السلام عليكم شلونك ان شاء الله تكونون بخير
صراحه انا يايتكم و بقولكم عن مهرجان الاسره مال جمعية المعلمين
ترى عندهم خوش برنامج مدته من 6-7 لما 26 7 يعني 20 يووم تقريبا
و هو حلو وايد حق الي قاعدين مو مسافرين و حق الاخوان الي زايرينه بعد يستانسون بديرتنا و يشوفون مهرجاناتنا
شوقتكم حق البرنامج والا بعد
شوفو ياحلوين :1:
(1) - اول شي عندهم الافتتاح يوم 6-7 تحت رعاية مرزوق الغانم عضو مجلس الامه و راح يكون في مقر الجمعية بالدسمة
: شنو راح يصير فيه : - مسابقات - العاب - و بوفيه - كله مجانا
( 2) - افطار في الابراج يوم 9-7 "عنوانه كوني اميره في افطارج " في سحب على ارقام الحضور و سعره رمزي 3 دنانير :15:
(3) - يوم 11 -7 رحلة الاقواع ( جزيرة قاروه ) من الساعه 7 ص الى 7 م مع وجبة غداء للاعضاء ب 7 دك و غير الاعضاء 8 دك صراحه مبلغ رمزي
(4) - يوم 13- 7 ورشة عمل مجانيه للام وانتها بعنوان ( انصتي الى قلبي ) تقديم الاستاذه حنان القطان
العدد محدود سارعو بالتسجيل وراح تكون في صالة عبدالله المبارك في مقر الجمعيه بالدسمة
(5) - يوم 15-7 زياره الى اكاديمية سعد العبدالله السالم الصباح ( رحمه الله ) مع وجبة غداء حده عجيبه حق الشباب الي ناوين يدشون الكليه يشوفونها و يتعرفون على اقسامها
(6) - 21-7 محاضره بعنوان " الاعجاز في القران " يقدمها الدكتور صبري الدمرداش و هي مجانا وراح تكون في صالة عبدالله المبارك في مقر الجمعية بالدسمة
(7) شاليهان الجون من 24 - 26 7
و للاستفسار و التسجيل رقم جمعية المعلمين : 820000 داخلي : 146 و 192
اتمنى اني عطيتكم فكره و نبذه حلوه عن المهرجان لان صراحه شغل جمعية المعلمين عجيب انا دايما اكون معاهم مع الاهل
تحياتي القلبيه ^ ام حمني^