!!!؟؟؟ أنا ودي أروح بون عن طريق باريس ؟؟ حتى لو قطار بطيئ مب مشكلة .. بس أهم شئ يوصلني بون بسلام ؟؟؟؟؟؟؟؟؟؟؟؟؟؟؟؟
وشلون جدول الرحلات هل هي يومية .. أو كل يومين . أو شلموضوع !!! لاني الصراحة أحس أني باخبط أهناك .. مادري شلومي

وشتقصد بيطلع من ميونخ !!! يعني مافي قطار يروح بون ؟؟؟؟؟ وروحة ورده من وين . من باريس لين ميونخ ولا من ميونخ لين بون ؟؟
تحياتي

شبلاك يا بو محمد تصروعت؟
من قاللك ما فيه قطار من باريس لبون؟
أنا قلت لك القطار السريع مال فرنسا ما يروح بون مش ما فيه قطار كلش!
حبيبي في قطارات تروح من باريس لبون وترجع
يطول 4 ساعات و نص تقريبا و يكلفك حول ال100 دولار
زين ....؟
أنا قلت لك شوف الرابط شكلك ما شفته .....
روح الرابط اللي تحت و شوف تواريخك هل فيه قطار في اليوم اللي تبغيه و الا لا
http://www.raileurope.com/us/rail/fares_schedules/index.htm
تحياتي

يعني في قطار من بون لين باريس !! والعكس !!!
تحياتي لك والله ..
بومحمد

اخوي ابو محمد
عن سؤالك انه في القطار تشحن عفشك او لا؟
القطار مثل الباص يوقف في محطة قطار بون ولك 5 دقايق او اقل عليك تكون مجهز شناطك وعلى طول تركب وفيه اماكن فوق المقاعد او على الجنب طبعا حسب نوعية القطار لكن غالبا تكون قطارات سريعة بس فيه مشكلة كثرة التوقف
وتقريبا حدود 4 ساعات وانت في باريس
تحياتي لك
ملاحظة ممكن تحجز من نفس سكة القطار ويعطيك الافضل

شكراً يا أبوسلمان ...