MaXMaD
18-06-2022 - 11:34 pm
السلام عليكم ورحمة الله وبركاته
يا شباب يا أهل الشرقية الكرام
إن شاء الله بنزوركم يعد يومين ونظل في صحبتكم شهر كامل.
عندي كم استفسار.. أتمنى مساعدتكم الله لا يهينكم.
إن شاء الله أسكن في الدمام بالقرب من مستشفى البابطين.
1- ما هي أماكن التسوق القريبة من المستشفى؟ ( المجمعات التجارية)
2- هل أحتاج سيارة للتنقل في المدينة؟
3- ما هي أفضل وسيلة للتنقل؟
4- تنصحوني أستأجر سيارة؟ وأفضل مكتب لاستئجار سيارة؟ وكم تتراوح سعر أجار السيارة ( إذا استأجرتها شهر كامل) طبعا سيارة صغيرة على قدر الحال. وهل ممكن أنا أطلع بالسيارة المستأجرة للبحرين لو حبيت؟
5- بخصوص الاتصالات: أنا أعرف إنه عندكم شكرتين للاتصالات (موبايلي والجوال) أي شركة أفضل في عروضها من ناحية الاتصالات الداخلية والدولية والرسائل القصيرة، وما هو أفضل باكيج ممكن آخذه من الشركة وكم بتكون الأسعار؟
6 - بخصوص الانترنت اللاسلكي أو الانترنت المدفوع مسبقا: أي شركة هي الأفضل من ناحية الخدمات والأسعار؟
أتمنى مساعدتكم في الرد على الاستفسارات..
مع التحية
أخوكم MaxMad
انت من وين ؟ ياخوي شكلك مو من السعوديه صح ؟
أنا من الرياض لكني أقدر أفيدك في اشياء بسيطه
بخصوص الانترنت لو كنت بتسكن بعمارة شقق .. أو شقق فندقيه أو فندق .. فما تملك اختيار الشركه لأنك بتدخل منها حسب الموجود عندهم .. لكن الأفضل شركتين بالنسبه لي سعودي نت وأول نت ..
والسياره أكيد تحتاج سياره .. والافضل انك تستأجر شهر طالما مدة جلوسك شهر ...والسعر غالبا من 60 / 100 حسب السياره لكن هذي للسيارات العاديه ..
ولو بغيت تروح البحرين ايه تقدر تروح بالسياره ذي بس اسأل المحل الي بتاخذها منه .. وأفضل انك تروح بسيارتك لأن تكاسي البحرين غالي واجد ..
والجوال والله كل شركه لها ايجابياتها وسلبياتها لكن أنصحك بالجوال لأن مادري اذا موبالي غطا على الاماكن .. تروح أي محل زجول أو اي محل جوال وتشتري بطاقة سوا مسبوقة الدفع .. تكون ب100 او 120 ومشحونه ب100 ريال وكل ما خلصت تعبيها من اي مكان حتى البقالات تبيع كروت اعادة شحن ..
افضل وسيلة للتنقل السياره طبعا
اماكن التسوق والله ماعرف الي قريبه من المستشفى لاني من الرياض لكن الدمام فيها مراكز تسوق ولكن الخبر أكثر .. وتقدر تروح للخبر متى ما بغيت
اتمنى اكون افدتك