**كابتشينو**
06-11-2022 - 03:51 pm
بسم الله الرحمن الرحيم..
انا راح اريحكم واجمع كل استفساراتي في هالموضوع..وانشالله مايطلع ببالي سؤال ثاني عقبه
اول شئ..بالطيارة هل يسمحون لي اني اركب معي عربية الطفل الصغيرة"اللي مثل الشمسية"..لانها ما تأخذ حيز..وممكن تنحط تحت الارجل..والا ممنوع؟؟
..لاتستغربون اسئلتي ترى ماقد سكنت فندق الا كم مرة وكل هالمرات مادريت عن سالفة الافطار ولا عمري نزلت له ولا لحقت عليه..وعقبها صرنا نسكن شقق فندقية..ولا عندهم افطار..
..هل افطار الفندق لازم ينزل الاشخاص مع بعض في نفس الوقت والا عادي ممكن ينزل احدهم والثاني يظل مع الاطفال لو كانوا نايمين واذا صحوا الاطفال ينزل معهم ..والا لازم ننزل سوى؟؟
لو فاتني وقت الافطار اليومي وبغيت اطلب افطار بالغرفة او انزل للمطعم افطر "بفلوس طبعا"يكون متوفر وجبة افطار والا خلاص تلغى طلبان الافطار نهائي ويبدأون فترة الغداء؟؟
هل فيه بالفندق غرف امانات ممكن الواحد يترك شنطة عندهم ويسافر لنكاوي ويرجع لنفس الفندق والا لازم يشيل معه الشنط ..وهل هالخدمة لو توفرت تكون مجانية"طرار ويتشرط بعد"والا بفلوس علما اني راح اسكن نفس الفندق اللي تركتها عنده..؟؟
هل يتقيد الفندق بوقت الخروج منه"12 ظهرا "والا ممكن يمدد لك كم ساعة لان رحلتي الفيري الساعة 5 وربع..وافكر كيف راح اطلع معي باغراضي من الساعة 2 الى 5 ..وين اروح وهي معي..هل ممكن يمدد لي للساعة 4 مثلا؟؟
كيف نظاف افياش الكهرباء هناك أي خط؟؟كم فولت يعني؟؟وهل هي ثلاثي او ثنائي ؟؟مربعات والا مدورة؟؟علشان اخذ احتياطاتي للشاحن واللاب توب....الخ
يحتاج اخذ معي مظلة"شمسية"والا مافيه امطار تسوى.؟؟؟
اذا اخذت معي فلوس كاش..وين ممكن احطها وقت السفر؟؟بالشنطة اللي احملها بيدي"مو خطر هالشئ"والا احطها بشنط السفر؟؟والا اعتمد على بطاقة الفيزا والصراف افضل؟؟
اسئلة خاصة للامهات..
بالنسبة لتجهيز الشنط انا ما ودي اكثر وزوجي يقول بس شنطتين كفاية.وانا معي طفلين..محتارة اخذ معي ملابس قليلة واعتمد هناك على الغسيل والكوي برى والا؟؟
هل اسعارهم هناك مناسبة ومقاربة للاسعار هنا والا ضرب في السعر...لان واحدة من معارف تقولي انها غسلت عبايتها وكوتها عند المغسلة ب20 ريال تقريبا ..معقول؟؟احسه كثير..
ولو اخذت ملابس كثيرة تكفي ل20 يوم ..وش بيكفيها"تعرفون الاطفال عاد ممكن يغيرون باليوم اكثر من مرة"
هل التنقل بين المدن"انا راح اطلع كوالا..لينكاوي..بيانق"متعب مع تنقيل الشنط والاطفال+اللاب توب+كاميرا الفيديو+شنطة الطفل+طفل محمول+ عربية الطفل..احس الاغراض كثيرة وشايلة هم الفيري..والباصات لجنتنق وكوالا..وش رأيكم؟؟
ونفس الشئ لجنتنق ..راح اطلع بالتلفريك والا صعبة مع الاغراض والافضل اخذ تاكسي؟؟؟
وجزاكم الله كل خير..
الاجوبة جميعها في بطن المشاركة بكل التوفيق ..