السعودية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مسان
28-05-2022 - 05:14 am
انا ذاهب الى الشرقيه يوم الاربعاء 6/7/2004م (ان شاء الله ) وارغب في الحجز بفندق اربع او
خمس نجوم بسعر مخفض لمدة 3 ايام ..... فارجوا من يعرف الطريقة ابلاغي .....؟؟
وشكرا الجميع والشكر موصول للقائمين على هذا المنتدى الراقي....


التعليقات (8)
سلطان الشرقية
سلطان الشرقية
ياهلا ويامرحبا فيك اخوي مسان
تنور الديره بجيتك يالغالي وانا تحت امرك يالغالي , ومستعد أقدم لك الي تبي
بس انت حدد وين تبي تسكن بالظبط بأي منطقة؟ بالخبر او الدمام او الظهران او الجبيل او الاحساء؟
وانا ارسل لك قائمه بالفنادق فيها ومعلومات كامله عنها ويسعدنا زيارتك اخوي
تحياتي لك/سلطان الشرقية

مهاجر
مهاجر
إذا تبي سعر رخيص وفندق خمس نجوم
جرب فندق القصيبي ... فندق خمس نجوم لكن عيبه ان قديم شوي

البعيد
البعيد
يقول الأخ مسان:
(انا ذاهب الى الشرقيه يوم الاربعاء 6/7/2004م) وتاريخ المشاركة اليوم 30/9/2004م)
وشلون تجي ذي ؟
على العموم في الشرقية الخبر أنا دايم أسكن في البارك بلازا سويتس سابقاً (رمادا حالياً) على الكورنيش خلف هارديز على ما أعتقد، فهو من الأفضل موقعاً وسعراً وفرشاً، ويعطي خصومات جيدة، أما الميريديان فإغسل يدك منه

وافي
وافي
اذا بتريد شوري خذ شقه مفروشه 5 نجوم وهناك يوجد تجمع لعدد كبير من الشقق بالقرب من سوق الراشد على
مدخل الخبر لكن لاتسكن قريب جدا من السوق بسبب زحمة المتسوقين ، وترى السوق يستاهل الزياره وفيه العاب واجد للصغار والكبار
ومن تجربتي جرب شقق ديار الفخامه وستدعي لي وكذلك شقق مرسانا وشقق الجنادريه في شارع الملك خالد
وتشرف الشرقيه

ماريوت
ماريوت
اقترح عليك السكن في شقق مفروشة فهي جميلة جدا ومتوفرة باسعار حلوة
رحلة سعيدة

سلطان الشرقية
سلطان الشرقية
اقول الغالي البعيد
هقوتك انه انضحك علينا؟؟

مهاجر
مهاجر
الأخ مسان يقصد 6 / 10 / 2004
وهذا التاريخ يوافق الأربعاء مثل ما ذكر أعلاه
ورقم (7) أتوقع جا بالغلط

مسان
مسان
شكرا جزيلا لكم جميعا (سلطان الشرقيه - مهاجر - البعيد -وافي - ماريوت ).......
وانا أسف على الغلط المطبعي وهو تاريخ السفر ..... والصحيح 6/10/2004م
شكرا سلطان الشرقيه على تقديم خدماتك وبصراحة انا اريد فندق الهوليدي ان بالخبر .... سمعت انه ممتاز
في الاثاث والخدمه وانه مناسب للعوائل ولكن المشكله سعره العالي ... فاذا كان احد منكم يستطيع الحجز
بسعر رخيص فاليت .... !!
وفيه فندق ممتاز ( شقق فندقيه ) البارك بلازا سويتس ( وهي رمادا حاليا )كما قال الاخ العزيز ( البعيد )
والمشكله سعرها عالي كذلك ....!!
فما رايكم يا اخوان ....؟؟


خصم يصل إلى 25%