أنا بورطة مابعدها ورطة
من اكثر من شهر وانا والله ارتب لرحلة ماليزيا وهي رحلة تجديد شهر عسل لي ولزوجي
واتفقت مع مكتب محترم بجدة واعطاني اسعارة وسوالي حجز على 10 جون لغاية الحين الموضوع جيد
زوجي الله يهديه سمع عن مكتب بمكة وقال خلينا نحول عنده لانه اقرب لنا اذا بغينا شي خصوصا واحنا بمكة
وطاوعته وانا مني متطمنه للادمي الي يشتغل فيه
اول شي كنسل لي الحجز الي ب10 جون وقال لي خلي 14 جون احسن وماتشيليش هم الحجز ابدا انا حاكدهولك((حسبي الله عليه)) ولمن عرف سعر المكتب الاول اعطاني اقل منه ب500 ريال
لغاية الحين اوك
بعدها باسبوع كلمته ها اكدت الحجز قال لا بس مش مشكلة ااكدهولك
طيب حجز الفنادق سويته؟ لا لسا يافندم لما يتاكد الحجز الاول وماتشيليش هم الفنادق ابدا دا انا شاري غرف فيها
قبل السفر باسبوع سالته نفس الاسئلة وطبعا اجاباته زي وجهه ومسوي فيها مشغول:112:
الين جا قبل السفر بيومين وعرفت انه ماراح ياكد الحجز
وطبعا مابقينا احد بالخطوط ما طلبناه ياكدلنا الحجز وفي الاخير اتغير موعد حجزنا وزادت اسعار التذاكر فقط لانه اتغير من 14 جون ل15 جون
المهم طولت عليكم رحنا اليوم للادمي عشان ندفع له فلوس الفنادق ويحجز مع العلم اني ستين مرة كلمته عشان نجيب له الفلوس ويحجز وهو يقول ماتشيليش هم وانا قلبي مو متطمن له طيب لي ماياخذالفلوس ويريح بالي؟؟؟
ويوم رحناله الله لايسامحه رفع اسعار الغرف كلها ووصل بعضها للضعف والله بحجة انه مالقى غير هالحجوزات وان نوع الغرفة غير:112:
وزوجي عصب منه بس اضر يوافق لاننا بموقف محرج شرينا التذاكر وبكرة سفرنا وش نسوي
ارجوكم انصحوني كيف ممكن اسوي حجوزاتي بنفسي لاني والله مني راضية اخلي اللئيم هذا يضحك علينا ويلبسنا العمة
ارجوكم ساعدوني
احنا حجزنا كان يومين في بيراميد ابتداء من 16 جون الى 18 جون
وبعدها نطلع على بوكت فندق موفينبيك لمدة 3 ايام وبعدها بانكوك فندق اماري 4 ايام وبعدها نرجع كوالا ونقعد بفندق تريدرز لمدة 6 ايام
بانتظاركم