ماشالله عليك أهم شي روحي بالأولاد...

اسال الله ان يوفقكم ويديم المحبة بينكم ويبعد عنك الحسد والحساد
شي جميل بعد هذه العشرة ان تجد الحب متقد بين الزوجين
ما شاء الله لا قوة إلا باللهأختي اول فكرة انك استبعدتي سنغافورة لأنك قلتي ذكراياتكم الحلوة كانت في اليزيا
الثانية واللي اشوفها مميزه جدا انك تسكنين في نفس الفنادق لتجديد العهد والوئام
لكن استفسري عن الفنادق لانه ما شاء الله اكيد بعد عشر سنوات يخلق الله ما لا
تعلمون ... أما ان كانت بنفس الجودة فأنصحك وبقوة لانها فكرة غاية في الرومانسية
وحطي في بالك اكيد كل رحلة لها يجابيات وسلبيات انتِ شوفي رحلتكم ايش الأشياء
اللي ما حبها وحاولي تبعدي عنها لان الرحلة كأساس له هو ( وصدقيني بيحرص على
رضائك )....
وفقكم الله وجعل عشرتكم وحياتكم في طاعته وجمعكم زوجين في جنة الخلد حيث لاشقي..
تحياتي
أبو لمار

وين الردود يا الحبايب ما أعجبتكم هالفكرة الرومانسية ؟؟
وما أظن اخذ العيال معي لأناا تونا جايين من دبي ومتمشين ومنبسطين

السلام عليكم
ماشاء الله عليك وإن شاء الله سنين طويله وعمر مديد ملئ بالمحبه والايمان واعتقد
ان سفرتكم الاوله بنفس موعد ومكان سفرتنا الاوله قبل 9 سنوات ماليزيا وسنغافوره
ولكن تأكدي ان الوضع تغير بالنسبه لماليزيا كل شي ارتفع للأضعاف اذكر اني سكنت بشنقريلا
ب 230 ريال واللحين تقريبا 800 ريال ونفس الشئ للفنادق الثانيه واعتقد ان فندق ميتارا بينانق
مغلق من العام الماضي والي الان للتحديثات والتجديد او ماعرف بالظبط ليش ,,,واشوف انه يبي لك تخبرين
زوجك قبلها بفتره كافيه اما يومين ماتكفي والحين ممكن تواجهين صعوبه في الحجوزات
سوا الطائرات او الفنادق مو مثل اول وثاني شي سنغافوره تحتاجون الي فيزا للدخول ليست مثل
السابق بدون فيزا وعموما فكرتك طيبه ولكن تأكدي انه يبي لك من 20 الي 25 الف تقريبا والله اعلم 000

أنا ناويه الرحلة 10 ايام بدون ايام السفر يعني 12 يوم (صعبه نطول على الصغار)
وحاطه ميزانية 20 ألف تذاكر وفنادق وتمشي بدو تسوق
بس ابي سرية في كل شي يعني ابي احجز بالنت كل شي الا التذاكر باخذها من هنا بس ما بعد لقيت حجز مناسب , وبالنسبة لزوجي راح يكون ضيفي في هالرحلة يعني هذي هدية ذكرى زواجنا العاشر

اختي, الرجاء ذكر تاريخ الذهاب والعودة وعدد الايام والميانية القصوى لفنادق وعلى ضوئها تحدد افخم الفنادق بالنسبة للميزانية وبالتوفيق.

السلام عليكم
اولا الله يهنيكم ان شاء الله وعقبال اليوبيل الذهبي يارب..
ثانيا ماتشوفين انه مخاطره كبيره مره انك تخططين رحله كامله لمدة 10 ايام من غير مايكون عنده خبر..
احتمال يكون مرتبط بشي مهم وتتورطين بعد ماحجزتي ودفعتي..
يعني صح ممكن تقولين له لاترتبط قبلها بيومين لو انك بتعزمينه على عشاء..
او ليلة بالفندق مثلا.
بس سفر لمدة 12 ايام من الباب للطاقه.. بينصدم شوي..
واحتمال يرفض او يتضايق لانه مامداه يعلم اهله مثلا.. او عنده شي مع احد معين,,
ادري ردي لقافه وخارج الموضوع..واحتمال كبير تعصبين ومن حقك..
بس وربي انا ناصحه لك.. والرجال صعبه شوي عليهم ترا هالاشياء,,
موب زينا يقدرون المفاجات وخايفه تتفركش تخطيطاتك لسبب او اخر..وصراحه مره قهر بيكون..
اللي ممكن تسوينه مثلا..
الحين خوذي ظرف حلو وحطي فيه من جوا بتلات ورد جوري ...
ودعوة لرحله من اليوم الفلاني لليوم العلاني.. بمناسبه مرور 10 سنين..
وتبينين انه هديه منك سواء من المصاريف او التخطيط او كلش..
علشان تعرفين بس وش انتي عليه..
وعلشان يكون عنده استعداد نفسي..
وبالنسبه لموتيارا مثل ماتفضل اخوي زازا.. مغلق للصيانه للاسف..
بس شانقريلا راسا سايانق.. مره حلوه وبتعجبكم ان شاء الله
اسفه على التطفل..
بس وربي قصدي خير..
ان عجبك كلامي الحمدلله.. وان ماعجبك اطمريه ولا كانك شفتيه وسامحيني

بالنسبة للتذاكر اتوقع انس بتتعبين شوي او بتلقينها غالية حبة ونص.
الميزانية بدون التذاكر هي 13000 ريال وخلينا 7000 ريال للتذاكر.
0ريال=11300 رنجت
التمشي بدون التسوق=200*10=2000 رنجت.
ميزانية الفنادق= 9300 رنجت.
1 ليلة في فندق الصن واي في كلوب روم ب954.5 رنجت
او فندق الخيول الذهبية في اكسكتف سويت ب1127 رنجت (هذا هو الافضل)
3 ليلة قي لنكاوي: فندق الوستن في جناح تنفيذي=3*1180=3540 ريال شامل الافطار والتوصيل من والى المطار وبلكونة خاصة وجاكوزي
او اذا تبون ارخص شوي فيه فندق البرجايا في غرفة بريمير=3*671=2012 رنجت (الرجاء مراجعة تقرير ابو فراس لصور المنتجع).
2 ليلة في بينانغ في فندق الشانغريلا الراسيسنغ في غرفة كبيرة مطلة على البحر=2*1024=2048 رنجت
او في سويت في فندق البارك رويال كطل على البحر = 2185 رنجت( انا شخصيا افضل فندق الشانغريلا).
4 ليلة في كوالالمبور: فندق الوستن في سكن الاكسكتف = 4*793.5=3174 رنجت.
المجموع=1127+3540+2048+3174=9889 رنجت وهو فيحدود الميزانية المذكورة.
وبالتوفيق

ماشاء الله تبارك الله الله يكفيك شر الحساد ويديم المحبة والعشرة وياليتك ماذكرتي التفاصيل لان الناس ماتعطي خير هالايام واحرصي على الورد اليومي لاتنسينه وصدقيني عمره ماراح ينسى هالرحلة انا سويت حفلة في بيتي بمناسبة مرور 4 سنوات على زواجي وكني موديته لباريس شهر كامل لان الرجل ماينسى مو مثلنا يالحريم كفارات العشير وميزانتيك حلوة اذا بدون شوبيتق وحطي تحت الشوبينق الف خط...